Fréttablaðið - 19.11.2007, Blaðsíða 43
MÁNUDAGUR 19. nóvember 2007 23
Leiksýningin Frelsarinn
kemur frá Danmörku og
verður sett upp í Þjóðleik-
húsinu 22. nóvember og hjá
Leikfélagi Akureyrar 24.
og 25. nóvember. Höfundur
sýningarinnar er leikhús-
listamaðurinn Kristján
Ingimarsson.
Neander, danskur leikhópur
Kristjáns, hefur að undanförnu
sýnt Frelsarann við glimrandi
undirtektir í Danmörku. Verkið
leitar í heilaga ritningu eftir við-
fangsefni og spinnst út frá því
myndræn og líkamlega krefjandi
sýning. Þar sem trúmál hafa verið
talsvert í brennidepli í hérlendri
þjóðfélagsumræðu undanfarið,
sérlega í kjölfar útgáfu nýrrar
biblíuþýðingar, geta íslenskir leik-
húsunnendur hrósað happi yfir
því að fá tækifæri til að sjá sýn-
ingu sem tekst á við trúmál á
afdráttarlausan hátt.
Aðalpersóna Frelsarans fær þau
skilaboð frá æðri máttarvöldum
að hann sé næsti frelsari mann-
kyns og fá áhorfendur að fylgjast
með honum takast á við þetta nýja
hlutverk sitt. Sýningin er án orða
og er verkinu komið til skila með
líkamlegum leik sem er eins konar
blanda af leiklist, dansi og bardaga-
íþróttum. „Þessi líkamlega leiklist
byggist í raun á því hvernig leik-
ararnir vinna saman og bregðast
hver við öðrum,“ segir Kristján.
„Þrátt fyrir að verkið takist á við
áleitnar spurningar tel ég að leik-
ur án orða henti viðfangsefninu
afar vel þar sem hann leyfir fólki
að leggja sína túlkun í verkið í
meira mæli en ef farið væri með
texta. Það þarf einfaldlega ekki
alltaf að segja allt berum orðum.“
Útlit sýningarinnar er mynd-
rænt í meira lagi, enda er hún inn-
blásin af teiknimyndum. „Mynd-
ræn hlið sýningarinnar byggist á
skörpum stíl japanskra manga-
teiknimynda. Sviðsmyndin er
áhrifamikil; sviðið getur meðal
annars lyfst upp í allt að níutíu
gráðu halla sem gefur ansi
skemmtilega möguleika á ýmiss
konar líkamlegum kúnstum. Okkur
þótti þessi myndræni stíll hæfa
viðfangsefninu þar sem Biblían er
afskaplega myndræn frásögn.“
Frelsarinn veltir upp spurning-
um um stöðu trúarinnar í vest-
rænum samfélögum nútímans.
„Ég hef töluvert íhugað trúmál og
stöðu þeirra í nútímanum. Við
höfum gefið upp á bátinn trúna á
einhvern yfirnáttúrulegan guð, en
það er ekki þar með sagt að við
eigum okkur ekki frelsara. Í stað
trúarleiðtoga eru frelsarar nútím-
ans lýðræðislega kjörnir leiðtogar
okkar; við leitum til þeirra til þess
að leysa vanda okkar og marka
okkur stefnu. Stjórnmálamenn og
aðrir sem ná langt í lífinu eru fólk
sem kann að nýta hæfileika sína
og er einnig óhrætt við að láta
dálítið á sér bera. Það sama má í
raun segja um Jesús, en hann var
óragur við að nýta sér umtal fólks
og náði því að koma hæfileikum
sínum á framfæri,“ segir Kristján
að lokum. vigdis@frettabladid.is
Hver er frelsari okkar?
Hugljúf og kunn tónverk hljóma á
öðrum hádegistónleikunum sem
Listasafn Reykjavíkur heldur í
samstarfi við Tríó Reykjavíkur á
Kjarvalsstöðum í dag kl. 12. 15.
Að þessu sinni verða það þeir
Gunnar Kvaran og Peter Máté sem
flytja tónlistina en þriðji með-
limurinn, Guðný Guðmundsdóttir,
verður fjarri góðu gamni. Á efnis-
skrá tónleikanna verða verk eftir
Johannes Brahms, Sergeí Rakh-
manínov og Dímítríj Sjostakovitsj.
Tríó Reykjavíkur var stofnað
árið 1988 af Halldóri Haraldssyni
píanóleikara, Guðnýju Guðmunds-
dóttur fiðluleikara og Gunnari
Kvaran sellóleikara. Árið 1996 tók
Peter Máté píanóleikari við af Hall-
dóri. Á ferli sínum hefur tríóið
komið fram á fjölmörgum tónleik-
um víða um Ísland og einnig farið í
tónleikaferðir erlendis. Tríóið var
útnefnt tónlistarhópur Reykjavík-
urborgar fyrir árið 2007 og hlaut
þá jafnframt þriggja ára styrk frá
borginni til starfsemi sinnar.
Tónleikarnir fara fram í austur-
sal Kjarvalsstaða. Aðgöngumiðinn
kostar 500 kr. og gildir einnig á
myndlistarsýningar á Kjarvals-
stöðum, í Hafnarhúsi og í Ásmund-
arsafni í þrjá daga.
- vþ
Sígilt hádegi
FRELSARINN Líkamleg sýning sem veltir upp áleitnum spurningum.
490
Reykjavík SelfossMosfellsbærHafnarfjörðurKópavogur
Tilboð gildir til 25.11 2007
Menningarmiðstöð Hornafjarðar
birti um helgina auglýsingu í helstu
dagblöðum þar sem auglýst er eftir
verkum Svavars Guðnasonar, en
árið 2009 eru hundrað ár liðin frá
fæðingu hans. Áætlað er að gefa út
veglegt rit um feril hans og verk
og því á að ná saman heildarskrá
um verk hans eða catalogur
raisonne eins og slíkar skrár kall-
ast.
Eigendur verka eftir Svavar eru
hvattir til að hafa samband við Þor-
björgu Gunnarsdóttur hjá Menn-
ingarmiðstöðinni eða í síma 697
9649. Einnig má senda henni boð á
thorbjorgbr@gmail.com. Meðal
menningarþjóða er talið sjálfsagt
að ná saman heildstæðum skrám
um verk myndlistarmanna af
stærðargráðu Svavars. Þannig er
til stór skrá í nokkrum bindum um
feril Asgers Jorn, vinar hans og
samstarfsmanns, sem kom út í
Englandi fyrir fáum áratugum.
Víða er vöntun á slíkum heildar-
skrám. Þannig er ekki til heildar-
skrá um verk Munch en nú er verið
að safna þeim saman. - pbb
Heildarskrá Svavars
MYNDLIST
Svavar Guðnason listmálari
Dagana 22. nóvember til 2. desem-
ber verður ISCM-tónlistarhátíðin
haldin í Hong Kong. Er þetta ein-
hver stærsta tónlistarhátíð heims
og verður hún með sérlega glæsi-
legu sniði að þessu sinni. Verður
þar meðal annars flutt tónverkið
TROMMA eftir Áskel Másson, en á
hátíðinni verða flutt hátt á annað
hundrað tónverk eftir tónskáld frá
48 þjóðlöndum.
Verk Áskels var samið fyrir
Listahátíð í Reykjavík 2002 og
frumflutt þá, en síðan hefur verkið
heyrst víða: í Danmörku, Ísrael,
Sviss, Austurríki og hér heima í
flutningi ýmissa listamanna.
Tónlist Áskels hefur heyrst víða
að undanförnu, nefna má trompet-
konsertinn SHADOWS sem
fluttur hefur verið á Spáni,
í Austurríki, Þýskalandi
og Sviss og er hann
nýkominn út á disk í
flutningi trompet-
snillingsins Reinholds
Friedrich. Heitir disk-
urinn Brass 5.1 og er hann tekinn
upp í einstöku „surround“-hljóði.
Konsertþáttur Áskels var nýlega
fluttur af Fílharmóníusveitinni í
Rotterdam þar sem Evelyn Glennie
var einleikari, en Evelyn lék verkið
á DVD með Fílharmóníusveitinni í
Lúxemborg fyrir nokkru. Þessi
konsert auk þriggja annarra verka
Áskels hefur einnig verið leikinn á
alþjóðlegum keppnum hljóðfæra-
leikara í París, Stokkhólmi, Oporto,
München og á nokkrum stöðum í
Bandaríkjunum og Kanada.
Strengjaverkið Októ nóvember
var enn fremur flutt bæði í Tamp-
ere í Finnlandi og á tónleikaför
Lapin Kamariorkester í Þýskalandi.
Þessa dagana flytur Caput-hópur-
inn einnig verkið ELJA á tón-
leikum í Búkarest.
Í byrjun maí á næsta ári
verður svo frumflutt verk
hans ORA í Síbelíusar-
höllinni í Lahti af Kroum-
ata-hópnum og Sinfóníu-
hljómsveitinni í Lahti en
Osmo Vänskä mun stjórna
flutningnum. Tónleikarnir
verða tvennir, þann
7. og 8. maí. - pbb
Áskell í Kína
TÓNLIST Áskell Másson tón-
skáld en verk hans fara víða
um þessar mundir.