Fréttablaðið - 19.11.2007, Blaðsíða 2

2 19. nóvember 2007 MÁNUDAGUR
FÉLAGSMÁL Hjálpræðisherinn opnar á morgun nýtt
dagsetur fyrir fólk sem er heimilislaust, atvinnu-
laust og misnotar vímuefni.
Undanfarin tvö ár hefur Hjálpræðisherinn haft
opið hús fyrir heimilislaust fólk sex daga vikunnar
og segir Annie Marie Reinholdtsen yfirforingi að
samtökin búi yfir mikilvægri þekkingu á fólki í
þessum vanda og sjái þörf á því að opna stað með
fjölbreyttri aðstöðu.
„Við höfum kynnst þessu fólki betur og getað
spjallað við það og fundið út hvað getur bætt líf
þeirra á meðan þau eru að glíma við vímuefnaneysl-
una,“ segir Anne Marie og segir markmiðið vera að
stytta veru fólks á götunni.
„Þau vantar að hafa eitthvað fyrir stafni, þó svo
að það séu mörg úrræði, svo sem kaffistofa og
matur hér og þar. Þau vilja taka þátt í einhverju og
láta gott af sér leiða þegar þau treysta sér til þess.
Vonandi getur það dregið úr drykkju.“
Í dagsetri Hersins, sem opnar á morgun að
Eyjarslóð 7, verður meðal annars í boði baðaðstaða,
þvottahús, bókasafn, föndurstofa, hvíldarherbergi
og fótsnyrting. Þá eru einnig uppi hugmyndir um að
þróa starfsendurhæfingu í samstarfi við nytjamark-
að Hjálpræðishersins í sama húsi. - eb
Hjálpræðisherinn opnar dagsetur með fjölbreyttri aðstöðu fyrir heimilislaust fólk:
Heimilislausir vilja taka þátt
DAGSETUR HJÁLPRÆÐISHERSINS Heimilislausir munu geta
farið í bað, lesið í bók og hvílt lúin bein í dagsetrinu.
Halldór, verða upplýsingarnar
persónugreinanlegar?
„Já, en færustu sérfræðingar munu
annast dulkóðun persónuauðkenna.“
Dýralæknafélag Íslands hefur gert að
tillögu sinni að settur verði á fót mið-
lægur gagnagrunnur fyrir hunda og ketti.
Halldór Runólfsson er yfirdýralæknir.
Á VETTVANGI Mikill fjöldi slökkviliðs-
manna barðist við eldinn í vonskuveðri í
fyrradag. MYND/FANNEY DAVÍÐSDÓTTIR
BRUNI Tjónið sem hlaust af
brunanum á Stærra-Árskógi í
Dalvíkurbyggð í fyrradag er talið
vera vel á annað hundrað
milljónir króna og líklega það
mesta sem orðið hefur á sveitabæ
hérlendis. Öll útihús, hlaða og tvö
fjós, annað nýtt og afar fullkom-
ið, eru gjörónýt.
34 gripir sluppu út, mest eldri
kvígur og geldkýr, en yfir 200
brunnu inni, mjólkurkýr, yngstu
kvígur og ungnaut. Þeim sem
lifðu var komið í hús á nágranna-
bæ í gær.
Lögregla rannsakaði rústirnar í
gær. Líklegast þykir að kviknað
hafi í út frá rafmagni. Dýralækn-
ar reyndu í gær að aldursgreina
þá gripi sem drápust vegna
trygginga. Líklega verður hafist
handa við hreinsun í dag. - sh
Hrikalegt tjón á Stærra-Árskógi:
Gripir sluppu úr
logandi fjósinu MENNTAMÁL „Í mörgum grunn-
skólum er skipulögð umferðar-
fræðsla ekki veitt þrátt fyrir
skýr ákvæði í lögum, reglugerð-
um og námskrám,“ segir Kjartan
Magnússon, formaður Umferðar-
ráðs, sem telur að umferða-
fræðsla sé ekki veitt í um
þriðjungi grunnskóla.
Þá segist Kjartan telja að
flutningur grunnskóla til
sveitarfélaga hafi orðið til þess
að margir skólar misstu tökin á
umferðarfræðslunni. Mikilvægt
sé að fræðsla hefjist í leikskólum
og haldi áfram í grunn- og
framhaldsskólum.
Kjartan segir Umferðarráð
fagna því að innan samgöngu-
ráðuneytis sé að störfum
starfsnefnd sem kanni stöðu
umferðarfræðslu á Íslandi og
komi með tillögur að úrbótum.
- eb
Umferðarfræðslu ábótavant:
Ekki veitt í
þriðjungi skóla
HÁ UMFERÐARSLYSATÍÐNI Í aldurs-
hópnum 17 til 20 ára er tíðni slysa í
umferðinni afar há.
ORKUMÁL „Þetta er ein hugmyndin
sem er uppi á borðinu. Málinu hefur
þó ekki verið lent endanlega en það
er viðleitni okkar fyrst og fremst
að komast að samkomulagi,“ segir
Bryndís Hlöðversdóttir, stjórnar-
formaður Orkuveitu Reykjavíkur.
Rætt er um að Reykjavík Energy
Invest (REI) verði fjárfestingar-
armur Orkuveitu Reykjavíkur og
kaupi hlut í Geysi Green Energy. Á
móti myndi Geysir Green kaupa
eignir REI. Með þeim hætti gæti
Geysir Green unnið áfram að þeim
útrásarverkefnum sem voru á
teikniborðinu þegar sameining
þess og REI var áformuð.
Tveggja daga hluthafafundi í
REI lauk í gær. Aðalumræðuefnið á
fundinum var þátttaka REI í kaup-
um á Orkuveitu Filippseyja, í sam-
vinnu við Geysi Green Energy og
erlent orkufyrirtæki en frestur til
að skila inn tilboði í hlutinn rennur
út á miðvikudag. Niðurstaða fund-
arins er ekki gefin upp og hluthafar
eru bundnir trúnaði fram yfir skila-
frest tilboðsins. Málefni um fram-
tíð hluthafa innan REI voru ekki
útrædd en framhaldsfundur verð-
ur haldinn á föstudaginn.
Aðspurð hvort REI og Orkuveit-
an geti tekið þátt í tilboðinu á
meðan framtíð fyrirtækisins er í
uppnámi segir Bryndís telja að svo
sé. „En það er ekki útséð hvernig
þetta mál fer. Það liggur fyrir að
það er aðeins heimild að gera tilboð
og ekki þar með sagt að því verði
tekið.“ - shá
Stjórnarformaður OR segir koma til greina að REI verði fjárfestingarfélag:
Margar hugmyndir ræddar
FRÁ HLUTHAFAFUNDI Guðmundur
Þóroddsson, forstjóri REI, og Bjarni
Ármannsson stjórnarformaður gefa ekk-
ert upp um niðurstöður fundarins.
FRÉTTABLAÐIÐ/ANTON
BRUNI Tvennt var flutt á slysa-
deild í gærmorgun með reykeitr-
un eftir að eldur kom upp á
fjórðu hæð í fjölbýlishúsi við
Fannarfell. Óttast var að börn
væru inni í brennandi íbúðinni en
svo reyndist ekki vera.
Lögreglumenn í öðrum erinda-
gjörðum í húsinu urðu eldsins
varir og komu íbúum til hjálpar.
Húsið var rýmt og íbúar færðir
í strætisvagn þar sem Rauði
krossinn veitti aðhlynningu.
Upptök eldsins eru ókunn en
íbúðin er stórskemmd vegna elds
og hita. Reyklúga í stigaganginum
varnaði því að fleiri íbúðir
skemmdust. - sh
Eldur í fjölbýli í Breiðholti:
Óttuðust að
börn væru inni
Berlusconi stofnar flokk
Silvio Berlusconi, fyrrverandi forsæt-
isráðherra Ítalíu, tilkynnti í gær um
stofnun nýs stjórnmálaflokks, sem
nefnast muni Frelsis-lýðflokkurinn.
Sagði hann flokkinn myndu tryggja
lýðræði, framþróun og frelsi á Ítalíu
um ókomna tíð. Tilkynningin kom á
óvart en nánari upplýsingar hafa verið
boðaðar í dag.
ÍTALÍA
LÖGREGLUMÁL „Maður er bara ánægður að vera í
lagi,“ segir Þórður Björnsson, kaupmaður í Sunnu-
búð við Mávahlíð. Þrír sextán ára piltar vopnaðir
kylfu og öxi réðust á Þórð og rændu verslun hans í
gærmorgun.
„Það komu þrír grímuklæddir menn hérna inn –
ég sá ekkert nema augun á þeim – og einn var með
svona kylfu eins og lögreglan, sem dregst út,“ segir
Þórður. Hann trúði í fyrstu ekki að ræningjunum
væri alvara. „Fyrst hélt ég að þetta væri grín. Ég
sagði: Hættið þessu rugli strákar, fariði út ef þið
ætlið ekki að kaupa neitt! Þá bara sló einn til mín.
Þetta var ekkert grín.“ Þórður segir höggið hafa
verið vont. Hann sé bólginn en sem betur fer ekki
alvarlega meiddur.
Ræningjarnir komust undan
með uppgjör laugardagsins, tugi
þúsunda króna sem stóðu þá á
afgreiðsluborðinu, og nokkur
karton af sígarettum. Peninga-
kassann snertu þeir ekki. Þórður
áætlar að þeir hafi verið í búðinni
í um þrjár mínútur.
Þórður segir að ræningjarnir
hafi augljóslega þekkt til í
búðinni. „Tveir af þeim króuðu
mig af úti í horni á meðan sá þriðji labbaði beint inn
á skrifstofuna mína eins og hann hefði aldrei gert
annað. Hann vissi alveg greinilega hvar hún var.“
Lögregla ræddi í kjölfarið við starfsfólk búðarinnar
í von um að það gæti veitt upplýsingar um mennina.
Fjórir piltar voru handteknir á fimmta tímanum
grunaðir um ránið. Þeir eru allir fæddir árið 1991 og
því einungis sextán ára. Vitni hafði getað lýst bíl
sem einn þeirra er talinn hafa beðið í fyrir utan. For-
eldrar piltanna voru kallaðir til sem og lögmenn.
Þórður segist ekki hafa verið sérlega hræddur í
upphafi. „Svo sá ég öxina. Þá varð ég hræddur,“
segir hann. „Maðurinn sem hélt á henni var greini-
lega ekki í lagi. Mér fannst eins og þeir væru ekki að
gera þetta í fyrsta skipti. Þeir voru ekkert æstir og
horfðu beint í augun á mér.“
Þórður mætti aftur til vinnu að lokinni skýrslu-
töku en hugðist fara og láta líta á sig á slysadeild í
gærkvöldi. Hann hefur rekið Sunnubúð í fjögur ár
en hefur aldrei lent í öðru eins. „Það hefur verið
brotist inn á nóttunni en ekkert svona.“ Hann mun
þó ekki láta ránið á sig fá. „Ég held ótrauður áfram.
Ég þarf bara að bæta öryggismyndavélakerfið
hérna.“ stigur@frettabladid.is
Vopnaðir unglingar
rændu Sunnubúð
Þrír grímuklæddir menn vopnaðir kylfu og öxi rændu verslunina Sunnubúð í
gærmorgun. Einn þeirra sló kaupmanninn. Fjórir sextán ára unglingspiltar voru
handteknir síðar um daginn. Ræningjarnir þekktu greinilega til í versluninni.
ÞÓRÐUR
BJÖRNSS0N
LOKAÐ VEGNA RÁNS Sunnubúð var lokað í nokkrar klukk-
stundir vegna ránsins. Þórður mætti svo vaskur til vinnu á ný
eftir skýrslutöku hjá lögreglu. FRÉTTABLAÐIÐ/ANTONÞrátt fyrir minni grásleppuveiði á
síðustu vertíð hefur orðið aukning í
útflutningi grásleppuafurða. Á það
jafnt við grásleppukavíar og söltuð
hrogn í tunnum. Á fyrstu níu mánuð-
um þessa árs höfðu verið flutt út 323
tonn af grásleppukavíar og 494 tonn
af söltuðum grásleppuhrognum.
SJÁVARÚTVEGUR
Grásleppukavíar selst vel
SPURNING DAGSINS