Fréttablaðið - 05.01.2008, Side 28

[ ]
Það er eins gott að hafa
kaggann í lagi þegar farið er í
ferð upp á jökul með ferðafé-
laginu Útivist. Á föstudaginn
eftir tvær vikur er á döfinni að
leggja á brattann og aka um
fannbreiður Langjökuls hjá
Þjófakróki, að vísu að laugar-
dagsmorgni því á föstudags-
kvöldið verður gist í skála í
Kaldadal.
„Í gönguferðunum okkar eru skór
mælikvarði á erfiðleikastig ferð-
arinnar og þrír skór eru erfiðast-
ir. Eins er það með jeppaferðirn-
ar og ferðin upp á Langjökul er
svokölluð þriggja jeppa ferð,“
segir Bjarney Sigurjónsdóttir hjá
Útivist. „Þegar við förum í erfið-
ari ferðir sem þessar þá er ekki
mikið af börnum með því helst
eiga ekki að vera fleiri en einn til
tveir í hverjum bíl svo hægt sé að
sameina farþega í aðra bíla ef
eitthvað kemur upp á.“
Á jöklinum er keyrt þannig að
einn fararstjóri er aftastur á sinni
bifreið og fremst keyrir fyrirlið-
inn. Talstöðvar eru notaðar til að
tala milli bíla. Yfirleitt þurfa
jepparnir að vera á 38 tommu
dekkjum, en hvort jeppi sé nógu
vel búinn til að koma með í ferð
er háð mati fararstjóra hverju
sinni. Fararstjórinn skoðar þá bíl-
inn og metur. Mat og vistir þarf
fólk að taka með sér sjálft.
Skúli Skúlason framkvæmda-
stjóri Útivistar segir að í vetrar-
ferðum sem þessum eigi veðrið
stóran þátt í því hvort og hvernig
ferðin gangi fyrir sig. „Stundum
er keyrt í góðu færi og glampandi
sólskini alla helgina og ekkert
nema tóm hamingja en svo getur
það líka orðið þannig að menn
komi dauðþreyttir í bæinn á
mánudagsmorgni ef það hefur
gengið illa að komast yfir,“ segir
Skúli og bætir við að engin alvar-
leg óhöpp hafi nokkurn tímann
orðið í ferðunum. „Það eru nú allt-
af einhverjar festur en þá verður
bara næsti bíll að vera snöggur
með spottann. Sem betur fer
hefur ekki komið upp velta hjá
okkur.“
Eflaust er það mjög hressandi
að fara í svona jeppaferðir upp á
hvítan jökul í janúarmánuði, láta
púströrið blása, þyrla upp snjó og
sleppa undan eilífu hálfmyrkri
ljósastauranna í þéttbýlinu.
niels@frettabladid.is
Á jeppum upp á jökla
Í hverjum jeppa eiga helst ekki að vera nema einn til tveir svo hægt sé að flytja fólk
á milli bíla ef eitthvað kemur upp á.
Teppi er gott að hafa í bílum, sérstaklega yfir vetrarmán-
uðina. Ef einhverjum verður kalt er gott að hafa eitthvað að
breiða yfir sig.
KERRUÖXLAR
Í ÚRVALI
og hlutir
til kerru-
smíða
Vagnhöfða 7
110 Reykjavík
Sími: 517 5000
Smurþjónusta
fyrir allar gerðir bíla
Eigum olíusíur í flestar gerðir bíla
Komdu með bílinn til okkar!
Frábær verð og góð þjónusta!
Alltaf heitt á könnunni!
Nýjir Suzuki Grand Vitara Luxury diesel
Á GÓÐU VERÐI
Eigum til nokkra nýja diesel bíla
með öllum aukabúnaði
til sýnis og sölu á Bílasölu Reykjavíkur
s: 587-8888 og 860-1998