Fréttablaðið - 21.12.2006, Side 71

Rjóðrið er hlýlegt nafn á hvíld-
arheimili fyrir langveik börn.
Þar er Guðrún Ragnars barna-
hjúkrunarfræðingur í forsvari.
Rjóðrið stendur á fallegum stað á
gamla Kópavogstúninu næstum
niður við voginn. Í vistlegri stofu
með stórri dýnu og litríkum hús-
gögnum eru nokkrir starfsmenn
og gestir. Þar er strákur í tölvuleik
og við stórt borð er spilaður Ólsen
Ólsen. Guðrún forstöðukona situr
þar líka við skriftir en stendur
upp og veitir blaðamanni fúslega
upplýsingar um starfsemina.
„Þetta heimili er ætlað börnum
með langvinna sjúkdóma sem búa
heima og hér dvelja þau í stuttan
tíma í senn. Við tökum við börnum
af öllu landinu frá 0 til 18 ára og
oftast eru átta til tíu börn í einu.“
Guðrún segir Rjóðrið hafa
verið sett á fót fyrir fé úr Velferð-
arsjóði barna en Landspítalinn
sjái um rekstur og læknisþjón-
ustu. Það var opnað í apríl 2004,
ekki síst fyrir atbeina Ingibjargar
Pálmadóttur, fyrrverandi heil-
brigðisráðherra. Guðrún kveðst
hafa starfað við heimahjúkrun
langveikra barna áður og þekkt
fjölskyldur sem höfðu mikla þörf
fyrir svona hvíldarinnlögn. „Starf-
ið fór frekar rólega af stað en í
dag er ásóknin mikil og um 60
börn dvelja hjá okkur með vissu
millibili. Börn utan af landi eru oft
10-14 daga í einu, önnur allt frá
þremur sólarhringum og þessi
minnstu einn til tvo daga í einu.
Við reynum að fara eftir þörfum
og aðstæðum hvers og eins,“ lýsir
hún. En hvernig skyldi námi vera
hagað hjá dvalargestum á skóla-
aldri? „Þau börn sem búa í Reykja-
vík og nágrenni fara yfirleitt í sína
skóla og eru þá keyrð á milli en
börn utan af landi fara í skólann
uppi á barnaspítala.“
Nú er jólahátíðin framundan og
þá verða öll börn heima að sögn
Guðrúnar en svo verður Rjóðrið
opnað strax aftur. „Við höfum opið
um áramótin og alla aðra daga árs-
ins en á jólum.“
Börnin hvílast vel í hlý-
legu umhverfi Rjóðursins
Dreifingaraðili , S.L.I ehf. , Sími: 866 9512
Omega 3-6-9
EPA-GLA fæst hjá:
Aftur til náttúru
Yggdrasil.