Fréttablaðið - 03.01.2007, Page 4

Störfum við stór-
iðju- og virkjanaframkvæmdir
mun fækka um 2.000 á árinu 2007,
úr 3.500 í tæplega 1.500. Er það í
takt við fyrirsjáanleg verklok
helstu framkvæmda.
Frá þessu er skýrt í nýrri
skýrslu Vinnumálastofnunar um
mannaflaþörf á árunum 2007 og
2008.
Undir lok síðasta árs unnu sam-
tals 3.496 manns við nokkrar
helstu stóriðju- og virkjanafram-
kvæmdir. Þar af unnu um 1.700
við byggingu álversins í Reyðar-
firði, tæplega 1.200 við gerð Kára-
hnjúkavirkjunar, nærri 300 við
Hellisheiðarvirkjun, um 200 við
stækkun Norðuráls og um eitt
hundrað við Reykjanesvirkjun og
í Svartsengi.
Samkvæmt skýrslu Vinnumála-
stofnunar fækkar störfum í um
3.000 á fyrsta fjórðungi þessa árs
en fjölgar aftur lítillega á öðrum
fjórðungi. Fækkun hefst svo á
nýjan leik á þriðja ársfjórðungi og
er áætlað að aðeins verði um 400
störf við áðurnefndar fram-
kvæmdir á fyrsta fjórðungi ársins
2008. Þeim fjölgar svo á nýjan leik
2008 en í upphafi árs 2009 er áætl-
að að rúmlega 600 verði starfandi
við stóriðju- og virkjanafram-
kvæmdir.
Um leið og fækkun starfa í
stóriðju er fyrirsjáanleg er reikn-
að með að störfum vegna nýfram-
kvæmda í samgöngumálum fjölgi.
Helgast það af ákvörðunum stjórn-
valda um auknar framkvæmdir
frá því sem var 2006. Þannig verð-
ur rúmum tíu milljörðum króna
varið til samgöngubóta árin 2007
og 2008 en á síðasta ári runnu
rúmir fjórir milljarðar til slíkra
verkefna.
Á síðasta ári voru 216 störf í
samgöngumannvirkjagerð en
verða um 550 í ár og á næsta ári.
Störfum fjölgar jafnt í jarðvinnu,
brúar- og jarðgangagerð.
Af þeim 3.500 sem störfuðu við
stóriðju- og virkjanaframkvæmd-
ir á haustmánuðum 2006 voru
2.600 erlendir ríkisborgarar og
um 900 Íslendingar. Því er spáð að
útlendingar munu að stærstum
hluta veljast til að gegna þeim
störfum sem losna á næstu tveim-
ur árum enda atvinnuleysi lítið og
fáir vanir byggingaverkamenn án
vinnu.
Störfum fækkar um
2.000 í stóriðjugerð
Mikil fækkun starfa við stóriðju- og virkjanaframkvæmdir er fyrirsjáanleg á
árinu. Störfum við vegagerð mun fjölga. Af 3.500 störfum við stóriðju- og virkj-
anaframkvæmdir í árslok 2006 voru 2.600 mönnuð erlendum ríkisborgurum.
Fundað verður á
fimmtudag með forsvarsmönnum
Norðuráls um fíkniefnaprófið,
sem fyrirhugað er að láta fara
fram á öllum starfsmönnum
Norðuráls. Um þrjú hundruð
starfsmenn eru í Verkalýðsfélagi
Akraness. Formaður félagsins
dregur í efa að heimilt sé að láta
fara fram slíkt lyfjapróf án þess
að rökstuddur grunur um neyslu
ólöglegra lyfja liggi fyrir.
Á vefsíðu félagsins kemur
fram að lögmaður ASÍ dragi í efa
að fyrirtækinu sé stætt á að
framkvæma slík lyfjapróf án
þess að fyrir liggi grunur um brot
starfsmannanna á neyslu
fíkniefna. „Væntanlega munu
stéttarfélögin óska eftir áliti frá
Persónuvernd um það hvort
fyrirtækinu sé heimilt að
framkvæma fíkniefnapróf á
öllum starfsmönnum án þess að
grunur um brot hafi átt sér stað,“
segir þar.
Fundað um
eiturlyfjapróf
Eini lögreglubíllinn í umdæmi lögregl-
unnar í Búðardal hefur farið á verkstæði 58 sinnum á
síðustu tveimur árum. Jóhannes Björgvinsson, aðal-
varðstjóri í Búðardal, segir bílinn mikinn gallagrip.
„Þetta er í einu orði sagt hræðilegur bíll og það hefur
aukið enn á vandræðin að þetta var eini lögreglubíll-
inn í embættinu fram til þessara áramóta en þá var
það sameinað lögreglunni í Borgarnesi,“ segir
Jóhannes.
Bíllinn er af gerðinni Isuzu Trooper og er ágerð
2000. Jóhannes segist hafa vonast til þess í langan
tíma að bílnum yrði skipt út fyrir annan en sú bið sé
orðin ansi löng.
„Það hefur ekki verið um annað að ræða en að nota
einkabifreið mína á meðan viðgerðunum stendur og
það allt upp undir tvær vikur í senn,“ segir Jóhannes.
Það sé afar slæmt, sérstaklega þar sem einkabíll hans
sé ekki tryggður til forgangsaksturs.
Jens Stoltenberg,
forsætisráðherra Noregs, sagði í
nýársávarpi sínu að ríkisstjórnin
ráðgerði að kaupa gróðurhúsa-
lofttegunda-útblásturskvóta fyrir
embættismenn ríkisins, svo að
þeir geti ferðast flugleiðis til
útlanda með betri samvisku.
Stoltenberg sagðist búast við
að stjórn sín yrði sú fyrsta í
heiminum til að grípa til slíkrar
ráðstöfunar, en hann hvatti
stjórnir annarra landa heims til
að gera það líka, því aðeins með
samtakamættinum hrifu slíkar
aðgerðir gegn loftslagsbreyting-
um af mannavöldum.
Mengunarkvóti
fyrir erindreka
Talsmaður spænska
sósíalistaflokksins, sem heldur
um stjórnartaumana í landinu,
lýsti því yfir í gær að friðar-
samningaumleitanir við aðskiln-
aðarhreyfingu Baska hefðu
verið blásnar af, en ekki aðeins
frestað. Yfirlýsingin kom í
kjölfar sprengjutilræðis í
bílageymslu við alþjóðaflugvöll-
inn í Madríd um helgina. 26
særðust í sprengingunni og
tveggja er saknað og þeir taldir
af.
„Ferlið er fyrir bí, það er það
sem ETA hefur kosið,“ sagði
Jose Blanco, háttsettur talsmað-
ur flokksins. ETA er sakað um
að bera ábyrgð á sprengingunni,
eftir níu mánaða „vopnahlé“.
Viðræður við
ETA blásnar af
Magnús
Stefánsson félagsmálaráðherra
undirritaði þjónustusamning við
AE starfsendurhæfingu á
föstudag. Samningurinn gengur
út á að AE geri úttekt á þjónustu
við geðfatlaða. „Með samningnum
er stuðlað að því að geðfatlaðir
fái notið sín sem fullgildir
borgarar samfélagsins sam-
kvæmt stefnumótun og fram-
kvæmdaáætlun átaks ráðuneytis-
ins 2006-2010 í þjónustu við
geðfatlaða,“ segir Magnús
Stefánsson.
Samningurinn gildir á árunum
2007-2008 og felur meðal annars í
sér að AE tekur að sér gerð
fræðsluefnis um þjónustu fyrir
geðfatlaða.
Bætt þjónusta
við geðfatlaða