Fréttablaðið - 19.11.2007, Qupperneq 21
MÁNUDAGUR 19. nóvember 2007 3
Undirbúningurinn er það sem
skiptir mestu máli áður en
hafist er handa við málningu
heima við.
„Fólk er meira í að mála allan
ársins hring. Ekki bara rétt fyrir
jól, fermingu og aðrar hátíðir
eins og áður. Samt er alltaf smá
sprengja núna fyrir jólin, en
langt í frá eins og þetta var,“
segir Hannes Birgisson málari.
Flestir sveiflast með tísku-
bylgjum litanna, en síðan er líka
gott að mála reglulega einfald-
lega til að hressa upp á heimilið
auk þess sem viðhald er mikil-
vægt fyrir verðmæti eigna.
„Það er voðalega misjafnt hvað
þarf að mála oft innanhúss. En ég
myndi segja eitthvað á bilinu
fimm til sjö ára fresti. Fer að vísu
eftir því hvað eru mörg börn á
heimilinu,“ segir Hannes bros-
andi.
Þó að fólk ætli að mála sjálft,
þá er alltaf gott að leita ráða hjá
fagfólki, segir Hannes. „Undir-
búningurinn er langmikilvægast-
ur. Síðan hefst ferlið á því að
skrapa í allar misfellur og
sprung ur og kíkja vel yfir vegg-
ina þegar er verið að endurmála.
Síðan þarf að sparsla og slípa vel
yfir og því næst heilslípa vel yfir
fletina,“ útskýrir Hannes sem
segir að ef sprungurnar séu mjög
djúpar sé notast við borða sem er
settur yfir og önnur tegund af
sparsli sem fyllir betur. Þó notar
Hannes oftast sömu tegund af
sparsli á mismunandi tegundir
veggja og finnst þægilegast að
vinna með milligróft sparsl,
nema á glugga. „Á gluggakistur
er ég oftast með lakksparsl, en
það þarf að skoða verkið áður en
ákvörðun um efni er tekin,“ segir
Hannes. Hann segir einnig flest
íslensk hús vera vel byggð og
steypusprungur því fæstar alvar-
legar.
Eftir að undirbúningi er lokið
er grunnað yfir viðgerðir og
síðan farnar tvær umferðir sem
er nauðsynlegt í flestum tilfell-
um. Þó segir Hannes það geti
sloppið ef um sama lit sé að ræða.
En málning er ekki bara málning.
„Góð málning getur sparað auka
umferð, tíma og þrif. Auk góðra
verkfæra og pensla, þeir skipta
líka máli,“ útskýrir Hannes sem
segist nota sjö til tíu prósenta
glans á stofur, ganga og herbergi,
en tíu prósent á eldhús og tuttugu
á baðherbergi. „Mikill háglans er
mest notaður á glugga og annað
slíkt í gömlum húsum þar sem er
ákveðinn stíll,“ segir Hannes sem
segir það færast í vöxt að fólk
geri upp gömul hús. „Ég mála
ekki oft í gömlum timburhúsum,
en það er svona eitt og eitt og þá
bara gilda sömu reglur og við
aðra endurmálun,“ segir Hannes
að lokum. rh@frettabladid.is
Málað allt árið,
ekki bara fyrir jól
Ráðgjöf frá fagfólki getur borgað sig þótt fólk máli sjálft, segir Hannes Birgisson
málari. FRÉTTABLAÐIÐ/VALLI
Allt á sinn stað
ÞÆGILEG ÞVOTTALAUSN
Einhvers staðar þurfa vond-
ir að vera og það sama á við um
óhreina þvottinn. Gott er að hafa
smekklega þvottakörfu til að
geyma hann í þar til hann ratar í
þvottavélina. Ef pláss er af skorn-
um skammti getur verið snið-
ugt að fá sér netta þvottakörfu
sem auðvelt er
að brjóta
saman
þegar hún
er ekki
í notk-
un. Einnig
getur verið
þægilegt að
hafa hanka
á þvotta-
körfunni
svo auðvelt
sé að taka
hana með
sér ef bera
þarf þvottinn
niður einhverjar hæðir eða í næstu
fatahreinsun.
Þessi þvottakarfa frá Umbra upp-
fyllir alla þá þætti sem upp
eru taldir auk þess sem hún er
skemmtilega hönnuð af Paul
Rowan. Karfan er úr hundrað pró-
senta bómullarstriga með límdri
vínillíningu og tveimur strigahöld-
um. Punkturinn yfir i-ið er síðan
rómantískt mynstur með fiðrild-
um. Hægt er að fá körfuna í fjór-
um litum með þrenns konar
mynstri en enn sem komið er er
hún að því er við best vitum ekki
í neinum verslunum hér á landi.
Hægt er þó að kaupa hana í gegn-
um netið.
- hs
Skemmtileg framreiðsla
BÚKONULEGIR BAKKAR
Gott getur verið að eiga góðan bakka til að bera fram veitingar á auk þess
sem það eykur glæsileikann að sjá gestgjafann reiða fram góðgæti á þann
hátt. Bakka er líka hægt að nota
sem kökudiska eða undir nasl en
það fer allt eftir stærð og gerð
hans. Bakkar eru til af öllum
stærðum og gerðum og auð-
velt er að verða sér út um ódýra
bakka, til dæmis í smávöruversl-
unum eins og Tiger og Söstrene
Grene.
-hs
Sykursætt og sjarmerandi
HEITT SÚKKULAÐI Á SÍÐDEGI
Eftir langan vinnudag eða annasaman skóladag er gott að dekra við sig með
einhvers konar notalegheitum. Heitt súkkulaði er ágætis leið til þess og fáir
sem fúlsa við því. Hægt er að fá fallega súkkulaðibolla og smekklegar könn-
ur víða. Rómantíkin á sérstaklega vel við heita súkkulaðið sem drukkið hefur
verið í áraraðir og fer það afskaplega vel saman
að sjá drifhvítan rjómann og gómsætt súkkul-
aðið í gamaldags postulínsbolla. Sem dæmi
um verslanir sem bjóða upp á klassíska súkk-
ulaðibolla má nefna Viller-
oy og Boch í Kringlunni,
Þorstein Bergmann
á Skólavörðustígnum,
Lene Bjerre í Kópavogi
og ýmsar fleiri.
-hs