Fréttablaðið - 25.01.2008, Blaðsíða 75

FÖSTUDAGUR 25. janúar 2008 35
Frumburður sveitarinnar Hell-
var frá Keflavík var fyrsta útgáf-
an á vegum hins akureyrska
plötufyrirtækis Kimi Records. Á
síðasta ári kom einnig út plata
Hjaltalín á vegum plötufyrirtæk-
isins og væntanlegar eru plötur
frá bæði Borko og Morðingjun-
um. Greinilega plötufyrirtæki
með metnað.
Víkjum okkur hins vegar að
plötu Hellvars en nafn sveitar-
innar er fengið með því að skeyta
saman nöfnum höfuðspíranna,
þeim skötuhjúum Ragnheiði
Eiríksdóttur (Heiða, oft kennd
við sveitina Unun) og Elvari Geir
Sævarssyni. Einnig skipa sveit-
ina Alexandra Sigurðardóttir og
Sverrir Ásmundsson. Platan hefst
á forvitnilegum nótum eða í anda
tilraunastarfsemi Sonic Youth án
þess þó að vera í einhverjum eftir-
hermuleik. Lag tvö, 11 Types, er
með betri lögum plötunnar og rís
hátt í kringum fyllingarmiklar
melódíur. Kostur sem er því
miður of fáheyrður á plötunni.
Í lagi þrjú fer strax að halla
undan fæti en þá fer að bera á
helstu ókostum plötunnar. Ein-
kenni plötunnar eru ófrumlegir
trommuheilataktar sem gætu
virkað vel á tónleikum en í þurri
hljóðútsetningu plötunnar fletj-
ast þeir út og virka hugmynda-
snauðir og allt að því viðvanings-
legir. Þó verður að segjast að oft
leiftrandi bassa- og gítarleikur
(til dæmis í Ice Cream Drum
Machine og Like I Ache) í bland
við ýmsa hljóðskruðninga lyfta
hljómi plötunnar upp á hærra
plan.
Það sem kom mér hins vegar
mest á óvart á plötunni er hversu
söngurinn nær sér illa á flug.
Heiða hefur mér lengi þótt með
fremstu poppsöngkonum þjóðar-
innar en því miður virkar hún oft
máttlaus (til dæmis í Kjaftæði)
eða í versta falli eins og léleg
Björk-eftirherma. Heiða gefur
reyndar oft vel í og gerir oft feiki-
vel, eins og lögin Give Me Gold og
lokalagið Nowhere bera með sér.
Plata Hellvars hefur margt til
brunns að bera og er oft og tíðum
kraftmikil í sínum hráu útsetn-
ingum. Lagasmíðarnar ná samt
torveldlega að fanga mann og lag-
línurnar eiga illa upp á pall borðið.
Steinþór Helgi Arnsteinsson
Skötuhjúapönk
TÓNLIST
Bat Out of Hellvar
Hellvar
★★
Úr sér gengnir trommuheilataktar fá
of mikið vægi og lagasmíðarnar ná
sér sjaldan á strik hjá annars ágætri
sveit.
YEAH YEAH YEAHS Á fullu við upptökur.
Meðlimir hljómsveitarinnar Yeah
Yeah Yeahs hafa upplýst að þeir
vinni nú hörðum höndum að næstu
breiðskífu sinni. Síðasta plata
sveitarinnar var Show Your Bones
sem kom út árið 2006. Á heimasíðu
sveitarinnar kemur fram að Karen
O söngkona og félagar hennar hafi
eytt mestöllum desembermánuði
við upptökur í Massachusetts.
Ekki hefur verið ákveðið hvenær
von á nýju plötunni í búðir. Ekki er
einu sinni víst að það verði á þessu
ári.
Karen og fé-
lagar í stúdíói
Stóra grein um plötusnúðinn
Illuga Magnússon, eða DJ
Platurn, er að finna í einu elsta og
virtasta plötusnúðablaði Banda-
ríkjanna, DJ Times. Þar er Illugi,
sem fluttist til Bandaríkjanna sjö
ára, spurður út í feril sinn sem
plötusnúður. „Góður plötusnúður
þarf einfaldlega að vera fjöl-
hæfur. Ef þú ert bara góður í
einhverju verða hlutirnir fljótt
einhæfir,“ segir hann í viðtalinu.
Þess má geta að heimildar-
myndin From Oakland to Iceland:
A Hip-Hop, sem fjallar um för
Illuga hingað til lands árið 2006,
verður tilbúin innan tveggja
mánaða og er hún öll á ensku.
Stórt viðtal í
DJ Times
DJ PLATURN Stór grein um Illuga er í
bandaríska plötusnúðablaðinu DJ Times.
Harðkjarnasveitin I Adapt ætlar
að halda lokatónleika sína í
Hellinum, í Tónlistarþróunarmið-
stöðinni, 2. febrúar næstkomandi.
„Við ætlum að hafa það mikla
lengd á settinu að við höfum
aldrei gert annað eins. Venjulega
tökum við ekki nema svona níu
lög en þau eru komin nær tuttugu
heldur en tíu núna. Okkur finnst
við hafa efni á því enda verður
þetta jafnvel það síðasta sem við
gerum saman nokkurn tímann,“
segir söngvarinn Birkir Viðars-
son. Að sögn Birkis töldu þeir
félagar í I Adapt rangt að halda
áfram bara til þess að halda áfram
og ákváðu því að segja þetta gott.
„Við gerðum okkur grein fyrir því
að við fjórir færum ekkert lengra
með þessar pælingar sem við
vorum komnir í. Þetta var hvorki
persónulegur ágreiningur né
tónlistarlegur.“ - fb
I Adapt kveður
I ADAPT Hljómsveitin I Adapt heldur
lokatónleika sína í Hellinum 2. febrúar.