Fréttablaðið - 19.11.2007, Blaðsíða 10

10 19. nóvember 2007 MÁNUDAGUR
Rekstrarvörur
- vinna með þér
Réttarhálsi 2 • 110 Reykjavík
Sími: 520 6666 • Fax: 520 6665
sala@rv.is • www.rv.is
Gólfþvottavélar
á rekstrarleigu
Engin útborgun, engin fjárbinding,
aðeins mánaðarlegar greiðslur.
TASKI Swingo 1250 B
RV
U
N
IQ
U
E
10
07
01
Leitið nánari upplýsinga hjá sölumönnum og ráðgjöfum RV
TASKI swingo XP
TASKI swingo 3500 B
TASKI swingo 1250 B
TASKI swingo 750 B
TASKI swingo gólfþvottavélar
Einfaldar í notkun - liprar og
leika í höndunum á þér
Bjarnþór Þorláksson,
bílstjóri hjá RV
N1 VERSLANIR
F
í
t
o
n
/
S
Í
A
DÓMSMÁL Ólöf Ósk Erlendsdóttir,
ein þeirra kvenna sem lögðu fram
kæru á hendur Guðmundi Jóns-
syni í Byrginu á sínum tíma fyrir
kynferðisbrot, hefur verið dæmd í
átján mánaða óskilorðsbundið
fangelsi í Héraðsdómi Reykjavík-
ur fyrir frelsissviptingu, húsbrot
og rán.
Auk hennar hlutu tveir karl-
menn á þrítugsaldri fangelsis-
dóma fyrir aðild sína að málinu.
Arnar Óli Bjarnason var dæmdur
í átján mánaða fangelsi, en þyngsta
dóminn fékk Róbert Wayne Love
sem skal sæta fangelsisvist í tvö
ár, en alls voru fimm einstaklingar
ákærðir í málinu.
Mikael Arnar Calhoun og Ragn-
ar Ingi Arnarson, báðir nítján ára,
voru dæmdir til að greiða 75 þús-
und krónur í sekt en þeir tóku þátt
í að safna saman þýfi og flytja út í
bifreið.
Samkvæmt gögnum málsins
beitti Ólöf Ósk blekkingum til að
fá karlmann til að hleypa sér inn í
íbúð til sín í janúar, en þegar þang-
að var komið hleypti hún vitorðs-
mönnum sínum inn. Þá batt Ólöf
Ósk brotaþola við stól með reipi
og límbandi, keflaði hann með ól
með munnkúlu og setti loks leður-
grímu yfir höfuð hans. Því næst
gengu Arnar Óli og Róbert Wayne
í skrokk á manninum og kröfðust
þess að hann vísaði þeim á verð-
mæti í íbúðinni.
Arnar Óli hellti eldfimum vökva
yfir manninn og hótaði að mölva í
honum tennurnar og bora í hné-
skeljarnar á honum, en Róbert
Wayne lamdi manninn með járn-
stöng í vinstra hnéð.
Brotaþoli fór fram á tæp þrett-
án hundruð þúsund krónur í skaða-
bætur vegna málsins sem saman-
stóð meðal annars af bótum vegna
atvinnutjóns, miska og þjáninga.
Sakborningarnir voru hins vegar
dæmdir til að greiða brotaþola
tæpar fimm hundruð þúsund krón-
ur í skaðabætur. - æþe
Stúlka sem kærði Guðmund Jónsson í Byrginu fyrir kynferðisbrot:
Dæmd í 18 mánaða fangelsi
LITRÍKUR SKOTI Áhangandi skoska
knattspyrnulandsliðsins sýnir lit á
landsleik Skota og Ítala í Glasgow um
helgina. FRÉTTABLAÐIÐ/AP
UMHVERFISMÁL „Mér voru gefnir
níu virkir dagar til að endurskoða
niðurstöðurnar. Ég sagði þann tíma
of nauman og úr því yrði aðeins
málamyndagjörningur. Ég væri
eftir sem áður tilbúin til samstarfs
ef ég fengi lengri tíma. Við því
fékk ég ekki svar,“ segir Þóra Ellen
Þórhallsdóttir, prófessor við Líf-
fræðistofnun Háskóla Íslands, um
þann tíma sem VSÓ ráðgjöf veitti
henni til að meta landslagið á Heng-
ilssvæðinu vegna Bitruvirkjunar.
Þann 4. desember 2006 sendi
Skipulagsstofnun VSÓ ráðgjöf sem
sá um gerð frummatskýrslu um
mat á umhverfisáhrifum vegna
fyrirhugaðrar virkjunar á Hengils-
svæðinu. Í bréfinu er tekið fram að
fyrir liggi skýrsla Líffræðistofn-
unar um gildi landslags á svæðinu
frá því 2002, sem keypt var af
Orkuveitu Reykjavíkur. Nauðsyn-
legt sé að endurmeta svæðið vegna
þeirra framkvæmda sem þegar
hafi farið fram. Skipulagsstofnun
telji að VSÓ ráðgjöf þurfi að hafa
samráð við Líffræðistofnun
Háskóla íslands vegna þessa. VSÓ
hafði hins vegar ekki samband við
Þóru Ellen fyrr en í febrúar á þessu
ári og tilkynnti að niðurstöðunum
þyrfti að skila 1. mars.
Þóra Ellen segir að sér hafi þótt
ljóst að verðmæti Hengilssvæðis-
ins væri mun meira nú en þegar
það var metið árið 2002. Síðan þá
hefði verið gengið á lítt eða órösk-
uð svæði í nágrenninu, verðmæti
þeirra sem eftir væru hefðu því
aukist. Þá hefðu nýlegar kannanir
sýnt að svæðið væri mjög vinsælt
meðal ferðamanna og útivistar-
fólks og það talið næstverðmæt-
asta útivistarsvæðið á suðvestur-
horninu, á eftir Þingvöllum. Þá hafi
einnig verið mikilvægt að gera
matið yfir sumartímann.
„Við lýstum því hvað þyrfti að
gera með tilliti til ábendingar
Skipulagsstofnunar. Hún sendi
síðan svar um að hún gæti ekki
tekið þetta að sér á þessum tíma.
Það voru því sérfræðingar hér hjá
VSÓ sem tóku að sér landslagsmat-
ið,“ segir Stefán Gunnar Thors,
verkefnisstjóri VSÓ.
Stefán segir rétt að Þóru hafi
verið gefinn skammur tími til
verksins. „Þetta voru bara þau
tímamörk sem við höfðum þá. Ef
menn væru alvitrir og hefðu vitað
hvað hefði komið til viðbótar þá
hefðu þessi tímamörk ekki verið
sett,“ segir Stefán. Spurður hve
langan tíma sérfræðingar VSÓ
hefðu tekið í verkið svarar hann:
„Það tók talsvert lengri tíma en níu
daga.“ Stefán segir matið sem gert
var af VSÓ hafa uppfyllt allar kröf-
ur sem gerðar voru hjá Skipulags-
stofnun. karen@frettabladid.is
Fékk níu daga til að
meta Hengilssvæðið
Skipulagsstofnun fór fram á við VSÓ ráðgjöf að haft yrði samband við Líffræði-
stofnun Háskóla Íslands vegna endurmats á Hengilssvæðinu. VSÓ gaf stofnun-
inni níu virka daga til verksins. Málamyndagjörningur, segir prófessor háskólans.
HENGILSSVÆÐIÐ VSÓ gaf Líffræðistofnun Háskóla
Íslands níu daga til að meta svæðið. Verkefnisstjóri
VSÓ segir að ef menn væru alvitrir hefðu þeir ekki
sett þau mörk. MYND/KJARTAN PÉTUR SIGURÐSSON
HAGSMUNIR Þóra segir að spurning sé hvaða
hagsmunir eigi að ráða þegar umhverfismat er gert.
FRÉTTABLAÐIÐ/ANTON
Kjærsgaard hótar hörðu
Pia Kjærsgaard, leiðtogi Danska þjóð-
arflokksins, segir í viðtali á heimasíðu
flokksins að setjist Asmaa Abdol-
Hamid, varaþingmaður Einingarlistans,
á þing og hafi uppi íslömsk trúarorð
úr ræðustól, muni hún láta „fleygja
henni á dyr“. Reyndar tekur hún fram
að það sé ekki hægt. Abdol-Hamid
vakti athygli í kosningabaráttunni fyrir
að segjast telja danska hermenn í Írak
lögmæt skotmörk skæruliða.
DANMÖRK
Lögreglumenn drepnir
Skæruliðar talibana pyntuðu og drápu
fimm afganska lögreglumenn og
hengdu síðan illa leikna líkama þeirra
upp í tré í viðvörunarskyni til íbúa um
að voga sér ekki að sýna Kabúlstjórn-
inni hollustu. Er yfirvöld greindu frá
fundi líkanna var jafnframt sagt að
minnst 68 manns hefðu látið lífið í
átökum vítt og breitt um landið um
helgina. Yfir 6.000 hafa farist í átökum
í landinu það sem af er þessu ári.
AFGANISTAN
JAPAN, AP Japanskur hvalveiðifloti
hélt í gær úr höfn í Shimonoseki,
miðstöð japönsku hvalveiðiút-
gerðarinnar. Í þetta sinn hyggur
hann á að veiða hnúfubaka í nafni
vísindaveiðaáætlunar Japana.
Hnúfubakar hafa ekki verið
veiddir síðan á sjöunda áratugn-
um og hinar fyrirhuguðu veiðar á
þeim hafa því kallað á enn
harkalegri gagnrýni hvalfriðun-
arsinna en hvalveiðar Japana
hafa gert á síðustu árum.
Í þessum leiðangri á hvalamið í
Suður-Kyrrahafi er áformað að
veiða 50 hnúfubaka, 50 langreyð-
ar og 935 hrefnur. Hvalveiði-
vertíðin stendur fram í apríl. - aa
Hvalveiðar Japana:
Hyggjast veiða
50 hnúfubaka