Fréttablaðið - 27.01.2008, Page 1
MEST LESNA DAGBLAÐ Á ÍSLANDI Sími: 512 500027. janúar 2008 — 26. tölublað — 8. árgangur
ALLA SUNNUDAGA
SÍÐUR
24Pabbi hefur alltaf verið nálægur Villý Vilhjálmsdóttir þekkti aldrei föður sinn Vilhjálm
Vilhjálmsson en segir hann sína helstu fyrirmynd.
SUNNUDAGUR
STORMVIÐVÖRUN! Í dag verður
sunnan eða suðvestan stormur á
vesturhelmingi landsins, annars
víða hvassviðri. Víðast rigning
fyrir hádegi en úrkomuminna eftir
hádegi. Ört kólnandi seint í dag
með éljum vestan til. Frystir víða
síðdegis.
VEÐUR 4
UMHVERFISMÁL Vatnsyfirborð
Kleifarvatns á Reykjanesi hefur
hækkað mikið frá því í haust en
yfirborð vatnsins lækkaði snögg-
lega eftir jarðskjálftana 17. júní
árið 2000. „Þetta gerist svo snöggt
og er alveg massi af vatni,“ segir
Héðinn Ólafsson, köfunarkennari
og eigandi Kafarinn.is. „Ég kem
þarna oft og hef horft á þetta
hækka í hverri ferð sem ég fer
þarna upp eftir.“
Héðinn segir vatnið hafa grugg-
ast og því vera minna skyggni í
því, en hann kafaði einnig töluvert
í vatninu áður en lækkaði í því
árið 2000. „Mér sýnist það vera
komið mjög nálægt því sem það
var.“
Gunnar Sigurðsson, sérfræðing-
ur hjá Vatnamælingum Orkustofn-
unar, staðfestir að samkvæmt
mælingum hafi yfirborð vatnsins
hækkað mikið síðan í sumar. „Það
lækkaði um nokkra metra vegna
jarðhræringa eftir skjálftana árið
2000 og þá opnaðist sprunga í
botninum,“ segir Gunnar. Hann
segir líklegar skýringar á hækk-
uninni nú vera að set og leir hafi
sest í sprunguna, hún þést og lek-
inn hafi minnkað. „Meðalvatns-
borð fyrir skjálftana var um 139
til 140 metrar yfir sjó,“ segir
Gunnar og bætir við að mikið hafi
rignt undanfarið, sem hafi líka
áhrif. - ovd
Yfirborð Kleifarvatns er við að ná sömu stöðu og fyrir skjálftana árið 2000:
Hækkar hratt í Kleifarvatni
KLEIFARVATN 23. JANÚAR Kafararnir
standa á sama stað og nokkrum
mánuðum áður. Sýnilega hefur mikið
hækkað í vatninu.
KLEIFARVATN VORIÐ 2007 Yfirborð
vatnsins lækkaði ört eftir skjálftana 17.
júní 2000. FRÉTTABLAÐIÐ/HÉÐINN
LÖGREGLUMÁL Starfsmaður fjár-
málaráðuneytisins er einn
þriggja manna sem voru á föstu-
dag úrskurðaðir í gæsluvarð-
hald vegna gruns um aðild að
smygli á tæpum fimm kílóum
af amfetamíni og 600 grömm-
um af kókaíni til landsins. Toll-
gæslan heyrir undir fjármála-
ráðuneytið og er málið því litið
mjög alvarlegum augum.
Efnin komu með hraðsendingu
frá Þýskalandi um miðjan nóvem-
ber og hefur tollgæslan aldrei áður
náð jafnmiklu magni fíkniefna við
eftirlit á hraðsendingum. Lögregla
handtók í vikunni fimm menn
vegna málsins og voru þrír þeirra
úrskurðaðir í vikulangt gæslu-
varðhald. Tveimur var sleppt að
loknum yfirheyrslum.
„Ég veit eiginlega ekkert um
þetta,“ sagði Árni Mathiesen fjár-
málaráðherra þegar Fréttablaðið
leitaði viðbragða hans við málinu.
Hann kvaðst heldur ekki vita hvort
búið væri að segja umræddum
starfsmanni upp störfum. Þrátt
fyrir ítrekaðar tilraunir náðist
ekki í Baldur Guðlaugsson, ráðu-
neytisstjóra fjármálaráðuneytis-
ins.
Lögreglan á Suðurnesjum hefur
unnið að rannsókn málsins í
náinni samvinnu við fíkniefna-
deild lögreglunnar á höfuðborg-
arsvæðinu. Þá mun lögreglan,
samkvæmt upplýsingum Frétta-
blaðsins, hafa rökstuddan grun
um að sömu menn og nú sitja í
gæsluvarðhaldi hafi komið fíkni-
efnasendingum í pósti inn í landið
áður.
Samkvæmt upplýsingum
Fréttablaðsins hefur rannsóknin
verið mjög viðamikil og teygt
anga sína víða, meðal annars til
Þýskalands. - jss, - kdk
Starfsmaður fjármála-
ráðuneytis grunaður
Einn þriggja sem sitja í gæsluvarðhaldi vegna smygls á amfetamíni og kókaíni
er starfsmaður fjármálaráðuneytisins. Fjármálaráðherra verst fregna af málinu.
GRILLVEISLA Á STRÖNDINNI Ástralar á Íslandi létu ekki sitt eftir liggja á þjóðhátíðardegi Ástralíu í gær. Þeir hittust við sjávarsíðuna
og kveiktu upp í grillunum, enda hefðbundið að fagna þjóðhátíðardeginum með því að slá upp grillveislu á ströndinni og óþarfi
að breyta út af vananum þótt hiti sé undir frostmarki og allt á kafi í snjó. FRÉTTABLAÐIÐ/VALLI
SPÁNN, AP Maður sem varð sautján
ára dreng á hjóli að bana þegar
hann keyrði á hann hefur höfðað
mál á hendur foreldrum drengs-
ins til að fá skaðabætur vegna
bíltjónsins.
Enaitz Iriondo lést samstundis
þegar hann varð fyrir bíl Tomas
Delgado á vegi í norðurhluta
Spánar á 160 kílómetra hraða þar
sem hámarkshraði er 90 kílómetr-
ar.
Þar sem atvikið átti sér stað
þegar Iriondo hjólaði út á veginn í
veg fyrir bíl Delgado í myrkri
úrskurðaði dómstóll að báðum
væri um að kenna og lauk málinu.
Foreldrar Iriondo fengu þrjár
milljónir í skaðabætur frá
tryggingafélagi Delgado sem
höfðaði síðan mál og krafðist
tveggja milljóna. - sdg
Spænskir foreldrar lögsóttir:
Keyrði á dreng
og vill bætur
STJÓRNMÁL „Ég tel að við höfum
öll, borgarfulltrúar í Reykjavík,
borið af þessu nokkurn skaða og
við verðum að horfast í augu við
það,“ sagði Hanna Birna Kristj-
ánsdóttir, borgarfulltrúi Sjálf-
stæðisflokks, á
fundi sjálfstæð-
ismanna í
Reykjavík um
borgarstjórnar-
mál í gær.
„Þetta hefur
ekki verið góður
tími fyrir
stjórnmál
almennt. Það
hafa skapast
efasemdir í hugum manna um þau
gildi sem ríkja í stjórnmálum,“
sagði Hanna Birna. „Það er okkar
hlutverk að sanna fyrir borgarbú-
um að þannig er það ekki.“
Gísli Marteinn Baldursson
borgarfulltrúi sagðist búast við
því að borgarbúar yrðu ánægðir
með málalokin. „Reykjavík
vegnar jafnan best þegar Sjálf-
stæðisflokknum vegnar vel,“
sagði Gísli Marteinn. - sgj / sjá síðu 2
Sjálfstæðismenn í borginni:
Báru skaða af
valdatökunni
HANNA BIRNA
KRISTJÁNSDÓTTIR
[ SÉRBLAÐ FRÉTTABLAÐSINS UM FERÐALÖG ]
ferðalög
FEBRÚAR 2008
HEITT ÁRIÐ 2008NÝIR ÁFANGASTAÐIR Á NÝ
ÖÐRUVÍSI FERÐALÖGOG HVERNIG Á AÐ SKIPULEGGJA ÞAUFY
LG
IR
Í
D
A
G
VEÐRIÐ Í DAG
12
KVIKMYND MEÐ
SEAN PENN
Sigurjón Sighvatsson er
að vinna að kvikmynd
með stórleikaranum Sean
Penn ásamt fleiri góðum.
FÓLK 34