Fréttablaðið - 20.12.2006, Blaðsíða 70

MARKAÐURINN 20. DESEMBER 2006 MIÐVIKUDAGUR16
H É Ð A N O G Þ A Ð A N
Mikil vandræði virð-
ast hrjá þá sem komið
hafa að byggingu
Wembley-leikvangsins í
Lundúnum í Bretlandi.
Ástralska verktakafyr-
irtækið Multiplex er í
miklum vandræðum
vegna tafa á afhend-
ingu leikvangsins en
hluthafar fyrirtækisins
hafa höfðað mál á hend-
ur því vegna óeðlilegs
dráttar á verklokum
við leikvanginn. Þá tók
forstjóri Wembley poka
sinn í síðustu viku en
hann skipulagði endur-
byggingu leikvangsins.
Upphaflega stóð til
að afhenda leikvang-
inn á síðasta ári en nú
stefnir allt í að hann
verði ekki reiðubúinn til
afhendingar fyrir leiki í
ensku bikarkeppninni á
næsta ári en líkur þykja
að gestir geti sótt hann
heim eftir tvö ár.
Kostnaður hefur farið fram úr öllu valdi og hleypur nú á 700
milljónum punda eða ríflega 93,6 milljörðum íslenskra króna.
Hluthafar verktakafyrirtækisins segja, að stjórnendur Multiplex
hafi haft grun um í hvað stefndi fyrir allt að þremur árum en leynt
hluthafa því.
Þegar greint var frá því að afhending leikvangsins færi fram
yfir afhendingardag og taprekstri hjá Multiplex um mitt síðasta ár
féll gengi bréfa í fyrirtækinu. Sér vart fyrir endann á halla fyrir-
tækisins. Krefjast hluthafarnir, jafnt stórir fjárfestar sem smáir,
allt að 100 milljóna ástralska dala eða jafnvirði 5,3 milljarða króna
í skaðabætur vegna málsins. - jab
Vandræði við
Wembley
Byggingavörufyrirtækið MEST
hefur flutt höfuðstöðvar sínar úr
Malarhöfða í Reykjavík að
Fornubúðum í Hafnarfirði. Þar
hefur Alfesca, sem áður bar
nafnið SÍF, haft aðsetur um ára-
bil. Húsnæðið, sem á sínum tíma
var hannað og byggt utan um
saltfisksvinnslu SÍF,
var orðið óhentugt
fyrir Alfesca. Það
hins vegar fellur
vel að starfsemi
MEST að sögn
Þórðar Birgis
Bogasonar, for-
stjóra félags-
ins. Í
Hafnarfirðinum mun fyrirtækið
hafa fimm þúsund fermetra
vöruhús með fullkomnu birgða-
og afgreiðslukerfi. Einnig er það
mikill kostur að rúmgóð hafnar-
aðstaða er við húsið þar sem
hægt er að losa og lesta skip með
vörum félagsins. Það eru oftar en
ekki plássfrekir vöruflokkar á
borð við járn og timbur sem er
hentugt að geta tekið beint inn til
afgreiðslu. „Það kemur sér vel
fyrir okkur að húsnæðið skyldi
losna. Við höfðum tryggt okkur
landsvæði við höfnina og ætluð-
um að byggja upp miðlager. Það
hefði tekið um tvö ár svo það má
segja að með þessu styttum við
okkur leið,“ segir Þórður.
Sölustarfsemi MEST verður
ekki að Fornubúðum en mun
þjóna útsölustöðum fyrirtækis-
ins og stórum viðskiptavinum
sem kaupa beint af lager. MEST
er að auki að byggja upp verslan-
ir og sölustaði um allt land. Á
næstu mánuðum er markmiðið
að opna sölustaði í 3.600 fermetra
húsnæði í Norðlingaholti, sem
verður aðalsetrið fyrir bygging-
arvörur, á Malarhöfða í
Reykjavík, þar sem véla- og
tækjasala verður, auk útsölustaða
á Selfossi, í Hveragerði, á
Akureyri, Reyðarfirði og í
Hafnarfirði.
MEST hefur yfir helmings
markaðshlutdeild í múr- og
steypuvörum á markaði fyrir
iðnaðarmenn og stefnir að því að
ná svipaðri hlutdeild í öðrum
vörum. „Okkur hefur verið vel
tekið því okkar innri ferlar,
tengsl við viðskiptavini, vöru-
framboð og markaðssetning mið-
ast við þarfir iðnaðarmanna en
ekki einstaklinga. Að því leytinu
til erum við aðeins öðruvísi en
aðrir á byggingavörumarkaði,
þótt við að sjálfsögðu þjónum
hverjum sem til okkar kemur.“
Hjá MEST starfa 275 manns
og er áætluð velta næsta árs 8
milljarðar króna. - hhs
MEST flytur í Fornubúðir
Gengi hlutabréfa féll um heil
11,76 prósent eða 85,89 punkta í
kauphöllinni í Bankok í Taílandi
í gærmorgun þegar erlendir
fjárfestar losuðu sig við mikið
af taílenskri hlutabréfaeign
sinni. Ástæðan var tilkynning
frá seðlabanka landsins um að
hann hygðist grípa til aðgerða
til að sporna gegn því að spá-
kaupmenn geti haft áhrif á gengi
gjaldmiðils landsins.
Gengið taílenska bahtsins
hefur hækkað jafnt og þétt síð-
ustu misserin og hefur ekki verið
hærra gagnvart bandaríkjadal
í níu ár. Það hefur komið illa
við útflutningsfyrirtæki lands-
ins og horfir bankinn til þess
að með aðgerðunum takist að
lækka gengið og efla útflutning.
Þetta mun vera í þriðja sinn
sem bankinn gerir tilraunir til
að stemma stigu við háu gengi
bahtsins.
Gengi hlutabréfa í fjármála-
og olíufyrirtækjum lækkaði
mest og hefur hlutabréfavísitala
landsins ekki verið lægri í tvö ár.
Þá hefur gengi hlutabréfavísitöl-
unnar ekki lækkað jafn mikið á
einum viðskiptadegi í 31 ár, að
sögn breska ríkisútvarpsins.
Aðgerðirnar felast meðal ann-
ars í því að þegar hlutabréfa-
kaup erlendra fjárfesta fara
yfir 20.000 dali eða jafnvirði 1,4
milljóna króna, eru þeir skikkað-
ir til að halda hlutabréfunum í að
minnsta kosti ár.
Nitaya Pibulratanagit, aðstoð-
arbankastjóri taílenska seðla-
bankans, segir bankann eiga enn
eftir að ræða aðgerðirnar við
helstu banka og fjármálastofn-
anir og sagði ótta erlendra fjár-
festa ástæðulausan.
Ekki liggur fyrir hvort hrunið
í Taílandi hafi áhrif út fyrir land-
steina en efnahagslægð fór yfir
Asíu í kjölfar svipaðs ástands
fyrir áratug. - jab
Erlendir fjárfestar
felldu taílensk bréf