Fréttablaðið - 23.11.2006, Síða 30

Umframeftirspurn var meðal
erlendra fjárfesta í lokuðu hluta-
fjárútboði Kaupþings og náðist
það markmið stjórnenda bankans
að fjölga útlendum fjárfestum í
hluthafahópi bankans. Safnaði
bankinn 49,5 milljörðum króna í
útboðinu.
Annar tilgangur útboðsins var
sá að sækja nýtt eigið fé til að
styrkja eiginfjárgrunn bankans og
gefa honum kost á áframhaldandi
útrás. Greiningardeild Landsbank-
ans býst við að stutt sé í fréttir af
yfirtöku Kaupþings á öðrum fjár-
málafyrirtækjum.
Útboðið var í umsjá Citigroup
Global Markets og Morgan Stanley
& Co sem seldu fyrir hönd bankans
66 milljónir nýrra hluta, sem sam-
svarar tíu prósenta aukningu hluta-
fjár. Útboðsgengið var 750 krónur
á hlut sem er tíu prósent undir loka-
gengi bankans á þriðjudaginn.
Telur Greining Glitnis þetta vera
gjafverð, enda er útboðsgengið 23
prósentum undir verðmati Glitnis
á Kaupþingi.
Landsbankinn telur sennilegt
að veittur sé afsláttur frá mark-
aðsgengi þar sem erlendir fjár-
festar líti á þetta útboð sem eins
konar frumútboð.
Gengi á bréfum bankans lækk-
aði hratt í verði í gær eftir að
greint var frá niðurstöðum útboðs-
ins en hækkaði á nýjan leik þegar
leið á daginn. Kostaði hluturinn
803 krónur í lok dags sem var 3,25
prósenta dagslækkun.
Glitnir telur að hér sé um tíma-
mót að ræða í sögu Kaupþings.
„Með aðgangi að eiginfjárfram-
lagi erlendra fjárfesta hristir
bankinn af sér þá fjötra sem fylgja
því að vera háður vilja og getu inn-
lendra fjárfesta til að styðja vöxt
og viðgang bankans,“ segir í Morg-
unkorni Glitnis.
Eigið fé Kaupþings stóð í 267
milljörðum króna í lok september.
Ætti það að standa í 300 milljörð-
um króna að teknu tilliti til auka-
arðgreiðslu í formi hlutabréfa í
Exista í október.
Kaupþing hefur jafnframt
veitt umsjónaraðilum útboðsins
umframsölurétt á 9,9 milljónum
hluta sem Exista, stærsti hlut-
hafinn í bankanum, lánar. Réttur
þessi er nýtanlegur í þrjátíu daga
frá gærdeginum til þess að kaupa
hluti á útboðsgengi til að svara
umframsölu. Hlutunum verður
síðan skilað aftur til Existu.
Egla, annar stærsti hluthafinn í
Kaupþingi, festi í gær kaup á
hlutabréfum í bankanum fyrir
einn milljarð króna. Sigurður Ein-
arsson, stjórnarformaður Kaup-
þings, og forstjórinn Hreiðar Már
Sigurðsson tilkynntu sama dag um
kaup á hlutabréfum Kaupþings
fyrir tæpar 800 milljónir króna.
Útboðsgengið var 750 krónur á hlut sem er gjafvirði að mati Greiningar Glitn-
is. Nýja féð styrkir eiginfjárstöðu bankans og ýtir undir væntingar um kaup á
öðrum fyrirtækjum. Egla og stjórnendur Kaupþings bæta við sig bréfum.
[Hlutabréf] Peningaskápurinn..
Fjármálaeftirlitið hefur birt á
heimasíðu sinni til umsagnar
umræðuskjal
með drögum að
reglum um eigin-
fjárkröfu og
áhættugrunn
fjármálafyrir-
tækja.
Fjármálafyr-
irtæki og vænt-
anlega aðrir sem
kunna að hafa hagsmuna að gæta
hafa frest til 15. næsta mánaðar til
að koma að athugasemdum um
umræðuskjalið. Í því kemur fram
að markmiðið með fyrirhuguðum
reglubreytingum sé einkum að
ákvörðun um lágmark eigin fjár
fjármálafyrirtækja verði byggð á
nákvæmari viðmiðum en hingað
til hafi verið stuðst við, þannig að
fyrirtæki sem hafi góða stjórn á
áhættum sínum geti notið þess við
útreikning á eiginfjárkröfunni.
„Þetta er gert
með tvennum
hætti: Meginregl-
ur eru ítarlegri
en áður, auk þess
sem stór fjár-
málafyrirtæki
með öflugt skipu-
lag geta fengið að
byggja eiginfjár-
kröfuna á eigin áhættumati að
hluta,“ segir í skjalinu.
Reglunum er ætlað að innleiða
eiginfjárákvæði Evróputilskipana
sem byggðar eru á svonefndum
Basel 2 reglum. „Gert er ráð fyrir
gildistöku reglnanna í ársbyrjun
2007 og munu þær leysa af hólmi
reglur nr. 530/2003, um eiginfjár-
hlutfall fjármálafyrirtækja,“ segir
Fjármálaeftirlitið.
Huga að breyttum
reglum um eigið fé
Innlend útlán bankakerfisins hafa
nánast staðið í stað frá miðju ári,
segir í úttekt greiningardeildar
Glitnis. Þar er bent á að svo virðist
sem vöxtur bankakerfisins á
seinni hluta ársins hafi að mestu
leyti átt sér stað í erlendum útlán-
um og markaðsverðbréfum.
„Í nýbirtum tölum Seðlabanka
kemur fram að heildarútlán
bankakerfis í októberlok námu um
3.500 milljörðum króna og jukust
um rúmt prósentustig frá fyrri
mánuði. Að baki þessarar aukn-
ingar var fyrst og fremst tæplega
8 prósenta aukning í erlendum
útlánum og markaðsverðbréfum
en innlendar eignir í þessum flokk-
um minnkuðu hins vegar um 1,4
prósent í mánuðinum. Skuldir
heimila við bankakerfið námu 679
milljörðum króna í lok október og
jukust um 1,4 prósent innan mán-
aðar,“ segir greiningardeildin.
Bent er á að frá miðju ári hafi
erlend útlán og markaðsverðbréf
bankanna aukist um ríflega 12
prósent á föstu gengi. „Innlendar
eignir bankanna í ofangreindum
flokkum hafa hins vegar vaxið um
1,2 prósent á sama tíma.“ Snörp
umskipti urðu á vordögum í út-
lánavexti bankanna. „Fram að því
höfðu útlán þeirra vaxið með
síauknum hraða undangengin
misseri. Bankarnir voru með
þessu að bregðast við viðvörunar-
orðum matsfyrirtækja og grein-
ingaraðila sem höfðu áhyggjur af
þessum öra vexti.“
Greiningardeildin segir versn-
andi fjármögnunarkjör þó einnig
kunna að eiga hlut að máli hvað
varði þróun erlendra útlána. „Í
öllu falli virðist vera töluverð
fylgni milli lánskjara bankanna
eins og þau endurspeglast í verði
skuldatrygginga (CDS) bankanna
og erlendum útlánavexti á föstu
gengi. Þannig stóðu erlend útlán
og markaðsverðbréf nánast í stað
frá maíbyrjun til ágústloka eftir
snarpa hækkun á verði CDS en
tóku að vaxa nokkuð hratt í haust
samfara lækkun skuldatrygging-
anna eftir því sem trú erlendra
fjárfesta á Íslandi fór vaxandi á
ný.“
Innlend útlán standa í stað
Blaðamaður Extrablaðsins danska
skuldar stjórnarformanni Kaup-
þings, Sigurði Einarssyni, eina
flösku af rauðvíni. Sigurður sendi
ritstjórn Extrablaðsins í gær svör
við 21 spurningu sem blaðamaður
blaðsins beindi til bankans.
Á blaðamannafundi þar sem
Kaupþing vísaði á bug skrifum
blaðsins kom til hvassra orða-
skipta milli Sigurðar og Johns
Mynderup, blaðamans Extrablaðs-
ins. Þar hélt blaðamaður danska
blaðsins því fram að skjal þar sem
vottað væri að viðskipti tengdust
ekki peningaþvætti eða annarri
ólöglegri starfsemi væri einstakt
og tortryggði með því viðskipti
bankans í Lúxemborg. Sagðist
hann aldrei á þrjátíu ára ferli
sínum sem viðskiptablaðamaður
hafa séð slíkt plagg. Sigurður
sagði slík plögg almenn í Lúxem-
borg. Mynderup veðjaði þá einni
rauðvín ef Sigurður gæti sýnt sér
fram á slíkt.
Með svörum bankans sendi Sig-
urður staðfestingu frá yfirvöldum
í Lúxemborg, þar sem staðfest er
að samkvæmt lögum frá 2004
skuli menn skrifa undir slíkar
yfirlýsingar um að ekki sé á ferð-
inni peningaþvætti. „Ég geng þrátt
fyrir allt út frá því að Extrablaðið
muni birta 21 svar okkar, og ég
geng líka út frá því að herra Mynd-
erup muni sýna að hann kunni að
taka tapi í veðmáli sem hann sjálf-
ur stofnaði til,“ segir Sigurður í
niðurlagi bréfs síns til ritstjórnar
Extrablaðsins.
Skuldar Sigurði
rauðvínsflösku