Fréttablaðið - 21.12.2006, Qupperneq 100

Leikurinn Reservoir Dogs
er kominn út á Xbox og
pc, en hann er algjörlega
byggður á kvikmyndinni.
Það hefur lengi verið siður að gera
tölvuleiki eftir kvikmyndum og
kvikmyndir eftir tölvuleikjum.
Leikurinn kemur yfirleitt út á sama
tíma og myndin og er mikið notað-
ur í auglýsingatilgangi. Hins vegar
hefur það gerst af og til að leikir
eru gerðir eftir frægum kvikmynd-
um, mörgum árum eftir útgáfu
þeirra og bera þar hæst leikir á
borð við Scarface og Godfather. Nú
er kominn út leikurinn Reservoir
Dogs, sem byggist algjörlega á
samnefndri kvikmynd Quentins
Tarantinos, sem var jafnframt hans
fyrsta kvikmynd og kom út árið
1992. Myndin fjallar um hóp manna
sem taka þátt í vel skipulögðu
skartgriparáni. Eitthvað fer þó
úrskeiðis, einhver kjaftaði í lögg-
una og eru jafnvel sumir að þjóna
eigin tilgangi en ekki hópsins. Leik-
urinn fylgir myndinni ítarlega og
þurfa leikmenn bæði að fremja
ránið og koma svo ræningjunum í
skálkaskjól sitt. Leikmenn þurfa að
komast að því hvernig Mr. White
tókst að flýja, hvar Mr. Pink faldi
demantana og leysa vandann með
góðmennið Eddie, en þessar per-
sónur ættu að vera kunnugar þeim
sem myndina hafa séð. Framleið-
endur leiksins gættu sín á að halda
Tarantino- áhrifunum á sínum stað
og endurspeglast það í skemmtileg-
um samtölum, miklu ofbeldi og hár-
beittum húmor. Engin ein aðal-
persóna er til grundvallar, heldur
þurfa menn að stýra hverjum og
einum bófa og ekki endilega í sömu
tímaröð og kvikmyndin gerðist.
Hvort sem leikmenn eru fótgang-
andi í bíl eða á öðru farartæki er
sagt að spennan í leiknum gefi
aldrei eftir. Sama tónlist er notuð í
leiknum og í myndinni og ættu
margir að brosa breitt þegar lagið
„Stuck in the middle with you“ fær
að hljóma, en það var notað á
eftirminnilegan hátt fyrir næstum
fimmtán árum síðan í þekktu atriði
myndarinnar. Svo auðvitað er
gamla kempan Michael Madsen
sem ljáir rödd sína persónu í leikn-
um, en hann spilaði stóra rullu í
kvikmyndinni. Leikurinn spilast á
PC og á Xbox og ætti að finnast í
öllum helstu tölvuleikjaverslunum.
Það ber þó að taka fram að hann er
mjög ofbeldisfullur, rétt eins og
kvikmyndin fræga.
Um áhrif tölvuleikja á börn og unglinga, er ég ekki viss, frekar en
nokkur annar. Margir eru gjarnir á að kenna tölvuleikjunum um allt
sem miður fer. Til dæmis um leið og unglingur brýtur alvarlega af sér
má lesa fjöldann allan af leiðurum í Mogganum þar sem einhverjir
sperrileggir tala um hvað nú sé nóg komið og að tölvuleikirnir séu að
senda æskuna beint til fjandans. Auðvitað er þetta bull. Ungmenni hafa
brotið hroðalega af sér í gegnum tímans tönn og gerðu það löngu áður
en nokkur leikjatölva kom til skjalanna. Ég held persónulega að
ofbeldisfullir tölvuleikir hafi ekki nokkur skaðleg áhrif á neinn, nema
þá sem eru verulega tæpir fyrir. Og mótmæli mér nú foreldrafélög,
sálfræðingar og félagsfræðingar. Ég held að sama hvað tölvuleikja-
framleiðendur reyni að gera tölvuleiki raunverulega, þá munu þeir
alltaf vera teiknaðir og svo er það hverjum og einum frjálst að hætta
þegar honum líst ekki á blikuna. Þeir sem algjörlega hakkast af
leikjunum, munu bara hakkast af einhverju öðru í staðinn ef leikirnir
verða teknir frá þeim. Krakkar leika sér í byssó og hermannaleik og
með Action Man og hvað þeir allir heita þarna. Tölvuleikirnir eru
ekkert öðruvísi. Það spilar enginn Battlefield og hugsar svo með sér,
jæja best ég fari nú og drepi einhvern, það virðist algjörlega vera
málið ef marka má þennan leik. Í síðasta tölvuleikjapistli sagði ég að
börn ættu að passa sig á að hanga ekki of mikið í tölvunni. Þau mættu
ekki líta á hana sem flótta frá raunveruleikanum og lifa einhverju
tvöföldu cyber-lífi. Ég get ekki séð nein önnur skaðleg áhrif en þau. En
það einskorðast heldur ekki bara við tölvuleikina, heldur getur
raunveruleikaflótti átt sér milljón myndir og er alltaf slæmur. Kjarni
málsins er að auðvitað er allt gott í hófi og slæmt í óhófi. Ekki vera
hrædd um að leyfa börnunum ykkar að spila leiki sem eru á bannlista
foreldrafélagsins, bannið þeim þá líka að fara í byssó. Passið bara að
allt sér gert í hófi.
Er þetta allt tölvuleikjunum
að kenna?
Leikirnir voru of undarlegir
Margir markaðssérfræðingar
segja að fá fyrirtæki í ár hafi
klúðrað málunum jafn gróflega og
Sony. Sony átti stærstu hlutdeild-
ina í tölvuleikjamarkaðnum fyrir
stuttu, en þar réði Playstation 2
ríkjum. Sony menn spáðu svo
þriðju kynslóð leikjatölvunnar
miklum vinsældum en allt hefur
komið fyrir ekki. Playstation 3
hefur selst illa. Hún hefur verið
gagnrýnd fyrir að vera ekki næst-
um því öllum kostum gætt sem
framleiðendur hennar vonuðu og
leita æ fleiri á náðir annarra fyrir-
tækja til þess að svala losta sínum
í tölvuspil. Nintendo Wii er
ótvíræður sigurvegari þessa árs,
en hún hefur slegið öllum sölutöl-
um við. Í öðru sæti er Xbox tölvan
sem nálgast tíu milljóna eintaka
múrinn, og langt á eftir er
Playstation 3. Sony menn þurfa
því að drífa sig aftur að teikni-
borðinu og leysa þennan vanda
fljótt, áður en það er um seinan,
því áður hafa vinsælar tölvur
horfið af sjónarsviðinu á svipaðan
hátt, til dæmis framleiddu Sega
ekki fleiri leikjatölvur eftir að
Dreamcast leit dagsins ljós.
Playstation 3 ekki í
góðum málum