Fréttablaðið - 19.11.2007, Blaðsíða 48
28 19. nóvember 2007 MÁNUDAGUR
ÁRMÚLA 11 | Sími 568-1500 | Lónsbakka | Sími 461-1070 | www.thor.is
Taka allt að 4 mm vír. Handhægar
- aðeins um 5 kg. Flott verð.
Hátíðni
rafsuðuvélar
Keflvíkingurinn Jóhann B. Guðmundsson lék í sumar sitt
annað tímabil með GAIS í sænsku úrvalsdeildinni og þótti
standa sig vel, en GAIS-liðið endaði í 11. sæti deildarinnar.
„Okkur gekk ágætlega, en við hefðum getað endað
mótið betur þar sem við vorum í 8.
sæti lengi vel en misstum því miður
dampinn í lok tímabilsins. Mér gekk
persónulega ágætlega á tímabilinu og
líður bara vel í GAIS treyjunni,“ sagði Jóhann sem spilaði
18 leiki af 26 leikjum liðsins og skoraði eitt mark.
„Ég á ennþá eitt ár eftir af samningi mínum við GAIS-liðið
og ég ætla mér að klára hann og mér líst bara vel á fram-
haldið. Markmið okkar fyrir síðasta tímabil var að gera betur
en árið áður og ég hugsa að það sama verði uppi á teningnum
í ár. Við erum reyndar líka komnir með nýjan þjálfara og það
verður gaman að sjá hvað kemur út úr því. Ég á von á því að
hópurinn verði styrktur talsvert og það eru því spennandi tímar
fram undan hjá liðinu.“
Jóhann lék á sínum tíma með Watford í ensku deildinni og Lyn í
norsku deildinni en gekk til liðs við GAIS frá grannliðinu Örgryte en
bæði liðin eru frá Gautaborg. „Við höfum það mjög fínt hérna í
Gautaborg og næsta tímabil verður mitt fimmta ár í Svíþjóð
þannig að við erum búin að koma okkur vel fyrir,“
sagði Jóhann en kvaðst þó óviss með framhald-
ið eftir næsta tímabil. „Það þýðir ekkert að plana
neitt allt of mikið fram í tímann í þessum bransa,
sem atvinnumaður í fótbolta, en það er aldrei
að vita hvað maður gerir og ég loka ekki á neitt,“
sagði Jóhann sem var valinn í undirbúningshóp
íslenska landsliðsins á síðasta ári fyrir leikina gegn
Lettlandi og Svíþjóð í undankeppni Evrópumótsins
en varð að draga sig út vegna meiðsla.
„Ég lenti í meiðslum í fyrra og svo aftur í ár sem
gerðu það að verkum að ég missti af 8 leikjum í deildinni
í ár og eitthvað svipað í fyrra og auðvitað er það svekkjandi,
en staðan á mér núna er bara mjög fín.“
JÓHANN B. GUÐMUNDSSON, GAIS: NÁÐI SÉR AF MEIÐSLUM OG ÁTTI GOTT TÍMABIL Í SÆNSKU DEILDINNI
Það eru spennandi tímar fram undan hjá GAIS
FÓTBOLTI Gylfi Einarsson knatt-
spyrnumaður hefur fengið sig
lausan frá samningi við Leeds
sem leikur í þriðju efstu deild á
Englandi og æfir nú með Barns-
ley sem er í tíunda sæti næst
efstu deildar sem stendur.
„Það hefur gengið mjög vel hjá
mér á æfingum hjá Barnsley
undanfarið, en það hafa engar
viðræður átt sér stað enn og
óljóst hvað verður úr þessu,“
sagði Gylfi sem hefur verið mjög
óheppinn með meiðsli undanfarin
ár.
„Ég vona að meiðslasagan sé að
baki núna, 7-9-13, og ég er að
komast í fínt form og er spenntur
fyrir því að fá að spila reglulega í
deildarkeppni á ný.“ - óþ
Gylfi Einarsson:
Meiðslasögunni
vonandi lokið
ÓHEPPINN Gylfi hefur verið óheppinn
með meiðsli á ferli sínum sem atvinnu-
maður í fótbolta. NORDICPHOTOS/GETTY
SUND Jakob Jóhann Sveinsson,
landsliðsmaður úr sundfélaginu
Ægi, hélt áfram keppni sinn á
heimsbikarmótinu í sundi í 25
metra laug í Berlín í gærmorgun.
Jakob Jóhann keppti þá í 100
metra bringusundi og synti á 1
mínútu og 2 sekúndum sléttum og
skilaði það honum í 19. sæti á
mótinu. Jakob Jóhann á sjálfur
Íslandsmetið í greininni en var
einni og hálfri sekúndu frá því í
gær. - óþ
Heimbikarmótið í sundi:
Jakob í 19. sæti
í bringusundi
Í BERLÍN Jakob Jóhann Sveinsson hefur
keppt undanfarna daga á heimsbikar-
mótinu í Berlín. FRÉTTABLAÐIÐ/STEFÁN
> Ragnheiður í fínu formi
Ragnheiður Ragnarsdóttir, sundkona úr KR, gerði góða
hluti á meistaramótinu í sundi sem lauk í gærdag. Ragn-
heiður varð reyndar að lúta í lægra haldi fyrir Erlu Dögg
Haraldsdóttur, úr Sundfélagi Reykjanesbæjar, í 100 metra
fjórsundi á öðrum keppnisdegi, en stúlkurnar syntu báðar
undir gamla Íslandsmetinu. Stuttu síðar var Ragnheiður
svo aðeins þremur hundraðshlutum úr sekúndu frá því
að bæta Íslandsmetið í 100 metra skriðsundi. Ragnheiður
bætti enn fremur Íslandsmetið í 50 metra skriðsundi í
gær og bætti svo loks Íslandsmetið í 100 metra skrið-
sundi um hálfa sekúndu, þegar hún synti eina leið í
4x100 metra boðsundi í gær. Alls
voru 12 Íslandsmet slegin og
23 unglingamet voru sett á
vel heppnuðu meistaramóti.
HANDBOLTI Danska stórliðið FC
Kaupmannahöfn rétt marði HK,
26-24, í fyrri leik liðanna í Evr-
ópukeppni félagsliða í gær. FC
Kaupmannahöfn skoraði 9 af 10
fyrstu mörkum leiksins en þrátt
fyrir afleita byrjun gafst HK ekki
upp og hefði með smá heppni
getað landað sigri gegn gríðar-
lega sterku dönsku liði.
Þegar fyrri hálfleikur var hálfn-
aður höfðu gestirnir náð níu
marka forystu, 3-12, og auðveldur
sigur virtist blasa við FC Kaup-
mannahöfn. Tvö mörk röð og
ódrepandi stemning öflugra
stuðningsmanna hleypti lífi í lið
HK og liðið hóf að minnka muninn
jafnt og þétt fyrir hlé þar til mun-
urinn var aðeins fjögur mörk, 11-
15.
HK hóf seinni hálfleikinn af
sama krafti og liðið endaði þann
fyrri. Vörnin small saman og Ólaf-
ur Bjarki Ragnarsson hóf að stýra
sóknarleik liðsins með miklu
ágætum. Þegar hálfleikurinn var
rúmlega hálfnaður munaði aðeins
einu marki á liðunum, 21-22, og
þegar 10 mínútur voru eftir var
staðan orðin jöfn, 23-23. Taugarn-
ar virtust hins vegar ekki vera í
lagi hjá HK undir lok leiksins
frekar en í byrjun hans. Liðið tap-
aði boltanum hvað eftir annað á
klaufalegan hátt og Danirnir náðu
að innbyrða sigur, 26-24. Reynslu-
leysi varð HK að falli því leik-
menn liðsins virtust ekki ráða við
hátt spennustig í byrjun og lok
leiks.
Gunnar Magnússon, aðstoðar-
þjálfari HK, var mjög stoltur af
sínu liði í leikslok.
„Það var skrekkur í byrjun sem
fór með leikinn,“ sagði Gunnar.
„Við komum til baka og fyrir utan
fyrstu mínúturnar var þetta frá-
bær leikur af okkar hálfu. Með
örlítið betri nýtingu úr dauðafær-
um í lokin hefði þetta verið jafn
leikur. Við erum ekki búnir að gef-
ast upp og förum til Danmerkur
til að vinna. Við sýndum það í
þessum leik að við getum unnið
þetta lið. Ég er stoltur af strákun-
um. Þeir eru með eitt besta lið
Norðurlanda og eitt besta lið Evr-
ópu og við sýndum að við eigum
fullt erindi í þetta.“
Gunnar hrósaði stuðningsmönn-
um HK fyrir þeirra þátt í þessum
frábæra leik.
„Stemningin í húsinu var ótrú-
leg. Ég er stoltur af því fyrir hönd
HK. Það er synd að við gátum ekki
hangið á þessu í lokin því það
getur munað um að tapa með einu
eða tveimur.“
Arnór Atlason var ekki í leik-
mannahópi FC Kaupmannahafnar
vegna meiðsla og gat ekki neitað
því að hann hefði frekar viljað
vera á gólfinu með félögum sínum
en á meðal áhorfenda.
„Það var leiðinlegt að spila ekki
þennan leik. Það var góð stemning
og það er gott að geta sýnt félög-
unum að íslenskur handbolti er
eitthvað.“
FC Kaupmannahöfn á erfiðan
leik gegn Kolding í vikunni og
segir Arnór að félagar sínir hafi
líklega slakað á eftir góða byrjun
með þann leik í huga.
„Við komumst í 12-3 og slökum
aðeins á ómeðvitað. Aðalmálið var
að koma okkur í stöðu þar sem
okkur nægir að vinna heima. Í
Evrópukeppni skiptir öllu máli að
ná almennilegum úrslitum á úti-
velli og þetta var þannig séð það
besta sem gat komið fyrir hjá
okkur. Það er kannski í hausnum á
mönnum að við eigum mjög mikil-
vægan leik gegn Kolding á mið-
vikudaginn,“ sagði Arnór og hrós-
aði HK fyrir leik sinn.
„FCK vita nú að HK er alvöru
lið eins og ég reyndi að segja þeim
þegar við drógumst gegn þeim og
það er gott að það rættist úr því.
Þetta var hörkuleikur tveggja
góðra liða. Þetta er ekki búið en
við erum í góðri stöðu. Þeir berj-
ast til síðustu mínútu. Erfitt lið að
eiga við. Lið eins og HK berst eins
og ljón og þau reynast okkur oft
erfið,“ sagði íslenski landsliðs-
maðurinn Arnór Atlason. - gmi
FCK í bullandi vandræðum með HK
FC Kaupmannahöfn vann HK naumlega 24-26 í fyrri leik liðanna í EHF-bikarnum í Digranesi í gærdag.
Leikurinn var ekki síst merkilegur í ljósi þess að þarna mættust efstu lið íslensku og dönsku deildanna.
ÖFLUGUR Ragnar Hjaltested átti fínan leik fyrir HK í gær gegn FC Kaupmannahöfn í
EHF-bikarnum og skoraði fjögur mörk úr fimm skottilraunum. FRÉTTABLAÐIÐ/DANÍEL
HANDBOLTI Fram vann Akureyri
30-22 í Framhúsinu í gær, en fyrir
leikinn bjuggust flestir við sigri
Fram.
Framliðið mætti mjög ákveðið
til leiks og eftir að Akureyri hafði
skorað fyrsta mark leiksins,
fylgdu eftir fjögur mörk frá
heimamönnum. Munurinn hélst á
milli liðanna og var mestur sex
mörk, í stöðunni 11-5, þegar fimm
mínútur lifðu fyrri hálfleiks. Þá
tóku gestirnir smá kipp og skor-
uðu þrjú mörk í röð, en Fram
skoraði hins vegar síðasta mark
fyrri hálfleiks og staðan því 12-8
þegar flautan gall. Markverðirnir
voru í fínu formi í fyrri hálfleik
og Björgvin Páll Gústavsson, hjá
Fram, varði ellefu skot, en starfs-
bróðir hans Hörður Flóki Ólafs-
son, hjá Akureyri, varði tólf skot.
Akureyringar náðu að minnka
muninn niður í þrjú mörk í byrjun
seinni hálfleiks, 13-10 og svo aftur
16-13, en í stöðunni 20-16 gerðu
heimamenn í Fram endanlega út
um leikinn með því að skora fimm
mörk í röð. Akureyringar reyndu
að klóra í bakkann en þegar þar
var komið við sögu var spurning-
in ekki hvort Fram myndi vinna,
heldur með hve miklum mun
Fram myndi vinna. Lokatölur
urðu 30-22 og fremur þægilegur
sigur því í höfn hjá Fram liðinu
sem tillti sér á topp deildarinnar
við hlið HK. Fernc Antal Buday,
þjálfari Fram, var kátur með
sigur sinna manna í leikslok.
„Ég er mjög sáttur með þessi
úrslit og mér fannst við vera að
spila hreyfanlegan og góðan varn-
arleik. Það var gott að við náðum
fínu forskoti í seinni hálfleik því
þá gat ég notað tækifærið til að
hvíla mína bestu menn og gefa að
sama skapi öðrum leikmönnum
möguleika á því að sanna sig og
spila vel og sumir þeirra gerðu
það,“ sagði Buday.
Sævar Árnason, þjálfari Akur-
eyrar, var hins vegar fremur
ósáttur með sína leikmenn í gær.
„Vörnin okkar og markvarsla
voru fín í fyrri hálfleik, en sókn-
arlega vorum við sjálfum okkur
verstir og ég ætla vona að mínir
menn rífi sig upp. Við fengum fín
færi til að koma okkur inn í leik-
inn þegar munurinn var aðeins
þrjú mörk í seinni hálfleik, en
eins og ég segi þá fórum við illa
af ráði okkar og það er ekki hægt
að tala um óheppni. Maður skap-
ar sér sína heppni og við verðum
að rífa okkur upp eftir þessa rass-
skellingu,“ sagði Sævar. - óþ
Fram vann Akureyri, 30-22, í N1 deild karla í gærdag og komst með sigrinum á toppinn við hlið HK:
Frískir Framarar rassskelldu Akureyringa
BARÁTTA Daníel Berg Grétarsson, Framari, reynir hér að ná skoti að marki Akureyrar,
en Andri Snær og Magnús eru til varnar. FRÉTTABLAÐIÐ/ANTON
sport@frettabladid.is