Fréttablaðið - 25.01.2008, Blaðsíða 51
FÖSTUDAGUR 25. JANÚAR 2008 15eldvarnir ● fréttablaðið ●
ábyrgð okkar allra
Líf, heilsa, umhverfi, eignir
Brunamálastofnun Skúlagata 21
101 Reykjavík
Sími 591 6000
Fax 591 6001
brunamal@brunamal.is
www.brunamal.is
Er allt klárt á þínu heimili?
• Myndi fjölskyldan vakna tímanlega ef eldur kæmi upp?
• Vita allir hvernig þeir eiga að komast út úr brennandi húsi?
• Eru eldvarnateppi og handslökkvitæki til taks?
• Er innbú fjölskyldunnar tryggt?
Alltof algengt er að fólk harmi það eftir á að hafa ekki tryggt
lágmarks eldvarnir á heimilinu. Láttu það ekki henda þig!
Brunamálastofnun og slökkviliðin í landinu stuðla að öryggi
almennings með öflugum eldvörnum og viðbrögðum við
eldsvoðum. Þar skipta líf og heilsa fólks mestu.
Starf okkar dregur þó ekki úr ábyrgð einstaklinga. Hver og
einn getur gert meira en opinberir aðilar til samans til þess
að tryggja öryggi sitt og sinna. Reykskynjarar og eldvarna-
teppi eru einfaldur og ódýr búnaður. Hann getur þó skipt
sköpum um afdrif fólks og eigna þegar eldur kemur upp.
Stórbrunar geta átt sér stað í
útihúsum sveitabæja eins og
dæmin sanna. Ágúst Sturla
Jónsson, öryggisráðgjafi hjá
Securitas, var spurður út í þær
brunavarnir sem bændum
standa til boða.
„Þar sem mikil óhreinindi eru
í heyi sem skepnum er gefið er
vandamál hve venjulegir reyk-
skynjarar óhreinkast fljótt í
gripahúsum. Þá fara þeir að
senda falsboð því rykugur skynj-
ari fer í gang við minnsta tilefni.
Í staðinn erum við með skynjara
með merkinu Harsh sem er að
mörgu leyti líkur þeim hefð-
bundna nema hann er með viftu
og filter þannig að hann held-
ur ryki og raka í burtu,“ byrjar
Ágúst útskýringar sínar.
Auk þess nefnir hann kerfi
sem senda boð í stjórnstöðvar,
bæði heima við bæ og í höfuð-
stöðvum öryggisfyrirtækja eins
og Securitas eða Öryggismið-
stöðvarinnar. Algengastar í dag
eru svonefndar vistfangsstöðv-
ar. „Hver skynjari fær þá vist-
fangsnúmer,“ segir hann og lýsir
nánar. „Skynjari í fjósinu gæti
verið númer eitt, í kálfastíunni
númer tvö og svo framvegis.
Stjórnstöðin á að vera við þann
inngang sem er aðkoma slökkvi-
liðs. Þar sést hvaða skynjari fór
í gang ef kviknar í og þar kemur
líka fram ef skynjari númer 12
er óhreinn, til dæmis. Þá þarf að
skipta um síu.“ En hvar skyldu
boðin koma fram á neyðarkerf-
um slökkviliðs?
„Það er undir þeim komið sem
kaupir kerfið. Samkvæmt reglu-
gerðum Brunamálastofnunar
eiga boðin að vera send til vakt-
stöðvar, hvaðan af landinu sem
er, annaðhvort til okkar hjá Secu-
ritas eða Öryggismiðstöðvarinn-
ar sem er hinn aðilinn sem býður
upp á svona fjartengiþjónustu.
Við erum síðan með útkallslista
en hringjum fyrst á sveitabæ-
inn til að athuga hvort einhver sé
heima og hvort eðlileg skýring sé
bak við útkallið. Svo er hringt í
slökkviliðið og það ræst út. Í eðli-
legum aðstæðum ætti fólk að láta
okkur vita að fyrra bragði ef ekk-
ert er á bak við boðin. Við notum
líka GSM búnað til að senda við-
komandi SMS beint.“
Í lokin er Ágúst spurður hvort
mikið sé um að fólk setji bruna-
vaktbúnað í útihúsin sín. „Það
er ekki mjög algengt en nokk-
ur dæmi eru um það og þá einna
helst í fjós. Auðvitað er kostnað-
ur þessu samfara. Svona búnað-
ur er á 300 þúsund og upp úr og
menn borga mánaðarlega fyrir
fjarvöktunina. En óneitanlega
hafa komið fleiri fyrirspurnir
til okkar eftir eldsvoðann á Ár-
skógsandi.“ - gun
Þegar bjöllur fara í gang
„Óneitanlega hafa komið fleiri fyrirspurnir til okkar eftir eldsvoðann á Árskógs-
sandi,“ segir Ágúst Sturla, öryggisráðgjafi hjá Securitas, spurður um brunakerfi í
útihús.
FRÉTTABLAÐIÐ/AUÐUNN
Ekki er algengt að fólk setji brunavaktbúnað í útihús en þó eru nokkur dæmi þess og
þá helst í fjósum. FRÉTTABLAÐIÐ/GVA