Fréttablaðið - 06.09.2007, Page 24

nám, fróðleikur og vísindi
Viðurkenning mennta-
málaráðherra á háskóla er
merki þess að hann uppfylli
lágmarkskröfur um að vera
háskóli. Fjórir íslenskir
háskólar hlutu viðurkenn-
ingu menntamálaráðherra á
mánudaginn.
„Hlutverk matsnefndanna var að
mæla með hvort hver háskóli fengi
fulla viðurkenningu menntamála-
ráðherra eða ekki. Í öllum þeim
skýrslum sem við fengum frá
nefndunum var tvímælalaust mælt
með að skólarnir fengju viður-
kenningu,“ segir Rósa Gunnars-
dóttir, sérfræðingur á skrifstofu
vísinda og háskóla í menntamála-
ráðuneytinu.
Þorgerður Katrín Gunnarsdóttir
menntamálaráðherra afhenti við-
urkenningar til háskóla í fyrsta
skipti í sögu íslenska háskólakerf-
isins á mánudaginn. Afhentar voru
viðurkenningar á fræðasviðum
verk- og tæknivísinda, náttúruvís-
inda, hugvísinda og lista. Skólarnir
sem hlutu viður-
kenningu á þess-
um sviðum eru
Háskóli Íslands,
Háskólinn í
Reykjavík, Land-
búnaðarháskóli
Íslands og Lista-
háskólinn.
Matsferlið er
byggt á lögum
frá 2006, en sam-
kvæmt þeim
þurfa starfandi
háskólar að
sækja um viður-
kenningu
menntamálaráð-
herra á þeim
fræðasviðum
sem þeir eru virkir á. „Það sem við
erum að gera sem er öðruvísi en
annars staðar í heiminum er að við
erum að taka fyrir alla háskólana
eftir fræðasviðum. Oftast er þetta
þannig að hver skóli fyrir sig sækir
um viðurkenningu sem er eins
konar gæðastimpill,“ segir Rósa.
Hún segir ráðuneytið hafa skipt
fræðasviðunum í tvennt til að
minnka álagið á kerfinu. Nú voru
tekin fyrir fjögur svið en hin þrjú
sviðin sem tekin verða fyrir næst
eru heilbrigðisvísindi, félagsvís-
indi og bú- og auðlindavísindi.
Umsóknarfrestur háskóla til að
sækja um viðurkenningu á þeim
sviðum rann út á mánudaginn.
Í niðurstöðum úr skýrslum
nefndanna komu fram styrkleikar
og veikleikar skólanna. Veikleik-
arnir voru einna helst skortur á
rannsóknaraðstöðu og skrifstofu-
fólki. „Auðvitað koma fram atriði
sem mætti bæta og við munum
nota þær upplýsingar þegar við
skipuleggjum svokallað ytra mat
seinna,“ segir Rósa. Hún bendir á
að það sem skólarnir fái út úr
þessu sé frelsi til að halda áfram
að þróa sjálfa sig. „Það er búið að
votta að þeir uppfylli þau skilyrði
sem þeir þurfa til að kallast
háskóli. Nú verður bara að koma í
ljós með hina hópana sem teknir
verða fyrir í haust.“
Frelsi til að halda áfram
Á vefsíðunni hvar.is er hægt að
lesa yfir fjórtán þúsund tímarit án
þess að greiða fyrir það. Einnig er
hægt að skoða Britannicu alfræði-
bókina, fletta upp í orðabókum og
margt fleira.
Sveinn Ólafsson, umsjónarmað-
ur landsaðgangs hvar.is, segir að á
síðunni sé safn rafrænna áskrifta
sem allir geti skoðað svo framar-
lega sem þeir tengist síðunni í
gegnum íslenska netveitu. „Til að
gefa mynd af því hvað fjórtán þús-
und tímarit eru mikið af efni þá
myndu tíu árgangar af þeim fylla
Þjóðarbókhlöðuna tvisvar sinnum,
gróflega áætlað.“
„Nú þegar skólarnir eru að
byrja getur verið gott fyrir skóla-
fólk að vita af síðunni. Til dæmis
fyrir allan þann fjölda, yfir þrjú-
þúsund manns, sem er í námi sem
tengist viðskiptum og stjórnun.
En einnig fyrir þá fyrir þá sem
ekki eru í skóla og vita ekki af
henni. Hvar.is getur verið ómetan-
legt tæki til að finna alls kyns upp-
lýsingar,“ segir Sveinn og bætir
því við að meðal annars sé hægt að
lesa tímaritið The Economist frítt
á síðunni.
Sveinn segir að aðgangurinn að
hvar.is hafi aukist mikið á liðnum
árum. Um sex þúsund greinar
voru sóttar inn á hvar.is þegar
síðan opnaði árið 1999 en rúmlega
770 þúsund í fyrra. Sveinn á von á
því að aðsóknin á síðuna eigi eftir
að halda áfram að aukast því
stöðugt sé verið að bæta við gagna-
söfnin, meðal annars sex þúsund
tímarit á þessu ári.
Færri börn á hvern kennara