Fréttablaðið - 23.11.2006, Síða 47

Nú er hægt að kaupa gömlu, góðu barna-
vöggurnar aftur. Þær eru búnar til í
heimahúsi í Hlíðunum.
Hjónin Ágústa Gunnarsdóttir og Stefán
Bjarni Stefánsson fást við þá einstöku
tómstundaiðju heima hjá sér að búa til
bæði barna- og brúðurúm úr tágum og tré.
Þar með hafa þau tekið upp þráðinn þar
sem vinnustofa Blindrafélagsins hætti. Að
sögn Ágústu lærði Stefán körfugerð hjá
Blindrafélaginu á sínum tíma og fyrir um það
bil ári síðan ákváðu þau halda þeirri kunn-
áttu við og hefja framleiðslu á eigin spýtur.
Afraksturinn hefur mælst vel fyrir. „Fólk er
mjög ánægt með að þessar vöggur skuli fást
að nýju enda þekkir þjóðin þær,“ segir hún og rifjar
upp að bæði vinnustofa Blindrafélagsins og Blindra-
vinafélagsins hafi séð til þess fyrr á árum að hægt
væri að rugga börnum í svefn í íslenskum körfurúm-
um. Hún segir þau hjónin líka taka að sér viðgerðir
á alls kyns körfum, þar með töldum körfurúmum
og segir oft heilmiklar tilfinningar tengdar
rúmunum sem eitt barnið af öðru hafi
hvílt í fyrstu mánuðina. „Við
höfum fengið rúm til viðgerðar
með nöfnum allra notenda á botn-
inum og þau skiptu tugum,“ rifjar
hún upp.
Barnavöggurnar kosta 14.000
krónur án dýnu og Ágústa segir sam-
starf í gangi við Listadún sem skaffi
dýnur í rúmin. Einnig selji Þumalína
sérstakt fóður í þau og tjöld yfir. Dúkku-
vöggurnar eru til í tveimur stærðum
sem kosta fimm og sex þúsund. Þær
fást með sérsaumuðum rúmfötum.
Upplýsingar um körfurúmin eru í
síma 846 7001.
Svíf þú inn í svefninn