Fréttablaðið - 10.01.2007, Blaðsíða 20

Á þessu ári verða þriðjungi
fleiri nýir bílar settir á Evrópu-
markað en á síðasta ári. Nú
hefst vertíð hjá bílaumboðun-
um að kynna þá bíla sem líta
dagsins ljós í ár.
Vinsælasti bílaframleiðandi heims
mun senda frá sér nýjan, spar-
neytinn og rúmgóðan fjölskyldu-
bíl sem fengið hefur nafnið Toyota
Auris. Bílnum er ætlað að leysa
einn farsælasta bíl síðustu ára af
hólmi, Toyota Corolla hlaðbak.
Auris er búinn 1,8 lítra vél og nýju
fjöðrunarkerfi. Auris mun verða
umhverfisvænn bíll, líkt og nýrri
fjölskyldubílar frá Toyota.
Kia cee´d er fyrsti og eini bíll-
inn í Evrópu sem kemur með sjö
ára ábyrgð frá framleiðanda og
meðal annars valdi breska tíma-
ritið Autocar það hugmynd ársins.
Kia cee´d mun keppa á markaðn-
um í flokki millistórra fjölskyldu-
bíla og samkvæmt upplýsingum
frá Kia-umboðinu er mesta áhersl-
an í hönnun bílsins lögð á öryggi
og þægindi.
Nýr og heldur óvenjulegur
Volvo kemur á markað snemma á
árinu. Volvo C30 er minnsti bíllinn
frá framleiðandanum í nokkra
áratugi og er hann hugsaður sem
sportlegur fjölskyldubíll. Vélar-
stærð bílsins verður frá 1,6 lítrum
og upp í 2,4 lítra túrbó vél.
Ford S-Max er nýr stór og rúm-
góður sjö manna fólksbíll sem
kemur á markað hérlendis í febrú-
ar. Bíllinn verður fáanlegur í
nokkrum útgáfum, meðal annars
með 2,2 lítra V6 dísilvél. Aðal-
áhersla er lögð á kraft og þæg-
indi.
Í apríl mun Citroën senda frá
sér nýjan C4 Picasso sem er fjöl-
nota fjölskyldubíll sem ætlað er
að keppa á sama markaði og Ford
S-Max. Hönnun bílsins þykir fram-
úrstefnuleg og hefur nýstárlegt
vökvakerfi hans vakið töluverða
athygli. Samkvæmt upplýsingum
frá umboðinu er meðal annars
hægt að lækka bílinn niður að
aftan með tölvustýringu þegar
verið er að hlaða í farangursrými
hans.
Japanski framleiðandinn Mazda
mun senda frá sér kraftmikinn
pallbíl sem fengið hefur nafnið
Mazda BT 50 og er ætlað að veita
Toyota Highlux og fleiri bílum í
sambærilegum flokki, harða sam-
keppni.
Hekla mun í næstu viku kynna
Skoda Roomster sem er nýr og
afar rúmgóður fjölskyldubíll, sem
þegar hefur fengið lofsamlega
dóma í Evrópu. Bíllinn hlaut meðal
annars fimm stjörnur í Euro n´cap
prófinu.
Ingvar Helgason mun kynna
glænýjan Opel Corsa í byrjun
mars. Að sögn talsmanna fyrir-
tækisins eru tímamótabreytingar
á bílnum því útlit hans byggist á
nýrri hönnun. Bíllinn verður fáan-
legur með bensín- og dísilvélum og
hefur meðal annars fengið hæstu
einkunn í árekstrarprófum. Nis-
san Qashqai er nýr jepplingur frá
Ingvari Helgasyni. Hann er fjór-
hjóladrifinn, sjálfskiptur og með
tveggja lítra dísilvél, en Qashaqai
er eini sjálfskipti dísilbíllinn á
Evrópumarkaði í ár.
Gjörbreyttur Subaru Impreza
mun líta dagsins ljós með haust-
inu. Útlit bílsins hefur tekið stakka-
skiptum og er nýja Imprezan
meðal annars fimm dyra, sem ekki
hefur sést áður hjá Impreza. Að
öðru leyti mun bíllinn byggja á
sama grunni; tveggja lítra vél,
fjórhjóladrifi og sportlegum akst-
urseiginleikum.
Í lok ársins 2007 mun nýr smá-
jeppi að nafni Tiguan frá Volks-
wagen koma á markað. Bíllinn
hefur þegar verið uppnefndur litli
bróðir Touareg-jeppans. Að sögn
starfsmanna Heklu mun Tiguan
setja ný viðmið í flokki smájeppa
því bíllinn verður bæði kraftmikill
og umhverfisvænn. Vélin í Tiguan
verður aðeins 1,4 lítra en mun þrátt
fyrir það skila 170 hestöflum.
Mikið úrval nýrra bíla
Daewoo lyftarar
Partur-Spyrnan-Lyftarar • Eldshöfða 10 • 110 Reykjavík • Sími: 585-2500 • Fax: 567-9557
Gæði á góðu verði
Smiðjuvegi 34 - gul gata Kópavogi • Sími 544 5151 • biljofur@biljofur.is
SÉRHÆFÐ ÞJÓNUSTA FYRIR
BIFREIÐAVERKSTÆÐI
Snjóblásararnir komnir í hús
- Loksins á Íslandi -
10HP, Rafmagnsstart,
drif, 16” hjól, 74 cm
5HP Briggs & Stratton,
drif, 13” hjól, 61cm
Allir þekkja hina landsfrægu
varahluta- og viðgerðaþjónustu okkar.
G. Tómasson ehf Súðarvogi 6 sími: 577 6400 www.hvellur.com hvellur@hvellur.com