Fréttablaðið - 13.12.2007, Qupperneq 58

13. DESEMBER 2007 FIMMTUDAGUR14 ● fréttablaðið ● norðurland
Möguleikamiðstöðin Rósen-
borg hefur komið sér vel fyrir í
Barnaskólanum á Akureyri. Þar
hittast bæjarbúar á öllum aldri
og leggja stund á tómstundir
og ýmsa símenntun.
„Í Rósenborg fer fram mjög fjöl-
breytt starfsemi. Hér má finna
tómstundaframboð fyrir alla
aldurshópa, námskeiðahald fyrir
grunnskólabörn auk þess sem
félagsmiðstöð unglinga úr þrem-
ur grunnskólum bæjarins heldur
til hér og alls kyns klúbbastarf-
semi tengd félagsmiðstöðvunum.
Síðan er hér einnig „Húsið“ sem
er upplýsinga- og menningarmið-
stöð fyrir ungt fólk á aldrinum
16-25 ára og æfingastarfsemi
hljómsveita,“ segir Katrín Rík-
arðsdóttir, jafnréttisráðgjafi og
framkvæmdastjóri samfélags- og
mannréttindadeildar Akureyrar-
bæjar, sem er í forsvari fyrir starf-
semi Rósenborg.
Þeir sem sækja námskeiðin eru
þó ekki bara börn og ungt fólk því
í Rósenborg er einnig Handverks-
miðstöðin Punkturinn þar sem bæj-
arbúum á öllum aldri gefst kostur
á að læra handverk. Einnig nefn-
ir Katrín, Menntasmiðju kvenna
og Menntasmiðju unga fólksins
auk Alþjóðastofu sem er upplýs-
ingaþjónusta fyrir útlendinga og
heldur einnig til í Rósenborg.
„Samfélags- og mannréttinda-
deild Akureyrarbæjar var stofn-
uð fyrir um það bil ári þegar sett
voru undir einn hatt tómstunda-
og æskulýðsmál, menntasmiðj-
ur, Alþjóðastofa, forvarnamál og
jafnréttismál. Rósenborg sem
slík var hins vegar tekin í notkun
árið 2005 og smám saman fluttust
þangað verkefnin sem við hýsum
í dag og voru að lokum samein-
uð í einni deild,“ segir Katrín.
Barnaskóli Akureyrar var áður
í Rósenborgarhúsinu sem var
tekið í notkun 1930 og stendur við
Eyrarlandsveg á Akureyri.
Nafnið Rósenborg vísar hins
vegar í hús sem stóð við skólann
fyrir ótal árum. Húsið reisti kona
að nafni Rósa sem bjó þar með
systur sinni sem hét Elínborg og
þaðan kom nafnið. Undirtitill-
inn „möguleikamiðstöð“ er hins
vegar hugarsmíð Þórgnýs Dýr-
fjörð, framkvæmdastjóra Akur-
eyrarstofu.
Katrín segir aðsókn í húsið
gríðarlega góða og það sé gaman
hve fjölbreytt starfsemi þrífist
saman.
„Hér getur oft verið mikið líf og
fjör á göngunum, ekki síst þegar
við erum með íslenskunámskeið
fyrir útlendinga, félagsmiðstöðin
með opið hús og hljómsveitir við
æfingar allt á sama tíma,“ segir
Katrín hlæjandi og segir nýjustu
tilraun Rósenborgar snúast um
að bjóða unglingum úr þremur
grunnskólum bæjarins að sækja
félagsmiðstöð í Rósenborg.
„Þessi tilraun gerir það að verk-
um að okkur tókst að ráða fag-
menntaðan starfsmann í fullt starf
til að stýra félagsmiðstöðinni og
höfum nú tækifæri til að bjóða
unglingunum miklu fjölbreyttari
þjónustu sem samanstendur af
opnum húsum og klúbbastarfi af
ýmsu tagi,“ segir Katrín.
Fram undan er skipulagning á
starfsemi fyrir vorönn og Katrín
segir að markmiðið sé að bjóða
enn frekara starf þar sem kyn-
slóðir geta mæst.
„Á góðum degi slagar fjöldi
gesta upp í hundrað manns. Hing-
að koma foreldrar, ömmur og afar
með börnum og unglinga sem er
sú þróun sem við viljum sjá. Að
hægt sé að flétta saman tilboð
fyrir fjölskylduna svo fjölskyldan
geti átt sér sameiginlegt áhuga-
mál ,“ segir Katrín.
rh@frettabladid.is
Kynslóðir mætast í borg rósanna
Talið frá vinstri: Bergljót Jónasdóttir, forstöðumaður tómstunda, Kristbjörg Magnadóttir, forstöðumaður handverksmiðstöðvar,
Katrín Björg Ríkarðsdóttir framkvæmdastjóri samfélags- og mannréttindadeildar og Kristján Bergmann Tómasson forstöðumað-
ur upplýsinga- og menningarmiðstöðvar ungs fólks.
Jahti Jakt grá
kr. 6900
North Ice Vida
kr. 6900
North Ice Vida ljósblá
kr. 6900
North Ice Wilma
kr. 6900
Jahti Jakt Camo
kr. 8500
North Ice Óðinn
kr. 8500
Frábær jólagjöf
Vatns og vindheldir Softshell fl ísjakkar frá
fi nnsku Jahti Jakt og North Ice
Icefi n
Nóatúni 17 • s:5343177
Opið í desember frá 10-18mán til fös 11-16 laug og sunnud
www.icefi n.is
North Ice Winter: Úlpa, buxur „superdry“ nærföt,
flís millilag, húfa, lúffur og trefill kr. 19.500.