Fréttablaðið - 03.01.2007, Qupperneq 39

MARKAÐURINN 11MIÐVIKUDAGUR 3. JANÚAR 2007
S K O Ð U N
SAMFÉLAGSVERÐLAUN
HEFUR ÞÚ ORÐIÐ VITNI AÐ GÓÐVERKI?
Óskað er eftir tilnefningum til Samfélagsverðlauna Fréttablaðsins sem veitt verða í
annað sinn 15. febrúar nk.
Til greina koma allir sem hafa lagt sitt af mörkum til að gera íslenskt samfélag betra fyrir
okkur öll.
Skorað er á lesendur Fréttablaðsins að senda inn tilnefningar um fólk sem á skilið að fá hraustlegt
klapp á bakið og er þess verðugt að fá slík verðlaun.
Allir koma til greina, allt frá óþekktum einstaklingum til félagasamtaka eða þjóðþekktra karla og
kvenna sem hafa með gjörðum sínum og framgöngu verið öðrum til fyrirmyndar.
Samfélagsverðlaunin verða veitt í sex flokkum:
1. Hvunndagshetjan
Einstaklingur sem sýnt hefur einstaka óeigingirni eða hugrekki, hvort sem er í tengslum við einn
atburð eða með vinnu að ákveðnum málaflokki í lengri tíma.
2. Uppfræðari ársins
Hér koma til greina kennarar, leiðbeinendur, þjálfarar og aðrir uppfræðarar sem hafa skarað framúr
og látið gott af sér leiða.
3. Framlag til æskulýðsmála
Félagasamtök sem hafa sinnt börnum af sérstökum metnaði og alúð.
4. Til atlögu gegn fordómum
Einstaklingur eða félagasamtök sem hafa unnið ötullega að því að eyða fordómum í samfélaginu.
5. Heiðursverðlaun
Einstaklingur sem hefur helgað líf sitt baráttu fyrir betra samfélagi.
6. Samfélagsverðlaunin
Félagasamtök sem hafa unnið framúrskarandi mannúðar- eða náttúruverndarstarf og lagt sitt af
mörkum til að gera íslenskt samfélag betra fyrir okkur öll.
Sendið tilnefningar á netfangið samfelagsverdlaun@frettabladid.is eða bréfleiðis merkt
Samfélagsverðlaun Fréttablaðsins, Skaftahlíð 24, 105 Reykjavík.
Frestur til að skila inn tilnefningum rennur út 23. janúar. Dómnefnd mun taka allar innsendar tilllögur
til skoðunar. Verðlaunahafar verða kynntir og verðlaun afhent við hátíðlega athöfn 15. febrúar.
Ein af algengustu aðferðum við
val starfsmanna er að skoða
ferilskrá þeirra. Ferilskrá er
gjarnan notuð til þess að skoða
reynslu viðkomandi á vinnu-
markaði, vinnusögu og upplýs-
ingar um menntun. Það fer eftir
eðli starfsins hversu margar
umsóknir með ferilskrám ber-
ast til vinnuveitanda og það er í
hlutverki vinnuveitanda að vinna
úr umsóknum og minnka hópinn
eins og unnt er. Þar sem feril-
skrá er oft fyrsta skref umsækj-
anda að viðtali er hún oft skoðuð
gaumgæfilega m.a. með tilliti
til stafsetningarvillna, uppsetn-
ingar, gerð pappírs o.fl. Góð fer-
ilsskrá ætti því að vera með vel
skipulagt form þar sem auðvelt
er að lesa úr upplýsingar.
Á Íslandi hafa ekki verið sett
lög um hvað má eða má ekki birta
í ferilskrá og algengt er að fólk
greini frá kennitölu, hjúskap-
arstöðu, fjölda barna og sendi
mynd af sér með umsóknum. Í
Ástralíu og í Bandaríkjunum er
m.a. búið að setja í lög að ekki
þurfi að greina frá aldri, þjóð-
erni, kyni og hjúskaparstöðu á
ferilskrá. Slík lög eiga að koma í
veg fyrir mismunun á grundvelli
þessara þátta.
Ljóst þykir að atvinnurekend-
ur víða um heim vilja þrátt fyrir
sett lög fá persónulegar upplýs-
ingar um umsækjendur. Í rann-
sókn sem birtist í breska tíma-
ritinu Education and Training
voru atvinnurekendur spurðir
hvað þeir vildu sjá í ferilskrá
umsækjenda. Fyrir utan að vilja
fá nafn, símanúmer og heimilis-
fang vildu yfir 50% fá stutta lýs-
ingu á umsækjanda og 49% vildu
fá lýsingu á persónulegum eig-
inleikum umsækjanda. Flestir
vildu fá að sjá starfsmarkmið
umsækjanda og 78% vildu fá
að vita hjúskaparstöðu. Þá vildu
57% fá að vita aldur barna
umsækjanda. Það vakti athygli
eftir könnunina að atvinnurek-
endur biðja um upplýsingar um
hjúskaparstöðu og börn, þvert
ofan í breskar reglur Equal
Opportunities Commission sam-
takanna (EOC) sem hafa unnið
gegn mismunun á vinnumarkaði
til fjölda ára.
Sif Sigfúsdóttir,
MA í mannauðsstjórnun
Persónulegar upplýsingar í ferilskrá
S T A R F S M A N N A M Á L
Þið hefðuð átt að sjá svipinn á
nágrannanum þegar ég opnaði
bílskúrinn á gamlárskvöld. Hann
varð grænn af öfund þegar vel-
smurð bílskúrshurðin opnaðist,
þar sem ég hélt á fjarstýringunni
og góðum Kúbuvindli. Við blasti
skraut á himnafestinguna fyrir
vel á aðra milljón. Hann varð svo
stúmm að ég spurði hvort hann
væri ekki til í að hjálpa mér við að
dúndra einhverju af þessu á loft.
Þetta væri varla eins manns verk.
Svo skemmtum við okkur kon-
unglega við að skreyta himininn
yfir borginni, enda seint sagt um
mig að ég leyfi ekki öðrum að
gleðjast með mér yfir árangrin-
um.
Ég kom vel út úr þessu ári.
Sigraði vísitölurnar hverja af ann-
arri og uppskeran eftir því. Einn
bílskúr af púðri segir lítið í árang-
ur síðasta árs.
Fram undan er spennandi ár.
Ég reikna með að stóru aðilarnir
verði í stuði, en rassvasaverktak-
ar og yfirdráttarliðið súpi seyðið
af fyrirhyggjuleysi og eyðslu-
gleði. Allt sem ég sprengdi í loft
upp á gamlárskvöld var staðgreitt
og bara brot af auðlegðinni.
Ég hef nefnilega aldrei lifað
um efni fram og nú er auðvitað
svo komið að ég eiginlega get ekki
lifað um efni fram nema að fara út
í einhverja hreina vitleysu. Þota
eða snekkja myndi kannski vera
leiðin til að lifa um efni fram.
Ég er mátulega bjartsýnn og
ætla að nýta tækifærin vel á árinu.
Enn sem fyrr verða það fjármála-
fyrirtækin sem eru spennandi.
Það kæmi mér ekki á óvart ef áður
en árið er liðið, þá verði erlend-
ur banki búinn að kaupa íslenskt
fjármálafyrirtæki. Það held ég
að væri gott fyrir markaðinn og
myndi losa peninga í önnur félög.
Íslensku útlendingarnir verða
málið á árinu. Það verður fullt að
gerast hjá alþjóðafyrirtækjunum,
en þeir sem eru á innanlands-
markaði eingöngu munu þurfa að
hægja á sér. Ég er löngu búinn
að selja allar fasteignirnar mínar
og býst ekki við að fara í þann
pakka hér á landi á næstunni. Nú á
maður bara fasteignir í Berlín.
Ég býst við að það verði spenn-
andi að fylgjast með FL Group og
Straumi á árinu. FL mun fjárfesta
á fullu og ég býst við að margt
eigi eftir að breytast í Straumi
á árinu. Hlutabréfamarkaðurinn
verður viðkvæmur og maður mun
fara mjög varlega inn á hann.
Stutt bakslag gæti verið fínt inn-
komutækifæri. Ævintýrið er rétt
að byrja, en hvað maður fær út úr
því ræðst af hvernig maður tíma-
setur innkomuna. Þolinmæði verð-
ur líklega mikilvægasta dyggðin á
árinu. Ég veðja á að ég sprengi
ekki minna á þessu ári en því sem
nú er liðið. Vonandi verð ég ekki
einn um það.
S P Á K A U P M A Ð U R I N N
Staðgreitt
himnaskraut