Fréttablaðið - 23.11.2006, Síða 46

Gler í Bergvík er heitur vinnu-
staður og þangað er gott að
koma inn úr kuldanum. Sú sem
þar ræður ríkjum er Sigrún
Einarsdóttir glerlistamaður.
Sigrún situr við eldinn, beygir sig
fram og blæs í langa pípu. Á
hinum enda pípunnar er glas að
verða til. „Pöntunin hljóðar upp á
240 glös en ætli ég þurfi ekki að
blása svona 400 til að fá 200 í
fyrsta flokk?“ segir hún.
Reyndar situr Sigrún ekki í
sætinu nema til hálfs þegar vel er
að gáð. „Ég er búin að sitja svona
hálfbogin á hægri rasskinninni í
24 ár!“ segir hún hlæjandi þegar
haft er orð á erfiðri vinnustell-
ingu. Verður svo alvarleg aftur.
„Jú, þetta er óneitanlega svolítið
þung vinna. Það þarf að lyfta öllu
í ákveðna hæð en ég er með ansi
sterkan skrokk og kem þar eigin-
lega sjálfri mér á óvart.“
Heilsufarsumræðan leiðir í ljós
að hún iðkar jóga daglega og ekki
skortir kjarkinn því hún brá sér í
fallhlífarstökk í sumar. „Ég varð
að ögra sjálfri mér aðeins,“ segir
hún brosandi.
Sigrún rekur eina verkstæðið á
Íslandi með brætt og blásið gler.
Eiginmaðurinn Sören stóð við hlið
hennar í yfir tuttugu ár en hann
dó í hörmulegu slysi fyrir rúmum
þremur árum. „Við hjónin keyrð-
um þetta verkstæði af miklum
krafti til 2003 og síðan hef ég haft
aðkeypt vinnufólk þann tíma sem
ég er með kveikt. En ég er ekki
með kveikt allt árið lengur. Raf-
magnið hækkaði með einu penna-
striki um sextíu prósent fyrir
nokkrum misserum og það var
ekki heillavænlegt fyrir þessa
starfsemi.“
Þótt engan bilbug sé á Sigrúnu
að finna er hún geinilega farin að
huga að arftaka sínum í gler-
blæstrinum. Því hefur henni dottið
í hug að setja upp námskeið. „Eftir
að ég varð ein hefur tilveran
breyst og ég er farin að átta mig á
að allt tekur einhverntíma enda.
Mig langar að glerblástur hverfi
ekki úr landinu með mér og það
væri gaman að geta kennt þetta í
einhverju formi.“
Gler eftir Sigrúnu fæst meðal
annars í Listasafni Íslands, Ála-
fossi og Epal Designe í Leifsstöð.
Fyrstu helgina í desember er svo
jafnan opið hús í Bergvík. Þá selur
Sigrún meðal annars það sem hún
kallar útlitsgallaða vöru og ekki
hefur fallið að hennar ströngu
gæðakröfum. „Hingað kemur allt-
af fjöldi fólks þessa helgi og það
er alveg ótrúlega gaman,“ segir
Sigrún glaðlega og er greinilega
farin að hlakka til.
Brætt og blásið í Bergvík