Fréttablaðið - 13.12.2007, Qupperneq 17

FIMMTUDAGUR 13. desember 2007 17
NEYTENDUR Aukning hefur orðið á
sjálfsinnritun Icelandair í
Leifsstöð. Í tilkynningu flug-
félagsins segir að þriðji hver
farþegi innriti sig sjálfur í flug og
sé það sérstaklega vinsælt meðal
þeirra sem fljúga mest.
Eitt og hálft ár er síðan
sjálfsinnritunarstöðvarnar voru
teknar í notkun. Í vélunum nægir
að stimpla inn bókunarnúmer og
renna í gegn greiðslukortinu og
tekur innritunin hálfa mínútu. - eb
Innritun á Leifsstöð:
Þriðji hver inn-
ritar sig sjálfur
ALMENNINGSÍÞRÓTTIR Íbúar í Foss-
vogi hafa afhent Degi B. Egg-
ertssyni borgarstjóra undir-
skriftalista með nöfnum hátt í
þrjú þúsund íbúa sem vilja sund-
laugarbyggingu í Fossvogsdal.
Í tilkynningu frá talsmönnum
áhugahóps um sundlaugina segir
að borgarstjóri hafi verið
jákvæður á fundinum og skýrt
frá því að komið hefði verið á fót
nefnd sem eiga myndi formlegar
viðræður við Kópavogsbæ um
málið. Kópavogsbær hefur
einnig fyrir sitt leyti skipað í hóp
til að ræða við Reykvíkinga um
málið.
„Það er því afar jákvætt að
málið skuli vera komið á svo
góðan rekspöl nú. Þá þykir sýnt
að stuðningur íbúa við byggingu
laugarinnar er mikill og ætti því
fátt að vera því til fyrirstöðu að
nú, 30 árum eftir að Fossvogur-
inn byggðist upp, fái hverfið loks
sundlaug,“ segir í tilkynningu
áhugahópsins.
Komið hefur fram hugmynd
um að láta græn sjónarmið ráða
við hönnun sundlaugarinnar.
Þannig verði til dæmis ekki
almenn bílastæði við laugina
heldur myndu gestir koma sér
þangað gangandi eða hjólandi.
Borgarstjórinn mun hafa tekið
vel í slík sjónarmið. - gar
Íbúar í Fossvogi skiluðu þrjú þúsund undirskriftum með áskorun til borgarstjóra:
Telja sundlaug loks vera í sjónmáli
BORGARSTJÓRI FÆR UNDIRSKRIFTIR Dagur B. Eggertsson tók á móti áskorun áhuga-
hóps um sundlaug í Fossvogi.
SKIPULAGSMÁL Fyrirhugað hverfi í
Urriðaholti hlaut 2. sætið í
úrslitum alþjóðlegra lífsgæða-
verðlaunanna LivCom að því er
segir í tilkynningu frá bæjaryfir-
völdum í Garðabæ.
„LivCom-verðlaunin eru veitt
með stuðningi Umhverfisstofnun-
ar Sameinuðu þjóðanna,“ segja
Garðbæingar um verðlaunin sem
afhent voru í London fyrr í
vikunni. „Urriðaholt hlaut 2.
sætið í sínum flokki vegna
áherslu skipulagsins á lífsgæði
með fjölbreyttri byggð, áherslu á
samfélagsumgjörð, góða nýtingu
landrýmis, samspil byggðar og
verndun umhverfis,“ segir í
tilkynningu. - gar
Lífsgæðaverðlaun í London:
Urriðaholt fékk
önnur verðlaun
URRIÐAHOLT Áhersla á vistvæna byggð.
SVEITARSTJÓRNIR Umhverfisnefnd
Álftaness vill að sveitarfélagið
tileinki sér svokallað grænt
skrifstofuhald. Segir umhverfis-
nefndin að í því felist meðal
annars innkaup á umhverfis-
merktum pappír, að allt prentefni
sé prentað á umhverfismerktan
pappír, pappírsnotkun minnkuð
eins og hægt sé, sorp frá öllum
stofnunum sveitarfélagsins sé
flokkað, að notuð séu umhverfis-
merkt hreinsiefni og minna af
þeim. Tillaga um þetta verður
lögð fyrir bæjarstjórn. - gar
Umhverfismál á Álftanesi:
Leggja til grænt
skrifstofuhald
Á ÁLFTANESI Umhverfisnefnd vill græna
stefnu. FRÉTTABLAÐIÐ/GVA
BRUSSEL, AP Samtök útlægra Írana
halda því fram að ekki sé rétt að
Íransstjórn hafi árið 2003 hætt að
vinna að því að koma sér upp
kjarnorkuvopnum eins og fullyrt
er í bandarískri leyniþjónustu-
skýrslu.
Mohammad Mohadessin,
talsmaður Þjóðarráðs íranskrar
andspyrnu (NCRI), sagði í
Brussel á þriðjudag að samtökin
hefðu fyrir því áreiðanlegar
heimildir að klerkastjórnin hefði
árið 2003 aðeins gert stutt hlé á
kjarnorkuvígvæðingaráætlun
sinni og hafist handa við hana af
fullum krafti aftur árið eftir.
- aa
Íranskir útlagar:
Kjarnorkuvíg-
væðingu ei hætt