Fréttablaðið - 28.11.2006, Qupperneq 26

Aðventukransar eiga stór-
an þátt í að skapa sannan
jólaanda og kertaljósin sem
kvikna eitt af öðru fram að
jólum færa hlýju og frið inn á
heimilin í mesta skammdeg-
inu. Fréttablaðið fékk Ráð-
húsblóm til að gefa lesendum
hugmynd að fallegum aðventu-
krönsum.
Jólaskreytingar eru háðar tísku-
sveiflum eins og annað í þjóðfé-
laginu og það á ekki hvað síst
við um aðventukransana.
Á hverju ári eru nýir
straumar og stefnur sem þykir
nauðsyn að fylgja auk þess
sem unnið er úr efniviðnum á
mismunandi hátt. Að sögn
Rúnu Bjargar Magnúsdóttur
sem ásamt Agnesi Lind Heið-
arsdóttur rekur blómaversl-
unina Ráðhúsblóm við Banka-
stræti í Reykjavík er þó sumt
sem fer aldrei úr tísku.
„Könglar og greni
halda alltaf velli og
einnig rauði liturinn,“
segir Rúna og bætir
við að til séu margar
tegundir af greni sem
gaman sé að blanda
saman. Hún segir að
við gerð aðventukransa
leiti þær Agnes
mikið út í náttúruna
að hugmyndum en
þær eru jafnan með
fjölbreytt úrval af
aðventukrönsum.
Spurð um hug-
myndir að sér-
lega einföld-
um og
fljótlegum
leiðum til
að búa til
aðventu-
kransa fyrir
upptekna
Íslendinga bendir Rúna á þann
möguleika að skera kjarnann og
efsta hlutann innan úr eplum og
setja kerti í en ef kanill eða aðrar
jólakryddjurtir eru settar undir
kertið gefur það líka góðan jóla-
ilm. Hún segir að einnig megi
setja fjögur könglakerti frá Kristj-
áni á kertastöðinni á Blesastöðum
á bakka og leggja svo nokkrar
greinar á bakkann eða skreyta að
vild.“ Kertin frá Kristjáni eru
alveg svakalega falleg og það
koma eiginlega ekki jól hjá okkur
fyrr en við erum búin að fá þau,“
segir Rúna.
Greni og könglar
fara aldrei úr tísku