Fréttablaðið - 19.11.2007, Blaðsíða 19

HEIMILI HEILSA HÚS BÖRN NÁM FERÐIR MATUR BÍLAR TÍSKA GRÆJUR ATVINNA TILBOÐ VINNUVÉLAR O.FL.
Birgitta Haukdal nýtur þess að vera heima hjá
sér og slaka á. Hún keypti nýverið tvö falleg
listaverk.
Heimili Birgittu einkennist af notalegu andrúmslofti
og er bjart yfirlitum. Hún er mikill fagurkeri og seg-
ist falla auðveldlega fyrir fallegum hlutum. „Ég er
mikil kertakona og hef gaman af að hengja upp mynd-
ir og skreyta í kringum mig. Með árunum hef ég þó
komist upp á lag með að taka niður hluti og setja í
geymslu og skipta svo eftir hálft ár. Maður á svo
mikið af fallegum hlutum en ef þeir eru allir saman
uppi á hillu þá njóta þeir sín ekki,“ segir Birgitta og
er hér komið ágætis húsráð fyrir þá sem eru að vand-
ræðast með dótið sitt og vilja breyta til.
Fyrir skömmu síðan fjárfesti Birgitta í tveimur
málverkum sem hún segist hafa fallið kylliflöt fyrir.
„Verkin eru eftir listakonuna Hlaðgerði Írisi, eða
Hlöllu eins og hún er oft kölluð. Við fórum til hennar
í þeim tilgangi að fá okkur litla, fallega mynd frá
henni því hún málar ótrúlega flottar myndir og sér-
stakar. Þegar við komum þá var hún með fullt af stór-
um og flottum myndum og við heilluðumst. Við gátum
ekki ákveðið okkur og það fór því svo að við gengum
út með tvö risastór málverk,“ segir Birgitta hlæjandi
og bætir við að þau búi nú ekki í stórri íbúð en mynd-
irnar fái vonandi mjög góðan stað einhvern tíma
þegar þau flytja í stærra húsnæði.
„Þetta eru geggjaðar myndir og held ég sérstak-
lega upp á aðra þeirra sem heitir „Gleym mér ei“. Á
henni eru tvö börn í íslenskum lopapeysum og stelp-
an er að líma gleym mér ei á lopapeysu stráksins. Þau
eru bæði dulúðleg á svip og það er því eins og þau sjái
eitthvað sem við vitum ekki hvað er,“ lýsir Birgitta
glettin og heldur áfram: „Allir sem koma og horfa á
myndina nefna að maður verði svo forvitin af því að
horfa á börnin og langi að vita hvað þau séu að horfa
á. Myndin fær mann því til að hugsa.“
Líkt og oft áður hefur Birgitta í mörg horn að líta
en hún gaf á dögunum út nýjan geisladisk sem ber
heitið „Ein“. „Ég hef verið að fylgja plötunni minni
eftir og mun halda því áfram fram að jólum. Ég ætla
að halda útgáfutónleika á Rúbín í fyrstu viku desem-
ber þar sem ætlunin er að hafa notalega stemningu í
takt við plötuna sem er afskaplega notaleg. Það verða
kerti út um allt og fólk getur sest niður með kakóboll-
ann sinn eða hvítvínsglasið og notið þess að hlusta á
fallega tónlist,“ segir Birgitta einlæg. En hvaðan
kemur nafnið á plötunni? „Það er nú vegna þess að ég
er svolítið ein á plötunni. Það er oft sem maður er að
skreyta tónlistina mikið með fullt af hljóðfærum og
hljóðbrellum en við reyndum að gera sem minnst af
því svo söngurinn og tilfinningin í lögunum fengi að
njóta sín,“ segir Birgitta sem þótti nafnið tilvalið þar
sem hún er þarna ein og ekki með strákana sína sér
við hlið.
hrefna@frettabladid.is
Gullfalleg Gleym mér ei
Það gleymir eflaust enginn Birgittu Haukdal en hér stendur hún fyrir framan málverkið Gleym mér ei sem hún heldur mikið upp
á. FRÉTTABLAÐIÐ/VÖLUNDUR
STÓRIR OG LITLIR SKJÁIR
Best er að velja sér flatskjá í
samræmi við stærð rýmisins sem
hann á að vera í.
GRÆJUR 4
LÝST UPP MEÐ LÖMPUM
Í birtu frá fallegum lampa má
gera margt skemmtilegt.
HEIMILI 2
A
ug
lý
si
ng
as
ím
i
– Mest lesið