Fréttablaðið - 28.11.2006, Qupperneq 2

Ína, er þessi bið ekki ónáttúru-
leg?
Rafael Correa, 43 ára vinstrisinnaður
hagfræðingur, sigraði með glæsibrag í forsetakosn-
ingunum í Ekvador á sunnudaginn. Þegar helmingur
atkvæða hafði verið talinn í gær hafði Correa fengið
tvisvar sinnum fleiri atkvæði en andstæðingur hans,
auðjöfurinn Alvaro Noboa.
Ekvador bætist því í hóp þeirra Suður-Ameríku-
ríkja þar sem vinstrimaður er við völd. Fyrir eru
vinstrimenn við stjórnartauminn í Bólivíu, Brasilíu,
Argentínu, Chile og Venesúela.
Þeim Correa og Hugo Chavez, forseta Venesúela,
er vel til vina, en Chavez hefur verið einn hvassyrt-
asti andstæðingur Bandaríkjanna.
Correa hóf kosningabaráttu sína með því að líkja
sér við Chavez, en hætti því þegar hann sá að það
kæmi ekki vel út í skoðanakönnunum. Nú eru þær
afstaðnar og Correa segist vonast til þess að geta
gert svipaða hluti og Chavez.
Correa hefur lofað því að bæta mjög stöðu
fátækra í Ekvador, landi þar sem fátækt er mikil.
Hann vill einnig breyta stjórnarskrá landsins til
þess að draga úr valdi gömlu flokkanna og takmarka
starfsemi Bandaríkjanna í Ekvador.
Andstæðingur Correas í forsetakjörinu, Noboa,
vildi þó ekki viðurkenna ósigur sinn í gær og sakaði
Correa um kosningasvindl.
Vill hjálpa fátækum og draga
úr áhrifum Bandaríkjanna
Við höfum ekki einungis
keypt Tamiflu, heldur
einnig lyf sem heitir Relenza til
þess að hafa ekki öll eggin í einni
körfu.
Fimm ungir
veiðimenn, sem allir voru í sömu
fjölskyldu, fundust myrtir í
miðhluta Grikklands á laugardag.
Mennirnir, sem voru á aldrinum
17 til 33 ára, voru saman í
veiðiferð þegar harmleikurinn
varð. Tveir þeirra voru bræður
en hinir þrír voru frændur
bræðranna. Faðir bræðranna
fann líkin á akri, en hann hóf leit
að mönnunum eftir að annar
sonur hans hringdi í hann úr
farsíma sínum. Sambandið
slitnaði þó áður en feðgarnir náðu
að tala saman.
Gríska lögreglan hefur hafið
morðrannsókn og leitar nú
morðingjans.
Fimm myrtir í
veiðiferð
Staðan á frístunda-
heimilum Reykjavíkurborgar er
mun betri nú en á sama tíma í fyrra
þegar um 150 börn voru á biðlista
eftir vistun að sögn Björn Inga
Hrafnssonar, formanns Íþrótta- og
tómstundaráðs. Dofri Hermanns-
son, varaborgarfulltrúi Samfylk-
ingarinnar, gagnrýndi framgöngu
meirihluta borgarstjórnar í mál-
inu í Fréttablaðinu í gær.
Í dag eru 68 börn á biðlista sem
mun vonandi styttast í vikunni þar
sem tekist hafi að ráða í nokkrar
stöður á síðustu dögum, að sögn
Björns Inga.
„Auk þess er mun meiri aðsókn
núna í vistun. Þannig erum við
bæði að koma fleiri börnum að og
erum með styttri biðlista. En engu
að síður teljum við of mikið að
hafa eitt einasta barn á biðlista.“
Borgaryfirvöld eru með margs
konar aðgerðir í gangi, fullyrðir
Björn Ingi, og er nú í gangi þjón-
ustukönnun hjá foreldrum allra
barna sem eru á biðlista. „Við erum
meðal annars að kanna hvort ein-
hver þeirra þurfi bara hluta úr vist-
un svo hægt sé að koma fleirum
fyrir inni á sama degi. Einnig erum
við að upplýsa fólk um stöðuna.“
Hingað til hefur sú regla gilt
varðandi umsókn um vistun að
fyrstir koma fyrstir fá. Nú hefur
því verið breytt á þann veg að
yngstu börnin og þau sem hafa
sérþarfir fá forgang, að sögn
Björns Inga. „Það leysir vanda
ákveðinna barna. Og miðað við þá
þróun sem er núna virðist mér að
við getum klárað þetta á allra
næstu vikum.“
Styttri bið og fleiri komast að
Karlmaður á fimmtugsaldri
fannst látinn úti fyrir Hvamms-
vík í Hvalfirði aðfaranótt
mánudags.
Maðurinn fór í róður á kajak í
víkinni rétt eftir hádegi á
sunnudag. Þegar ekki hafði
spurst til mannsins á sunnudags-
kvöldið hafði ættingi hans
samband við lögreglu sem gerði
björgunarsveitum og varðskipi,
sem var í mynni Hvalfjarðar,
viðvart. Áhöfn varðskipsins fann
manninn laust fyrir klukkan tvö
um nóttina þar sem hann lá við
hliðina á bát sínum úti á sjó.
Tildrög slyssins eru ókunn.
Ekki er hægt að greina frá nafni
mannsins að svo stöddu.
Kajakræðarinn
fannst látinn
Brotist var inn í
tveggja hæða einbýlishús í
Mosfellsbæ síðdegis á fimmtu-
daginn.
Þjófurinn eða þjófarnir
spenntu upp glugga, rótuðu í
skápum og skúffum og stálu
heimabíómagnara, leikjatölvu,
upptökuvélum og ýmsum öðrum
rafeindatækjum. Auk þess var
skartgripum, peningum og
gjaldeyri stolið úr húsinu.
Að sögn lögreglunnar í
Reykjavík nemur andvirði
þýfisins hundruðum þúsunda,
eða jafnvel milljónum króna.
Málið er í rannsókn hjá lögregl-
unni.
Stálu tækjum
og skartgripum
Ungur piltur hefur
játað að hafa ráðist á karlmann á
sjötugsaldri í Öskjuhlíðinni
síðastliðið föstudagskvöld.
Pilturinn og þrír félagar hans
veittust að manninum á Flug-
vallarvegi eftir að hafa komið
upp að bíl mannsins og spurt
hvort hann væri samkynhneigður.
Fórnarlambið hlaut slæma
áverka á andliti í árásinni og
missti auk þess fjórar tennur. Að
sögn lögreglunnar í Reykjavík
liggur nú fyrir að einungis einn
piltanna lagði hendur á manninn
og telst málið að fullu upplýst.
Fórnarlambið og piltarnir
þekktust ekkert.
Játar barsmíðar
í Öskjuhlíðinni
75.000 KR.
GJAFABRÉF
FRÁ SMÁRALIND FYLGIR NÚNA ÖLLUM BÍLUM
Jón H.B. Snorrason,
yfirmaður efnahagsbrotadeildar
ríkislögreglustjóra, verður
aðstoðarlögreglustjóri hjá nýju
embætti lögreglunnar á höfuð-
borgarsvæðinu sem tekur til
starfa um áramótin. Fréttastofa
NFS greindi frá þessu í kvöld-
fréttum sínum í gær. Jón vildi
ekki staðfesta þetta við frétta-
stofuna.
Stefán Eiríksson, lögreglu-
stjóri hins nýja embættis, vildi
ekki tjá sig um málið og vísaði á
dómsmálaráðuneytið. Ekki náðist
í dómsmálaráðherra.
Jón H.B. vara-
lögreglustjóri
Tilkynnt hefur
verið um alvarlegar geðrænar
aukaverkanir hjá á annað hundrað
börnum sem fengið hafa inflúensu-
lyfið Tamiflu og eru þær hugsan-
lega afleiðingar af notkun þess.
Tugþúsundir skammta af lyfinu
hafa verið keyptir hingað til lands
til að bregðast við heimsfaraldri
inflúensu, til að mynda fugla-
flensu.
„Þetta hefur komið til skoðunar
áður, en engar tilkynningar hafa
borist frá ábyrgum yfirvöldum
enn um að þarna sé raunveruleg
tenging,“ segir Haraldur Briem,
sóttvarnalæknir hjá Landlæknis-
embættinu. Hann bætir við að
samkvæmt síðustu upplýsingum
sem hann hafi fengið hafi þessara
hugsanlegu aukaverkana gætt í
Japan. Þar í landi sé lyfið mikið
notað handa börnum.
Hjá Landlæknisembættinu eru
nú til 89 þúsund skammtar af Tam-
iflu, sem eiga að nægja þriðjungi
þjóðarinnar ef heimsfaraldur
breiðist út.
„Við höfum ekki einungis keypt
Tamiflu, heldur einnig lyf sem
heitir Relenza til þess að hafa ekki
öll eggin í einni körfu,“ segir Har-
aldur. „Við erum að kaupa um
fjögur þúsund skammta af því á
þessu ári og væntanlega um sex-
tán þúsund á því næsta. Vitaskuld
á alltaf að skoða upplýsingar eins
og þessar af fullri alvöru, en ég
hef enga staðfestingu á því að
Tamiflu valdi geðrænum truflun-
um hjá börnum. Þetta er eitthvað
sem menn hafa tekið eftir en svo
getur verið að það sé mikið um
geðrænar truflanir almennt. Þá
þarf að athuga hvort þetta sé ein-
ungis tengt lyfinu eða hvort þetta
sé eitthvað sem hægt er að búast
við að gerist.“
Haraldur segir enn fremur að
heilbrigðisyfirvöld muni fylgjast
náið með þróun mála. Fullvíst sé
að Tamiflu valdi ekki aukaverkun-
um af þessu tagi hjá fullorðnu
fólki.
Framleiðandi lyfsins hefur í
samráði við bandarísku lyfjastofn-
unina FDA sent tilkynningu til
lækna í Bandaríkjunum þar sem
greint er frá 120 tilvikum geð-
rænna aukaverkana hjá börnum
sem fengið hafa Tamiflu, að því er
fram kemur á vefsíðu Lyfjastofn-
unar. Þessar upplýsingar eru einn-
ig til skoðunar hjá heilbrigðisyfir-
völdum í Evrópu.
Óttast að Tamiflu
geti valdið geðsýki
Tilkynnt hefur verið til lækna í Bandaríkjunum um alvarlegar geðrænar auka-
verkanir hjá 120 börnum sem fengið hafa inflúensulyfið Tamiflu. Um 89.000
skammtar af lyfinu hafa verið keyptir hingað vegna hættu á fuglaflensu.