Fréttablaðið - 04.12.2006, Page 6

6 4. desember 2006 MÁNUDAGUR
KjörKassinn
Vetrardekk á veturna
Svíar hafa bannað sumardekk á
einkabílum á veturna. Frá 1. desem-
ber til 31. mars verða allir að vera
á vetrardekkjum í snjó og hálku á
vegum. Mynstrið verður að vera
þriggja millimetra djúpt.
sVíþjóð
DANMöRk Skot hljóp úr byssu í
Nýhöfn í Kaupmannahöfn í
gærmorgun. Tveir menn tókust á
á veitingastað í götunni og sló
annar þeirra hinn með byssu með
þeim afleiðingum að skot hljóp úr
byssunni. Var maðurinn handtek-
inn stuttu síðar en hinn gengur
enn laus.
Enginn slasaðist samkvæmt
frétt á vefsíðu Berlingske tidende
en lögreglan hafði aðbúnað á
svæðinu fram eftir degi á
sunnudag. Nýhöfn er vinsæll
áfangastaður meðal ferðamanna í
borginni.
- ks
Átök í Kaupmannahöfn:
Skot hljóp úr
byssu í Nýhöfn
MAlAví, AP Mannréttindasamtök í
Malaví og barnaverndarsamtök
hafa fengið heimild til þess að
taka þátt í ákvörðun um það hvort
söngkonan Madonna fær að
ættleiða eins árs gamlan dreng
frá Malaví.
Andrew Nyirendaa, dómari í
Malaví, kvað upp úrskurð um
þetta á miðvikudag. Þessi sami
dómari hafði veitt Madonnu og
eiginmanni hennar bráðabirgða-
heimild til þess í október að fá
forræði yfir drengnum, en
mannréttindasamtök hafa
gagnrýnt þá ákvörðun á þeim
forsendum að Madonna hafi
vegna frægðar sinnar fengið
sérmeðferð í málinu. - gb
Ættleiðingarmál Madonnu:
Mannréttinda-
samtök ákveða
Madonna Ásamt börnum sínum og
drengnum sem hún vill ættleiða.
Fréttablaðið/ap
veNesúelA, AP Allt benti til þess að
Hugo Chavez myndi sigra með
yfirburðum í forsetakosningum í
Venesúela í gær og verði því sex
ár í viðbót í embættinu. Mótfram-
bjóðandi hans, Manuel Rosalas,
hafði þó unnið töluvert á í skoð-
anakönnunum síðustu daga og
gerði sér vonir um sigur.
Milljónir kjósenda tóku daginn
snemma til að kjósa og langar bið-
raðir mynduðust á kjörstöðum
strax fyrir dögun í gærmorgun.
Þeir Chavez og Rosalas eru ger-
ólíkir, Chavez harður vinstrisinni
sem hefur unnið hug og hjörtu
fátækra íbúa landsins en Rosales
sannfærður markaðshyggju-
maður sem sakar andstæðing sinn
um að vilja ráða öllu eins og
einræðisherra.
Chavez hefur heldur betur
vakið athygli umheimsins, ekki
síst með ummælum sínum um
Bush Bandaríkjaforseta á alls-
herjarþingi Sameinuðu þjóðanna í
haust þar sem hann sagði Bush
vera sjálfan djöfulinn.
Heima fyrir hefur Chavez varið
stórum fjárhæðum af olíuauð
landsins til þess að bjóða meðal
annars niðurgreidd matvæli,
ókeypis háskólamenntun og fjár-
stuðning til einstæðra mæðra.
Hann hefur hins vegar sætt
stöðugri gagnrýni frá fjölmiðlum
heima fyrir en nýtur þess að hag-
vöxtur í landinu er meiri en í
nokkru öðru landi Suður-
Ameríku.
Kosningabaráttan hefur verið
illskeytt. Chavez hefur kallað
Rosalas peð í höndum Bandaríkja-
manna og harðneitað að taka þátt í
sjónvarpseinvígi milli þeirra
tveggja, sem Rosalas fór fram á.
Chavez hefur einnig sakað
stjórnarandstöðuna um að skipu-
leggja óeirðir ef hann beri sigur
úr býtum.
„Þetta eru ekki bara venjuleg-
ar kosningar,“ sagði Rosalas hins
vegar nýlega. „Við erum að velja á
milli tveggja leiða – annar hópur-
inn trúir á lýðræði en hinir vilja
koma á fót í Venesúela kommún-
istakerfi í ætt við Castro og Kúbu
þar sem fólk er svipt frelsi sínu.“
Chavez hefur verið í farar-
broddi vinstrimanna sem komist
hafa í forystu í hverju Suður-
Ameríkuríkinu á fætur öðru síð-
ustu misserin. Hann viðurkennir
fúslega að vera mikill aðdáandi
Fidels Castro en segist jafnframt
vera einlægur lýðræðissinni og
lofar því að virða eignarrétt manna
í einu og öllu. gudsteinn@frettabladid.is
Við Kjörstað í CaraCas Íbúar landsins tóku daginn snemma og voru sumir hverjir
mættir á kjörstað löngu fyrir sólarupprás. Fréttablaðið/ap
Chaves vongóður
um að sigra í gær
Hinn orðhvati vinstrimaður Hugo Chavez þótti nánast öruggur um sigur í
forsetakosningunum í Venesúela í gær. Mikill hagvöxtur í landinu hefur auð-
veldað honum að nota olíuauðinn til þess að bæta hag fátækra.
MANNlíf Margt var um manninn á
Austurvelli í gær þegar kveikt var
á Óslóartrénu við Austurvöll. Tréð
er nú í fyrsta skipti skreytt litlum
jólaóróum, ásamt jólaljósunum,
en óróarnir verða seldir til styrkt-
ar Styrktarfélagi lamaðra og fatl-
aðra en alþjóðadagur fatlaðra var
í gær.
Það eru listamennirnir Sjón og
Sigga Heimis sem leggja Styrktar-
félagi lamaðra og fatlaðra lið með
túlkun sinni á Kertasníki. Óróinn
er úr stáli og segir Eva Þengils-
dóttir, hjá Styrktarfélagi lamaðra
og fatlaðra, að á næstu árum megi
vænta svipaðra listaverka sem
sýni bræður hans tólf. Eva segir
að hugmyndin að listaverkinu sé
að tengja ritsnilld og hönnun við
íslenskan menningararf en Sjón
samdi ljóð sem fylgir hverjum
Kertasníki.
Kertasníkir verður seldur í
versluninni Casa í Síðumúla og
rennur ágóði af sölu hans til
Æfingastöðvarinnar sem sinnir
iðjuþjálfun barna og unglinga en
stöðin er fimmtíu ára um þessar
mundir.
Rúm hálf öld er síðan Norð-
menn færðu Íslendingum grenitré
að gjöf í fyrsta skipti til að skreyta
Reykjavík. Við athöfnina í gær
flutti Dómkórinn nokkur lög áður
en Guttorm Vik, sendiherra
Noregs á Íslandi, afhenti tréð. Það
var hinn ellefu ára norsk-íslenski
Jóel Einar Halldórsson sem
kveikti ljósin á trénu. - hs
Óslóartréð er bæði prýtt ljósum og skrauti til styrktar Félagi lamaðra og fatlaðra:
Jólaljóð eftir Sjón fylgir Kertasníki
KVeiKt á óslóartrénu Fjölmennt var á austurvelli í gær og veðrið skartaði sínu
fegursta þegar kveikt var á trénu í gær. Fréttablaðið/hörður
útivist Skíðasvæði Ísfirðinga í Tungudal var opnað
um helgina, þótt útlit væri fyrir að það yrði ekki
gert fyrr en eftir áramót vegna lítillar snjókomu á
svæðinu framan af vetri.
Með styrk frá Skeljungi, sem fólst í fjögur
þúsund olíulítrum til að setja á troðarana, og vinnu
sem félagsmenn Skíðafélags Ísfirðinga hafa gefið,
mun takast að halda svæðinu opnu fyrir áramót.
Margrét Halldórsdóttur, formaður Skíðafélags
Ísfirðinga, sagðist í samtali við Fréttablaðið vera
ánægð með framvinduna, „enda nægur snjór og
frábært veður í Tungudal“, eins og hún orðaði það.
„Við höfum opið fram til áramóta með aðkomu
Skíðafélagsins, svo tekur bæjarstjórnin við.“
Guðmundur Karl Jónsson, forstöðumaður Hlíðar-
fjalls á Akureyri, segist varla muna eftir eins góðu
árferði og nú. „Við opnuðum svæðið 18. nóvember en
algengara er að það sé opnað í janúar eða febrúar. Við
höfum verið afskaplega heppin með veður í ár eins og
í fyrra og aðsóknin er góð eftir því.“
Annað er uppi á teningnum í Bláfjöllum og
Skálafelli þar sem ekki hefur snjóað nægilega til að
opna skíðasvæðin. Grétar Hallur Þórisson, forstöðu-
maður skíðasvæða höfuðborgarsvæðisins, segir þó
litla ástæðu til að örvænta þar sem starfsemin fari
yfirleitt ekki af stað fyrr en upp úr áramótum. -rve
Góður skíðasnjór fyrir norðan og vestan:
Kjöraðstæður
til skíðaiðkunar
sKeMMtun Þessir kátu krakkar skelltu sér á skíði í tungudal á
Ísafirði. MYND/FriðGErður ÓMarSDÓttir
Ert þú heimsforeldri?
já 25%
nei 75%
spurning dagsins í dag:
Á að tvöfalda Suðurlandsveg?
Segðu skoðun þína á visir.is
Borar mætast
búist er við því að tveir risaborar
mætist á Kárahnjúkum í dag. takist
það opnast fjörutíu kílómetra löng
aðrennslisgöng sem ætlað er að flytja
Jöklu úr hálslóni yfir að stöðvarhúsi í
Fljótsdal.
KárahnjúKar