Fréttablaðið - 08.06.2007, Síða 38

BLS. 8 | sirkus | 8. JÚNÍ 2007
Sé þetta rétt hjá henni og Kalli
Bjarni fái dóm fyrir að hafa eingöngu
flutt kókaínið inn getur hann átt von á
þriggja ára fangelsisdómi miðað við
dóm sem féll fyrir skömmu þar sem
svipað magn kókaíns kom við sögu.
Vaninn er að fólk sitji af sér 2/3 dóms-
ins ef hegðun er til fyrirmyndar. Það
þýðir að Kalli Bjarni muni afplána tvö
af þeim þremur árum sem hann verður
að öllum líkindum dæmdur fyrir. Ef
rannsókn málsins verður hröð og
ákæra verður gefin fljótt út eru allar
líkur á að hann sitji á gæsluvarðhaldi
þar til dómur fellur og kemur það til
frádráttar upphaflegu refsingunni.
Hann gæti því í besta falli sloppið úr
fangelsi snemma sumars 2009.
Fjölskyldan farin
Árið 2003 féll þjóðin kylliflöt fyrir sjó-
aranum með fallegu röddina og fram-
tíðin virtist björt. Í viðtali við DV nokkr-
um mánuðum eftir sigurinn viðurkenndi
Kalli að hafa verið í dópi um tíma en
eftir að hafa kynnst konunni sem seinna
varð barnsmóðir hans og eiginkona,
Aðalheiði, á meðferðarheimilinu Stað-
arfelli kvaddi hann það líferni. „Við
skiptumst á símanúmerum og vorum
fljót að hittast þegar við vorum bæði
komin heim. Þetta var í ágúst eða sept-
ember og ég var fluttur inn til hennar í
janúar. Þar hefur mér liðið vel og ætla
mér að vera áfram,“ sagði hann hlæj-
andi í viðtali við DV árið 2004.
Líf hans tók svo stakkaskiptum þegar
hann stóð uppi sem sigurvegari Idols-
ins og þá fóru kjaftasögurnar að gras-
sera. Í viðtalinu í DV sagðist Kalli Bjarni
engan áhuga hafa á dópi né þeim heimi
sem því fylgdi.
„Ég hef prufað þennan heim og veit
hvernig hann virkar. Nú er ég í öðrum
heimi þar sem ég þarf að vera fyrir-
mynd barna og standa mig sem Idol-
stjarna. Dópheimurinn og Idol-
heimurinn fara ekki saman,“ sagi Kalli á
sínum tíma.
Hann og Alla birtust saman í viðtöl-
um og ástin leyndi sér ekki. Þegar þau
kynntust stóð Kalli á krossgötum og
vissi ekki hvert leið hans myndi liggja.
„Þá kynntist ég henni og sá tilgang með
því að snúa lífi mínu við. Með Öllu var
ég loks tilbúinn að eignast fjölskyldu og
slaka á. Ég sé ekki eftir því eina mínútu
enda hefur gengið vel hjá okkur,“ sagði
Kalli Bjarni í viðtalinu.
Bæði áttu þau börn frá fyrra sam-
bandi og eignuðust tvö börn saman.
Nú, fjórum árum síðar, er allt í rúst. Í
dag eru Kalli Bjarni og Alla skilin en
hafa haldið vinskap sín á milli, sam-
kvæmt móður hans sem segir Öllu vera
niðurbrotna. „Hún er algjörlega í rúst
blessuð stúlkan og grætur bara. Þetta
hefur ekki síður haft áhrif á sex ára
gamlan son þeirra sem er mikill pabba-
strákur,“ segir Sveinbjörg en bætir þó
við að Alla styðji heilshugar við bakið á
syni sínum.
„Ég veit ekki hvar hann væri ef henn-
ar og foreldra hennar hefði ekki notið
við. Ég er þess líka fullviss að hún mun
taka aftur við Kalla Bjarna ef hann
tekur sig saman í andlitinu,“ segir Svein-
björg.
Fær ekki plötusamning
Kalli Bjarni var að sögn móður hans
staddur í Frankfurt til að ræða við
plötufyrirtæki sem hafði áhuga á því
að gefa út tónlist hans. Þar var hann
ásamt föður sínum, Guðmundi Sveins-
syni, sem býr í Noregi og segir Svein-
björg að faðir hans hafi verið á fundi
með plötufyrirtækinu fyrri daginn og
það hafi litið vel út. „Nú eru hins vegar
engar líkur á því að af plötusamningi
verði,“ segir Sveinbjörg. Í kjölfar sig-
ursins í Idol-keppninni gaf Kalli Bjarni
út plötu en hún seldist ekki vel og fékk
ekki góða dóma. Spurð hvort sonur
hennar hafi leiðst aftur út í dópið þar
sem tónlistarferillinn hafi ekki gengið
sem skyldi segir Sveinbjörg erfitt til
um að segja. „Hann hefði náð lengra ef
hann hefði látið dópið eiga sig. Útgáfu-
fyrirtækið þarna úti ætlaði að gefa
tónlist hans út. Nú er það allt ónýtt.
Ég hef sagt við hann að hann hafi
sogið hæfileikana upp í nefið á sér,“
segir Sveinbjörg.
Systirin fyrirmynd fyrir
Kalla Bjarna
En það er enn von og það veit Svein-
björg manna best. Dóttir hennar og
systir Kalla Bjarna var í mörg ár á göt-
unni þar sem hún var háð fíkniefnum
og oft nær dauða en lífi. Hún hefur nú
verið edrú í ellefu mánuði og stolt
mömmu hennar leynir sér ekki þegar
talið berst að dótturinni.
„Auðvitað er þetta oft erfitt en þetta
eru börnin mín. Sama hvað á gengur
mun ég aldrei snúa við þeim baki. Ég
kem alltaf til með að hjálpa þeim. Dótt-
ir mín hefur staðið sig mjög vel og ég
vil nota þetta tækifæri til að koma
þakklæti til starfsfólksins á deild 15 á
Kleppi þar sem hún hefur dvalið. Betri
stað fyrir fólk sem er jafn illa farið og
hún veit ég ekki um,“ segir Sveinbjörg,
sem vonar heitt og innilega að bati
dóttur hennar verði til að sýna Kalla
Bjarna að það sé til leið út úr viðjum
fíkniefnanna. „Hún er fyrirmynd sem
hann getur litið upp til.“
indiana@frettabladid.is
oskar@frettabladid.is
NAFN: Karl Bjarni Guðmundsson
FÆDDUR: 6. janúar 1976
GÆLUNAFN: Kalli Bjarni
HJÚSKAPARSTAÐA: Fráskilinn
BÖRN: Þrjú, 9 ára stúlka og tveir
drengir, 6 ára og eins og
hálfs árs.
STARF: Sjómaður og
tónlistarmaður.
AFREK: Vann Idol Stjörnuleit
árið 2004.
HVER ER MAÐURINN?
STENDUR ÞÉTT VIÐ HLIÐ HANS Þótt Kalli Bjarni og barnsmóðir hans Aðalheiður Hulda Jónsdóttir séu skilin segir Sveinbjörg að hún
standi þétt við bakið á honum í þessum erfiðleikum. SIRKUSMYND/HARI
„HÚN ER ALGJÖRLEGA Í RÚST
BLESSUÐ STÚLKAN OG GRÆT-
UR BARA. ÞETTA HEFUR EKKI
SÍÐUR HAFT ÁHRIF Á SEX ÁRA
GAMLAN SON ÞEIRRA SEM ER
MIKILL PABBASTRÁKUR.“
FYRSTA PLATAN
Kalli Bjarni gaf
út sólóplötuna
Kalli Bjarni
skömmu eftir
Idolið en hún olli
vonbrigðum.