Fréttablaðið - 06.09.2007, Page 68

Plata Trúbrots frá árinu
1970, Undir áhrifum, er
seld hæstbjóðanda á
uppboðssíðunni eBay.
Hæsta boð til þessa
nemur þrettán þúsund
krónum og hafa þrettán
manns boðið í plötuna.
„Þetta var lélegasta
Trúbrotsplatan í mínum
huga en ef það er ein-
hver sem vill borga
fyrir hana þá er það
bara ókei,“ segir Gunn-
ar Þórðarson, fyrrum
meðlimur Trúbrots. „Ég
á þessa plötu ekki einu sinni sjálfur þannig
að ég get ekki selt mína,“ segir hann og
hlær.
Þetta er ekki í fyrsta
sinn sem plötur þar
sem Gunnar kemur
við sögu ganga kaup-
um og sölum á upp-
boðum. Dæmi eru um
að plötur Thor´s
Hammer hafi farið á
að minnsta kosti fimm-
tíu þúsund krónur hjá
söfnurum.
Á eBay segir að
Undir áhrifum sé frá-
bær önnur plata þess-
arar goðsagnakenndu
hljómsveitar. Kom
eintakið út á vegum Parlophone í Dan-
mörku. Seljandinn er aftur á móti frá
Brooklyn í Bandaríkjunum.
Sú lélegasta á eBay
Leikin heimildarmynd um hvað
fór fram á bak við tjöldin við
gerð Næturvaktarinnar verður
frumsýnd á Vísir.is í dag. Þar má
sjá viðtöl við þær persónur sem
Jón Gnarr og Pétur Jóhann
Sigfússon bregða sér í auk
annarra sem koma við sögu í
þáttaröðinni. Þetta mun vera í
fyrsta skipti sem íslenskur
sjónvarpsþáttur nýtir sér netið á
þennan hátt en þúsundir hafa
kíkt á þau fjögur myndbrot úr
þáttaröðinni sem eru á YouTube-
vefsjónvarpssíðunni.
Næturvaktin verður frumsýnd
á Stöð 2 16. september.
Baksviðs á
Næturvakt