Fréttablaðið - 30.01.2007, Síða 25

Smáauglýsingasími
550 5000
Auglýsingasími Allt
550 5880
Þú getur pantað
smáauglýsingar á visir.is
Eirdís Heiður Chen Ragnarsdóttir ferð-
ast um heiminn endilangan til að sinna
sínu helsta áhugamáli, tennis.
„Ég fór að æfa tennis þegar við fjölskyldan
bjuggum í tvö ár í Japan,“ segir Eirdís Heið-
ur Chen Ragnarsdóttir, 13 ára, sem leikur
tennis með Víkingi. Eirdís segist uppruna-
lega hafa æft fimleika, en móðir hennar, afi
og amma eru öll þekktir fimleikaþjálfarar í
föðurlandinu Kína. Síðan hafi komið í ljós að
fimleikar hentuðu Eirdísi einfaldlega ekki.
„Ég ákvað þá að prófa tennis hjá atvinnu-
þjálfara sem mamma kannaðist við,“ heldur
Eirdís áfram. „Þá áttaði ég mig strax á því að
þarna var eitthvað skemmtilegt á ferð.“
Eirdís hélt áfram að æfa tennis eftir að
fjölskyldan flutti til Íslands, þar sem hún bjó
upphaflega áður en stefnan var sett á Japan.
Hún segist hafa fundið fyrir ákveðnum mun
á þjálfuninni hér og erlendis. „Japanar æfa
miklu meira heldur en Íslendingar. Sömuleið-
is Kínverjar. Þegar ég fór í eins og hálfs mán-
aðar langar æfingabúðir í Wuhan í Kína í
fyrra æfði ég daglega í sex klukkutíma sex
daga vikunnar í allt að 40 stiga hita. Hér æfi
ég ekki nema þrisvar sinnum í viku, einn og
hálfan tíma í hvert skipti. Kennslan er samt
sem áður mjög góð.“
Eirdísi dreymir nú um að komast aftur í
æfingabúðir í Kína. „Þetta fer allt eftir því
hvort mamma leyfir mér að fara,“ segir hún.
„Vellirnir þarna úti eru svo góðir. Á höfuð-
borgarsvæðinu eru nefnilega engir tennissal-
ir. Eins og er æfum við í leikfimishúsi Fjöln-
ishúss. Kópavogsbær ætlar reyndar að bæta
úr því með byggingu tennishúss sem verður
opnað í mars. Ég hlakka til að sjá útkomuna.“
Vill æfa
í Kína