Fréttablaðið - 08.01.2008, Page 48

GÓÐAN DAG!
Sólarupprás Hádegi Sólarlag
Reykjavík
Akureyri
Heimild: Almanak Háskólans
SÍMANÚMER FRÉTTABLAÐSINS: 512 5000, fax: 550 5099 Ritstjórn: 512 5313, fax: 512 5301, ritstjorn@frettabladid.is
DREIFING: dreifing@posthusid.is Auglýsingadeild: auglysingar@frettabladid.is Veffang: visir.is
VIÐ SEGJUM FRÉTTIR SMÁAUGLÝSINGASÍMINN ER 512 5000
BAKÞANKAR
Karenar D.
Kjartansdóttur
Stúlka sem ég þekki leigði eitt sinn íbúð í litlu fjölbýlishúsi.
Framan af átti hún ánægjuleg sam-
skipti við aðra íbúa hússins, þá sér-
staklega gömlu konuna sem bjó í
risinu ásamt uppkomnum syni
sínum, sem sagt var að ekki væri
með öllum mjalla. Eftir að gamla
konan féll frá var vinkona mín þó
ekki eins sátt með íbúasamsetning-
una því eftir að rólegt hjal hennar
við mann og annan í stigaganginum
þagnaði byrjaði hópur skuggalegs
fólks að vafra um húsið. Eins og
gjarnt er með skuggaverur vöktu
þær helst á næturnar og einhverra
hluta vegna hurfu síur af vöskum í
sameiginlega þvottahúsinu og stöku
þvottur eftir að þær byrjuðu að líða
um húsið. Fólkinu fylgdi einnig
kynleg reykjarlykt sem fór í taug-
arnar á hinum.
KUNNINGJAKONA mín kallaði
þessar ágætu verur dópista og róna.
Það þóttu mér ljót heiti yfir jafn
skondin fyrirbæri. Ég reyndi að
útskýra fyrir henni að hún misskildi
skemmtilegheit tilverunnar ger-
samlega. Það væri deginum ljósara
að þetta fólk væri af kyni álfa, lík-
lega væri það búálfar. Flest af því
gegndi jú nöfnum sem ekki væru
skráð í þjóðskrá, til þess bærist
aldrei hefðbundinn póstur, það hefði
ólæti um nætur og léti smáhluti
hverfa. Af takmarkaðri þekkingu
minni á frásögnum af samskiptum
íbúa Bretlandseyja og búálfa sagði
ég henni að besta ráðið væri að gefa
þeim eitthvað að éta.
RÁÐLEGGING mín gekk eftir.
Skömmu seinna hvarf bjórkippa
sem stúlkan hafði geymt fyrir utan
útidyrnar hjá sér til kælis. Um það
bil viku síðar barði tötrum klæddur
maður upp á hjá henni og viður-
kenndi að hafa tekið kippuna. Vildi
hann launa greiðann og bauðst til
að gera við þvottavélina hjá henni í
staðinn; hann hefði heyrt í henni
undarleg hljóð sem hann gæti kippt
í liðinn, fengi hann lánuð til þess
verkfæri.
NÝLEG könnun á vegum félags-
vísindadeildar Háskóla Íslands
sýnir að trú á huldufólk lifir enn
góðu lífi á Íslandi. Ég er stolt af því
að íslenska þjóðin hafni ekki til-
veru ósýnilegs veruleika. Oft finnst
mér þó heldur klént að það haldi að
hulduverurnar hafi ekki tekið nein-
um stakkaskiptum með okkur á leið
inn í nútímann. Eru ekki allar líkur
á því að huldufólk hafi flutt út úr
hólum á sama tíma og forforeldrar
okkar fluttu úr torfbæjum og í
venjuleg hús. Í stað þess að búa á
annarri hæð, eins og til dæmis ég,
ætti það að búa á þriðju og hálfu
hæðinni eða öðrum ógreinilegum
kima. Nú eða í einhverju hús númeri
sem pósturinn hefði ekki á skrá.
Bara rétt hjá okkur en aðeins fyrir
utan viðurkenndan veruleika hins
opinbera.
Ógæfuálfarnir
Í dag er þriðjudagurinn
8. janúar, 8. dagur ársins.
11.10 13.34 15.58
11:20 13.19 15.18
KIA • Laugavegi 172 • Reykjavík • s ími 590 5700 • www.kia. is
Nú með vetrardekkjum og dráttarbeisli
FULLBÚINN
ALVÖRUJEPPI
3.645.000 kr.
KIA umboðið á Ís landi er í e igu HEKLU
Umboðsmenn HEKLU um land allt: Akureyri · Akranesi · Ísafirði · Reyðarfirði · Reykjanesbæ · Selfossi
• 5 þrepa sjálfskipting • Hátt og lágt drif
• ESP-stöðugleikastýring • Ný og glæsileg innrétting
• 16" álfelgur • Vindskeið og þokuljós
• Öflug 170 hestafla dísilvél • Hraðastillir (Cruise Control)
• Þakbogar • 3.500 kg dráttargeta
Fullbúinn alvörujeppi með ríkulegum staðalbúnaði
KIA Sorento
Sorento hefur slegið í gegn um allan heim og eignast dygga fylgismenn á Íslandi.
Það er ekki að ástæðulausu að Sorento er orðinn einn vinsælasti jeppi landsins,
enda líklega bestu jeppakaupin í dag.
Vetrardekk og dráttarbeisl fylgja með.