Fréttablaðið - 30.01.2007, Síða 28

Oddur Benediktsson greindist
með krabbamein í blöðruháls-
kirtli fyrir rúmu ári og í kjölfar-
ið tileinkaði hann sér kínverskt
mataræði í baráttu sinni við
meinið. Hann er sannfærður
um að þessi breyting hafi átt
stærstan hluta í sínum bata og
í dag heldur hann fyrirlestur í
versluninni Maður lifandi um
reynslu sína.
„Ég komst í kynni við bók Janet
Plant, Prostate Cancer – Under-
stand, Prevent and Overcome, um
rannsóknir hennar á kínversku
mataræði, stuttu eftir að ég greind-
ist með blöðruhálskrabbamein.
Samhliða lyfjameðferð breytti ég
gjörsamlega um mataræði sem
mælt er með í bókinni og ég er
sannfærður um að það átti hlut-
deild að mínum bata,“ segir Oddur
Benediktsson, prófessor í tölvunar-
fræðum við Háskóla Íslands.
Höfundur bókarinnar, Janet
Plant, er prófessor í umhverfis-
efnafræði og greindist sjálf með
brjóstakrabbamein fyrir níu árum
síðan.
Hún starfaði fyrir Sameinuðu
þjóðirnar við athuganir á heilsu-
farslegum umhverfisáhrifum og
bjó því yfir þeirri þekkingu og
reynslu sem til þurfti þegar hún
hóf eigin rannsóknir.
„Plant ákvað að kanna hvar tíðni
krabbameins væri lægst í heimin-
um og uppgötvaði fljótlega að bæði
brjósta- og blöðruhálskirtilskrabba-
mein væri margfalt sjaldgæfara í
Kína en hjá öðrum Asíuþjóðum með
svipað mataræði. Hún skipti gjör-
samlega yfir í kínverskt mataræði
og náði bata,“ segir Oddur.
Mjólkurvörur eru ein aðaluppi-
staðan í fæðu Vesturlandabúa, en
þær finnast varla á matseðli Kín-
verja, og er Oddur þess fullviss að
mjólkurvörur séu ekki jafn ákjós-
anlegar til manneldis eins og marg-
ir vilja meina.
„Þetta mjólkurþamb á Vestur-
löndunum á sér ekki jafn langa hefð
og fólk heldur. Plant segir í bókinni
að hormón í mjólkinni sem stuðla
að hröðum vexti kálfanna séu meðal
þeirra efna sem valda krabbameini
í manneskjum,“ segir Oddur og
bendir á að sojaafurðir hjá Kínverj-
um séu notaðar sem aðalprótíngjafi
og gjarnan í stað mjólkurafurða.
„Varla er það tilviljun að tíðni
krabbameins sé margfalt lægri hjá
þjóð sem neytir nánast engra mjólk-
urafurða.“
Oddur vill hvetja til árvekni um
blöðruhálskrabbamein og vonast til
þess að karlmenn yfir fimmtugt
sem eru í áhættuhóp fari reglulega
í rannsókn. Að sögn Odds er rann-
sóknin framkvæmd með mælingu á
svokölluðu PSA-gildi í blóði sem
gefur vísbendingu um möguleika á
blöðruhálskrabbameini.
Í kvöld klukkan 17.30 heldur
Oddur fyrirlestur hjá Manni lif-
andi, Borgartúni 24, um kenningar
Janet Plant, jafnframt því sem
hann deilir reynslu sinni af kín-
versku mataræði í baráttu sinni við
meinið. Oddur hefur skráð alla
reynslu sína á netsíðuna: http://
www.hi.is/~oddur/info/pc/
Krabbameinsfélag Íslands hefur
einnig góðar upplýsingar um
blöðruhálskrabbamein: www.
krabb.is/godirhalsar.
Kínverskt mataræði í bar-
áttunni gegn krabbameini
til grenningar
Opið virka daga kl. 10–20,
laugardaga kl. 10–17.
Kókosolía
Borgartúni 24, Reykjavík og Hæðasmára 6, Kópavogi
Hágæða lífræn kókosolía frá BODE
Dæmi eru um að fólk hafi misst mörg
kíló á skömmum tíma með því að taka
inn 2–4 tsk. á dag.
Sjá ítarlegri upplýsingar á
www.madurlifandi.is
Námskeiðið felur í sér:
Námskeiðið
Kæru viðskiptavinir
Verið velkomnir á stofuna mína
Hef tekið við rekstri Greiðunnar
Kveðja Lilja
Háaleitisbraut 58-60 • Sími 581 3090