Fréttablaðið - 01.09.2007, Side 66

Magnús Scheving hefur verið á þönum undanfarið við að
þjálfa nýja Íþróttaálfa og kynna Latabæ fyrir heiminum
öllum. Fréttablaðið fékk að skjótast í stutta heimsókn í
húsakynni Íþróttaálfsins og Sportacus og komst að því að þótt
húsið í Garðabæ láti ekki mikið yfir sér þá leynist þar heill
heimur af ævintýrum.
Í heimsókn
hjá Latabæ
Húsið í Garðabæ er rúmir fimm þúsund
fermetrar að stærð en stærsta einstaka
herbergið er upptökuverið þar sem tökur á
Latabæ fara fram. Magnús kom sjálfur að
því að innrétta og byggja húsið enda hagvanur
smiður á ferð; byggði meðal annars sjálfur
einbýlishúsið sitt frá grunni. Óneitanlega er
það sérstök tilfinning að ganga þarna um því
utan frá sést ekki að það hýsir einn vinsælasta
barnaþátt Íslands fyrr og síðar. En þegar inn
er komið er ljóst að þarna hefur verið unnið
þrekvirki.