Fréttablaðið - 17.01.2008, Blaðsíða 6

6 17. janúar 2008 FIMMTUDAGUR
FÉLAGSMÁL „Ef einhver ber hér
ábyrgð þá erum það við og engir
aðrir,“ segir Garðar Sverrisson,
formaður hússjóðs Öryrkjabanda-
lagsins (ÖBÍ), um dauðaslys sem
varð eftir að íbúi með framheila-
skaða lést í fyrra af brunasárum
sem hann hlaut inni á baðherbergi
sínu í Hátúni.
Í harðorðri greinargerð Sigur-
steins Mássonar, fyrrverandi for-
manns ÖBÍ, um aðstæður í Hátúni
segir að öryggismál hafi verið í
ólestri. Tvívegis hafi hann hvatt
til að settir yrðu hitastillar inni á
baðherbergi allra íbúða. „Ekki var
aðhafst í málinu fyrr en eftir
slysið,“ segir Sigursteinn.
Helgi Hjörvar alþingismaður
var formaður hússjóðs ÖBÍ á þeim
tíma sem greinargerð Sigursteins
vísar í en sjóðurinn fer með
umsjón fasteigna þess.
„Samkvæmt mínum upplýsing-
um var búið að skipta um hita-
stýrð blöndunartæki í 200 af 240
íbúðum og fjárveiting komin til að
ljúka verkinu þegar þetta hörmu-
lega slys varð síðastliðið sumar.
Það breytir ekki því að ef einhver
ber hér ábyrgð þá erum það við og
engir aðrir,“ segir Garðar.
Í greinargerðinni gagnrýnir
Sigursteinn líka að tvívegis frá
árinu 2005 hafi það gerst að fólk
hafi verið látið í íbúðum sínum svo
vikum skipti áður en þess var vitj-
að. Þó hafi ekki verið gripið til
ráðstafana. Í fyrra málinu hafi
stjórnarmenn hússjóðsins ekki
sent samúðarskeyti til ættingja
heldur aðeins reikning fyrir nýrri
málningu auk húsaleigureiknings.
„Hvað varðar þennan líkfund þá
er hann fjarri því að vera eins-
dæmi í okkar
samfélagi en er
auðvitað sorg-
legur eins og
aðrir slíkir. En
það er ekki upp-
byggilegt að
nota svona
harmleiki til að
varpa sök á
leigusala sem
hefur takmark-
að vald til að
fylgjast daglega með leigjendum
sínum. Við verðum að átta okkur á
að hér er um að ræða einkaheimili
sjálfstæðra einstaklinga sem hafa
síðasta orðið um hvort og þá
hversu mikla þjónustu, eftirlit og
önnur afskipti þeir kjósa,“ segir
Garðar um ummæli Sigursteins.
„Eins og fleiri er ég fyrst og
fremst hissa á hve dökk og ein-
hliða mynd er dregin upp í þess-
ari skýrslu, sem greinilega var
ætlað að valda skyndilegu upp-
námi rétt áður en gengið var til
atkvæða í viðkvæmu og vand-
meðförnu máli,“ segir Garðar enn
fremur.
Helgi Hjörvar vill ekki tjá sig
um greinargerð Sigursteins.
karen@frettabladid.is
Það breytir ekki því að ef
einhver ber hér ábyrgð þá
erum það við og engir aðrir.
GARÐAR SVERRISSON
FORMAÐUR HÚSSTJÓRNAR ÖBÍ
STJÓRNMÁL Þingmenn lands-
byggðar kjördæmanna þriggja –
Norðvestur-, Norðaustur- og
Suður kjördæma – fá senn starfs-
menn sér til aðstoðar við þing-
störfin. Um leið fá formenn
stjórnarandstöðuflokka á Alþingi
aðstoðarmenn. Fyrirætlanin er
hluti af aðgerðum til að bæta
starfs aðstöðu þingmanna.
Sturla Böðvarsson, forseti
Alþingis, segir unnið að mótun
reglna um aðstoðarmennina og
að lokahönd verði senn lögð á
verkið. Hann segir stefnt að því
að aðstoðarmennirnir geti hafið
störf í mars.
Hver og einn þingmaður fær
aðstoð sem nemur einum þriðja
af stöðugildi. Þrír samflokks-
menn í sama kjör-
dæmi gætu því
sameinast um
aðstoðarmann.
Eins og nú háttar
til fá 22 þing-
menn og þrír
flokksformenn
aðstoðarmann.
Aðstoðarmenn-
irnir verða á
launaskrá Alþing-
is.
Aðrar aðgerðir sem miða að
bættri starfsaðstöðu þingmanna
eru til dæmis fjölgun ritara við
nefndasvið Alþingis og aukin
tækifæri þingmanna til að fylgj-
ast með framvindu Evrópumála,
meðal annars með heimsóknum
til stofnana Evrópusambandsins
og systurflokka í Evrópuþinginu.
Eitt hundrað milljónum var
varið til breytinga á þingsköpum
og bættrar starfsaðstöðu þing-
manna á fjárlögum ársins.
- bþs
Reglur um aðstoð við þingmenn og formenn stjórnarandstöðuflokka í mótun:
Þingmenn fá aðstoðarmenn í mars
STURLA
BÖÐVARSSON
AÐSTOÐARMENN
Ráðherrar 12
Formenn stjórnarandst.fl. 3
Landsbyggðarþingm. 7
DÓMSMÁL Héraðsdómur Norður-
lands eystra hefur dæmt nítján
ára karlmann í hálfs árs skilorðs-
bundið fangelsi fyrir líkamsárás.
Maðurinn nefbraut annan mann
með hnefahöggi í miðbæ
Akur eyrar um verslunarmanna-
helgina 2006. Árásin átti sér stað
í hópslagsmálum á Ráðhústorgi.
Árásarmaðurinn braut skilorð
með líkamsárásinni og því var
hæfileg refsing ákveðin sex
mánuðir skilorðsbundnir til
þriggja ára. Auk þess var hann
látinn greiða fórnarlambinu
130.000 krónur í bætur og
200.000 krónur í sakarkostnað.
- sþs
Sex mánuðir skilorðsbundnir:
Nefbraut mann
á Ráðhústorgi
ÞÝSKALAND, AP Bolur með áprent-
aðri gulri Davíðsstjörnu sem á
stendur „reykingamaður“ til að
líkja meðferð á
reykingamönn-
um við meðferð
á gyðingum á
tímum nasism-
ans hefur vakið
mikla reiði
meðal gyðinga í
Þýskalandi.
Í byrjun árs
var innleitt
reykingabann á
veitingastöðum og börum í
nokkrum þýsku sambandsland-
anna. Mánuði fyrr hóf viðburða-
fyrirtækið DMP að bjóða bolina til
sölu á vefsíðu sinni. Varaforseti
Samtaka gyðinga í Þýskalandi
fordæmdi bolina og í kjölfarið
hætti DMP sölu þeirra. - sdg
Reiði meðal þýskra gyðinga:
Davíðsstjarna
reykingamanna
JAPAN, AP Paul Watson, leiðtogi Sea
Shepherd-samtakanna, krafðist
þess í gær að tveim skipverjum
hans sem er haldið um borð í
japönsku hvalveiðiskipi yrði
sleppt tafar- og
skilyrðislaust.
Mennirnir
tveir fóru um
borð í hvalskip-
ið Yushin Maru
2 í fyrradag.
Saka Japanarnir
þá um að hafa
reynt að vinna
spellvirki um
borð í skipinu.
Watson segir að hans menn hafi
aðeins ætlað að afhenda skipstjóra
skipsins tilkynningu um að hann
væri að stunda ólöglegar veiðar.
Watson hét frekari aðgerðum til
að stöðva veiðarnar. - aa
Watson í stríði við Japana:
Krefst frelsis
fyrir skipverja
PAUL WATSON
Fiskislóð 1 • Sími 580 8500 • www.ellingsen.is
Tryggvabraut 1–3, Akureyri • Sími 460 3630
Opið mánud.–föstud. 10–18, laugard. 10–16 og sunnud. 12-16
Risaútsa
la
Allt að
afsláttur af
fatnaði
70%
TB
W
A
\R
EY
K
JA
V
ÍK
\S
ÍA

DAVÍÐSSTJARNA
Nasistar létu gyð-
inga ganga með
Davíðsstjörnu.
Finnst þér að læknar eigi að
manna neyðarbíl Landspítal-
ans?
Já 90%
Nei 10%
SPURNING DAGSINS Í DAG:
Óttast þú að gengi krónunnar
falli á næstunni?
Segðu skoðun þína á visir.is
KENÍA, AP Tveir létust eftir að lög-
regla skaut þá og sex særðust í gær
á fyrsta degi þriggja daga skipu-
lagðra fjöldamótmæla stjórnar-
andstöðunnar í Kenía. Stjórnar-
andstöðuleiðtoginn Raila Odinga
boðaði til mótmælanna þrátt fyrir
að stjórnvöld hefðu sett bann við
mótmælum eftir mikið mannfall í
óeirðum í kjölfar kosninganna 27.
desember síðastliðinn. Odinga
sakar forsetann, Mwai Kibaki, um
að hafa rænt hann kosningasigrin-
um með kosningasvindli.
Rigningarveður sem var víða í
Kenía í gær dró úr mótmælunum.
Hópur fólks kastaði steinum í lög-
regluna í einu fátækrahverfa
höfuðborgarinnar Naíróbí og í
bænum Kisumu í vesturhluta
landsins. Annars staðar fóru mót-
mælin friðsamlega fram og voru í
flestum tilfellum brotin á bak aftur
af lögreglu.
Í Naíróbí eltu lögreglumenn á
hestum smáa hópa mótmælenda
niður götur í miðbænum. Þegar
táragasi var beitt lokuðu fyrirtæki
á svæðinu skjótt og þúsundir
skelfdra skrifstofumanna í jakka-
fötum og á háum hælum þustu út á
göturnar. Sumir lýstu gremju sinni
á mótmælunum með því að hrópa
„farðu heim Raila!“
Odinga hét því að leiða mótmæl-
in í miðbæ Naíróbí en komst síðan
ekki á staðinn. Stuðningsmenn
hans hafa heitið því að halda áfram
að mótmæla þangað til Kibaki og
stjórn hans viðurkenna kosninga-
svindl. - sdg
Þriggja daga skipulögð fjöldamótmæli stjórnarandstöðunnar í Kenía hófust í gær:
Mannfall á fyrsta degi mótmælanna
MANNHAF Þúsundir Keníabúa söfnuðust
saman á götum borgarinnar Eldoret til
að mótmæla í gær.
NORDICPHOTOS/AFP
Hússjóður axlar einn
ábyrgð á dauðaslysi
Garðar Sverrisson, formaður hússjóðs Öryrkjabandalagsins, segir að ef einhver
beri ábyrgð á því að maður lést í Hátúni vegna of heits vatns sé það stjórn hús-
sjóðins. Fyrrverandi formaður ÖBÍ dragi upp of dökka mynd af stöðu mála.
GARÐAR
SVERRISSON
HÁTÚN Mikill styr stendur um aðbúnað í íbúðum Öryrkjabandalagsins í Hátúni.
FRÉTTABLAÐIÐ/VALLI
KJÖRKASSINN