Fréttablaðið - 17.01.2008, Blaðsíða 59
42 17. janúar 2008 FIMMTUDAGUR
Brúðguminn, ný íslensk kvikmynd í leik-
stjórn Baltasars Kormáks, verður frum-
sýnd í sjö sölum á morgun.
„Þetta er ljúfsár kómedía,“ segir Baltasar, „um
mann á miðjum aldri sem tekur upp á því að giftast
tvítugri stelpu. Myndin er um vandræðalegar
uppákomur sem verða til í kringum brúðkaupið úti í
Flatey og svo bara um lífið, tilveruna og hamingju-
leitina – þá hálf vonlausu leit.“
Brúðguminn er fimmta kvikmyndin sem Baltasar
leikstýrir. Hinar eru Mýrin, A Little Trip to Heaven,
Hafið og 101 Reykjavík. „Allar þessar myndir voru
frekar dökkar og drungalegar, en þessi er björt og
falleg og vonandi mannlegri og hlýrri. Það er ögn
meiri bjartsýni í henni en hinum, en hún er kannski
ekkert svakalega björt.“
Myndin er lauslega byggð á leikritinu Ívanov eftir
Tsjekhov, sem sami leikhópur setti upp í Þjóðleik-
húsinu fyrir jólin. „Við byrjuðum að spá í þetta í
janúar í fyrra og reyndum að koma auga á það hvað
í þessu 120 ára leikriti væri áhugavert fyrir okkur í
nútímanum. Leikritið var í sjálfu sér bara grind og
handritið sem við Ólafur Egilsson skrifuðum
stendur alveg eitt og sér. Leikritið fjallar meira um
almennt þunglyndi en hjá okkur er verið að skoða
þessa svokölluðu miðaldurskreppu sem vill hellast
yfir menn um fertugt. Þegar menn líta til baka og
sjá að draumarnir hafa ekki alveg ræst, bæði hvað
varðar starfið og sambandið.“
Myndin var tekin upp úti í Flatey síðasta sumar.
„Við fengum bongóblíðu og þetta var einstakur tími.
Tökur stóðu yfir í rúmlega mánuð og við vorum út af
fyrir okkur. Hópurinn vann mjög þétt saman. Það
sköpuðust eiginlega útópískar aðstæður til kvik-
myndagerðar. Í þessari fjarlægð frá sínu daglega
lífi varð fólk nánast eins og áhyggjulausir unglingar
aftur. Myndin er óður til íslensku sumarnæturinnar
og ég man ekki eftir því að björtu nóttunum okkar
hafi áður verið gert jafn hátt undir höfði í bíómynd.“
Landslið íslenskra leikara fer með hlutverk í
myndinni. Hilmir Snær Guðnason leikur Jón,
miðaldurskreppta manninn sem ætlar að giftast
tvítugu krúttkynslóðarstelpunni Þóru, leikinni af
Laufeyju Elíasdóttur. Margrét Vilhjálmsdóttir leikur
Önnu, fyrri konu Jóns, sem þjáist af geðhvarfasýki.
Aðrir helstu leikarar eru Ólafur Darri Ólafsson,
Ólafía Hrönn Jónsdóttir, Jóhann Sigurðarson,
Þröstur Leó Gunnarsson, Ilmur Kristjánsdóttir og
Ólafur Egill Egilsson. - glh
Óður til sumarnæturinnar
BJARTASTA MYNDIN TIL ÞESSA Brúðgumi Baltasars er ljúfsár
kómedía.
LAUFEY ELÍASDÓTTIR Fulltrúi krúttkynslóðarinnar.
HÁVAÐAROK Í FLATEY Hilmir missir allt út úr höndunum.
Sjálfur 007, Daniel Craig, er hæstánægð-
ur með nýju Bond-píurnar, þær Olgu
Kurylenko frá Úkraínu og Gemmu Art-
erton. Tökur á nýrri Bond-mynd eru
hafnar og virðist Craig vera ánægður
með gang mála. „Olga og Gemma eiga
eftir að vera frábærar. Þær eru báðar
mjög kynþokkafullar, sem er mjög gott
mál. Olga er aðal Bond-stúlkan í myndinni
en Gemma er ekki síður mikilvæg,“
sagði hann.
Þrátt fyrir að vera að leika
í sinni annarri Bond-mynd
segist Craig ennþá vera
pínulítið taugaveiklaður
vegna hlutverksins. „Ég er ekkert
minna stressaður núna en áður.
Ég veit ekki hvort ég verð
nokkurn tímann alveg róleg-
ur yfir þessu. Það er ekki
eins og þrýstingurinn
minnki þegar þú leikur í
tólf milljarða króna mynd.
Hann er augljóslega til
staðar. Við verðum að
reyna að gera jafngóða
eða betri mynd en síð-
ast og það skiptir öllu
máli.“
Craig ánægður með Bond-píurnar
GEMMA ARTERTON Gemma
og Olga eru báðar mjög
kynþokkafullar að mati
Daniels Craig.
OLGA
KURYL-
ENKO Craig
er ánægður
með aðal
Bond-stúlk-
una.
DANIEL CRAIG Craig er virkilega
ánægður með báðar Bond-
stúlkurnar.
„Óvinur vina minna er vinur minn,“
er hættulegt hugarfar. Það er sú
hugmynd sem hefur fengið Banda-
ríkin til að styðja einræðisherra
víða um heim undir því yfirskini að
vera að berjast við kommúnista, og
kommúnista á Vesturlöndum til að
styðja Stalín og Maó undir því yfir-
skini að berjast við Bandaríkin.
Saga lögfræðingsins Jacques
Vergés er ágætis stúdía í því
hvernig þetta hugarfar verður ofan
á. Hann er af hálf-frönsku og hálf-
víetnömsku ætterni, og varð vitni
af því í æsku hvernig nýlendubúar
voru látnir skríða fyrir nýlendu-
herrunum. Af þeim ástæðum styð-
ur hann Alsíringa í frelsisbaráttu
sinni og gerist lögfræðingur
alsírskra uppreisnarmanna, eða
hryðjuverkamanna, eftir því
hvernig á það er litið. Í framhald-
inu fer hann að verja palestínska
hryðjuverkamenn og að lokum
Klaus Barbie, nasista sem bar
ábyrgð á fjöldamorðum í Lyon í
stríðinu.
Leikstjórinn Barbet Schröder
hefur undanfarið gert Hollywood-
myndir eins og Single White
Female, en leikstýrði snemma á
ferlinum heimildamynd um Idi
Amin.
Vergés er áhugaverður maður,
og greinilega eldklár, en erfitt er
að hafa samúð með honum. Fyrir
utan þá hugmyndafræði sína að
vera á móti heimsvaldastefnu, sem
leiðir hann á endanum í þær ógöng-
ur að styðja nasismann, er augljóst
að það er leikurinn sjálfur sem
helst heillar Vergés. Hann segir
stoltur frá því þegar hann stendur
einn andspænis 40 lögfræðingum
og setur ofan í við þá. Eins og hjá
aristókrötunum í kvikmyndinni
Ridicule er það að vera klár í sjálfu
sér meira atriði en spurningar um
rétt eða rangt.
Vandamál myndarinnar er
kannski helst það að hún virðist
fyrst og fremst ætluð fyrir franska
áhorfendur sem þekkja líklega
betur til mannsins. Hún er því ekki
yfirlit yfir mjög svo áhugaverðan
feril Vergés, og hlutir eins og
Barbie-réttarhöldin, vörn hans
fyrir Omar Bongo og Milosevic, og
vinátta hans við gamla skólafélag-
ann Pol Pot fá litla eða enga athygli.
Miklu púðri er hins vegar eytt í að
sýna fram á tengsl hans við hryðju-
verkamanninn „Carlos sjakala“
svo að myndin fer á stundum að
minna meira á réttarhöld með
endalausum nöfnum og vísunum í
skýrslur. Valur Gunnarsson
Okkar skíthæll
KVIKMYNDIR
Lögmaður hryðjuverkanna
(L’Avocat De La Terreur)
Leikstjóri: Barbet Schröder
Sýnd á Franskri kvikmyndahátíð í
Háskólabíói.
★★★
Lögmaður hryðjuverkanna er áhuga-
verð saga. Þegar allt kemur til alls er
hún þó ekki nógu vel sögð.
Bandaríska kvikmyndaakademían
tilkynnti í vikunni hvaða níu mynd-
ir myndu berjast um tilnefningu
sem besta erlenda myndin. Og er
óhætt hægt að segja að val hennar
hafi komið mörgum kvikmynda-
spekúlantinum í opna skjöldu.
Helen O’Hara, blaðakona á
Empire, gerir val Akademíunnar
að umtalsefni á heimasíðu kvik-
myndatímaritsins og segir margt
bogið við valið.
Hún rifjar upp að
þessi verðlauna-
flokkur hafi
eigin lega verið
skandall frá
upphafi til enda
þetta árið.
Þannig hafi
ísraelsku kvikmynd-
inni The Band’s Visit verið
meinuð þátttaka sökum þess
að of mikið af ensku hafi
heyrst í henni. Þá hafi
Diving Bell and the
Butterfly ekki viljað vera
með, að ekki sé minnst á
Lust, Caution eftir Ang
Lee en henni var vísað frá
keppni sökum þess að ekki var
nægjanlega mikið af starfs-
fólki myndarinnar frá Kína.
En blaðakonan O’Hara segir
þetta allt gleymast þegar horft er
til þeirra mynda sem Akademían
gekk framhjá og komust ekki einu
sinni á blað. Þar fari fremst í flokki
Four Months, Three Weeks, Two
days eftir rúmenska leikstjórann
Christian Mungia sem sópaði að
sér verðlaunum á síðasta ári en
hlýtur af einhverjum óskiljanleg-
um ástæðum ekki náð fyrir augum
Akademíunnar. „Getur það verið
að Bandaríkjamenn fái í magann
við það eitt að sjá mynd um
fóstureyðingar?“ spyr
Helen. Þar að auki nefnir
hún frönsku teiknimynd-
ina Persepolis og spænsk/
mexíkósku myndina
The Orphanage.
Kvikmynd Baltasars
Kormáks, Mýrin,
komst ekki í hóp
hinna útvöldu en
hún var framlag
Íslands.
- fgg
Skandall skekur
Akademíuna
MUNGIA Kvikmynd þessa
rúmenska leikstjóra hefur
fengið mikið lof og sópað að
sér verðlaunum.
Tvær kvikmyndir verða frumsýnd-
ar um helgina auk Brúðgumans og
Atonement. Fyrst ber að nefna aðra
myndina um baráttu Predator og
Alien um jörðina sem byggð er á
frábærum tölvuleikjum. Fyrsta
myndin þótti ekkert meistarastykki
en númer tvö lofar hins vegar góðu.
Í það minnsta var seinni tölvuleik-
urinn mikið mun betri og þurfti
sterkar taugar leikmanna til að
berja niður geimverurnar. Hin
myndin er lauflétt gamanmynd
með sjálfum Rock í aðalhlutverki
og heitir The Game Plan. Fyrrum
fjölbragðaglímuhetjan leikur þar
ruðningskappa sem lifir hinu ljúfa
lífi og telur sig vera í paradís hinna
ábyrgðarlausu þegar hann upp-
götvar að hann á átta ára gamla
dóttur. Og sú krefst þess að fá að
eyða tíma með föður sínum.
Geimverur og Rock
SKRÍMSLIN SNÚA AFTUR
> HARRY POTTER Í TVENNT
Eins og kom fram í Fréttablaðinu í
gær er líklegt að síðasta bókin um
Harry Potter verði tvær kvikmyndir.
Og nú virðist allt benda til þess að
Warner Bros. hyggist fá stórstjörnu til
að leikstýra verkinu og þar hefur nafn
Stevens Spielberg oftast verið nefnt.
bio@frettabladid.is