Fréttablaðið - 17.01.2008, Blaðsíða 10

10 17. janúar 2008 FIMMTUDAGUR
NÆTURVAKTIN
Á DVD
NÆTUR-
VAKTIN
allir 12 þættirnir
á 2 diskum troðfullir af
aukaefni; tilurð þáttanna
/ upptökur frá spunum,
gerð næturvaktarinnar
og yfirlestur
(commentary)
frá höfundum
og aðalleikurum.
Eigum við
að ræða
það eitthvað?
2
DVD
BANDARÍKIN, AP Kosningabarátta repúblikana
um forsetaefni flokksins næsta haust er enn
opin upp á gátt eftir að Mitt Romney sigraði
í forkosningum í Michigan á þriðjudag.
Sigur Romneys var þó minni en hann
vonaðist til, því hann er sjálfur frá Michigan
og á þar stóran hóp stuðningsmanna.
Þrír frambjóðendur hafa þá unnið sigur í
jafnmörgum ríkjum nú í fyrstu törn
forkosninga Repúblikanaflokksins, þar sem
sigur Romneys kemur beint í kjölfarið á
sigri Mike Huckabee í Iowa og John McCain
í New Hampshire.
Þessi staða, þar sem þrír frambjóðendur
standa jafnir, þykir auk þess hálfgildings
sigur fyrir fjórða frambjóðandann, Rudy
Giuliani, því hann lagði enga áherslu á
þessar fyrstu forkosningar og hefði átt
erfiðara með að takast á við einn sterkan
mótherja úr þeim en þrjá.
Skoðanakannanir sýna að þessir fjórir
standa nokkurn veginn jafnt að vígi í
Flórída, einu fjölmennasta ríki Bandríkj-
anna, þar sem forkosningar verða 29.
janúar.
Næstu forkosningar repúblikana verða
hins vegar í Suður-Karólínu nú á laugardag-
inn, og þar ætlar fimmti frambjóðandinn,
Fred Thompson, að blanda sér í slaginn af
fullri alvöru.
Enginn þessara fimm frambjóðanda
virðist eiga sigurinn vísan, og telja frétta-
skýrendur það sýna að minni eining verði
fyrir vikið í röðum repúblikana um þann
sem á endanum verður valinn forsetaefni
flokksins. - gb
Lítil samstaða um forsetaefni meðal kjósenda Repúblikanaflokksins:
Barátta repúblikana er opin upp á gátt
MITT ROMNEY FAGNAR SIGRI Í MICHIGAN Hefur sterka
stöðu eftir að hafa lent ýmist í fyrsta eða öðru sæti í
öllum forkosningum til þessa.
NORDICPHOTOS/AFP
SPÁNN, AP Þjóðsöngur Spánar
verður áfram án orða þar sem
sátt hefur ekki náðst um nýjan
texta.
Spænska ólympíunefndin efndi
í sumar til samkeppni um texta
við þjóðsönginn og bárust sjö
þúsund tillögur. Ein þeirra varð
hlutskörpust og átti söngvarinn
Placido Domingo að frumflytja
nýja textann við hátíðlega athöfn
á mánudaginn kemur.
Þeirri athöfn hefur hins vegar
verið frestað vegna deilna sem
spruttu um nýja textann.
Ýmislegt í textanum, ekki síst
upphafsorðin „Viva Espana“, eða
„Lifi Spánn“, þykja minna á texta
sem sunginn var við lagið á
tímum Franco-stjórnarinnar. - gb
Spánverjar hafna nýjum texta:
Áfram deilt um
þjóðsöng Spánar
HLÝTT Á ÞJÓÐSÖNGINN Jóhann Karl
konungur og Soffía drottning.
NORDICPHOTOS/AFP
SKIPULAGSMÁL Umhverfisstofnun
fór út fyrir valdsvið sitt þegar
hún synjaði jarðeigenda í Skáley
á Breiðafirði um leyfi til að
byggja frístundahús.
Umhverfisstofnun byggði á
ákvæði í lögum um verndun
Breiðafjarðar að þar sem ekki
væru skipulagsáætlanir fyrir
hendi þyrfti leyfi stofnunarinnar
fyrir mannvirkjum. Umhverfis-
stofnun benti einnig á að eitt
besta arnarsetur á Íslandi væri í
Skáley. Umhverfisráðuneytið
segir hins vegar að í gildi sé
svæðisskipulag Dala og Austur-
Barðastrandasýslu sem nái til
eyjunnar. Því sé felld úr gildi-
synjun Umhverfisstofnunar á
leyfi fyrir frístundahúsinu. - gar
Frístundahús í Breiðafirði:
Ógild synjun
byggingarleyfis
Spurt um heilsugæslu
Álfheiður Ingadóttir VG hefur lagt fram
fyrirspurn til heilbrigðisráðherra um
hve margir höfuðborgarbúar séu án
heimilislæknis. Einnig hvernig ráðherra
hyggist bregðast við aukinni þörf fyrir
þjónustu heilsugæslustöðva.
ALÞINGI
Hirða enn jólatré
Vegna áskorana stendur Borgarbyggð
fyrir síðbúinni hreinsun jólatrjáa föstu-
daginn 18. janúar og mánudaginn 21.
janúar. Á heimasíðu sveitarfélagsins
eru íbúar beðnir að setja ekki jólatré út
á gangstéttar eftir þennan tíma.
BORGARBYGGÐ
ÞRÖNG Á ÞINGI Meðlimir hópsins
„Trop c´est trop” sem gæti útlagst „Of
mikið, þetta er of mikið,” fjölmenntu
inn í símaklefa við fangelsissjúkrahús
í París 15. janúar. Tilgangurinn var að
mótmæla því hve margir fangar eru
látnir vera í hverjum klefa.
NORDICPHOTOS/AFP
FÓLK Um 38 umferðarslys höfðu
verið tilkynnt til lögreglu á höfuð-
borgarsvæðinu um kvöldmatar-
leytið í gær. Mest voru þetta minni
háttar umferðaróhöpp. Einnig
sátu bílar, stórir sem smáir, fastir
og töfðu umferð. Um klukkan sex
í gærkvöldi var lögreglan enn að
reyna að greiða úr umferðinni
sem fór úr böndunum þegar fólk
var að reyna að komast heim í
snjóþyngslunum.
Nóg var að gera hjá Vöku björg-
unarfélagi en um 50 útköll bárust í
gær frá ökumönnum sem fest
höfðu bíla sína eða þeir bilað. Að
sögn Bjarna Ingólfssonar hjá Vöku
er einnig nóg að gera á hjólbarða-
verkstæði þeirra. „Svo virðist sem
fólk hafi dregið það í lengstu lög
að koma bílum sínum á almenni-
leg vetrardekk,“ segir hann.
En á meðan veðrið setur hvers-
daglífið úr skorðum hjá einum
opnar það möguleika hjá öðrum.
Til dæmis hafa ungir knattspyrnu-
menn iðkað íþróttina á klaka- og
snjólagðri Tjörninni. En vetrar-
leikirnir eru ekki hættulausir eins
og sannaðist í Austurbæjarskóla
þar sem fjórtán ára drengur lá
meðvitundarlaus eftir að hafa
fengið snjóbolta í höfuðið skömmu
eftir hádegi í gær.
Ljósmyndarar Fréttablaðsins
fylgdust með mannlífinu í höfuð-
borginni í gær og tóku þessar
myndir af fólkinu í vetrarham.
jse@frettabladid.is
Vetur konungur ber
að dyrum með látum
Landsmenn virðast vera komnir úr æfingu í glímu sinni við Vetur konung, sem
hefur verið mjúkhentur á síðustu árum en hefur hert takið undanfarna daga. Um-
ferð fór úr böndunum og drengur lá óvígur eftir að hafa fengið snjóbolta í höfuðið.
FER EKKI STRÆTÓ AÐ KOMA? Umferð fór úr böndunum í snjóþunganum í gær. Þeir sem treysta á strætó fengu að finna fyrir því
rétt eins og ökumenn. FRÉTTABLAÐIÐ/AUÐUNN
KNATTSPYRNUKAPPAR Á KÖLDUM KLAKA Meðan snjórinn setti líf sumra úr skorðum
opnaði hann nýja möguleika fyrir aðra eins og þessa knattspyrnukappa sem sýndu
tilþrif sín á ísilagðri Tjörninni. FRÉTTABLAÐIÐ/AUÐUNN
KALDIR KRAKKAR Yngstu kynslóðirnar
láta ekki Vetur konung slá sig út af lag-
inu og leika sér við þær aðstæður sem
hann býður upp á. FRÉTTABLAÐIÐ/ARNÞÓR
SKAUTAÐ Í UMFERÐINNI Verulega reyndi
á þolrif ökumanna í gær en bílarnir
virtust vilja fara eigin leiðir í færðinni í
gær, ef þeir fóru þá eitthvað.
ÞEIR ÞEYTA SNJÓINN Þetta tæki hefur
ekki talist þarfasti þjónn undanfarin ár
en það reyndi mikið á það í gær.
FR
ÉT
TA
B
LA
Ð
IÐ
/A
R
N
ÞÓ
R
FR
ÉT
TA
B
LA
Ð
IÐ
/A
R
N
ÞÓ
R