Fréttablaðið - 27.01.2008, Qupperneq 14

14 27. janúar 2008 SUNNUDAGUR
Á RÖKSTÓLUM
Búlgarska yngismærin færði okkur
saman
Hver er ykkar fyrsta minning um
hvort annað?
Guðmundur: Fyrsta minning mín
um Dunu er þannig að foreldrum
mínum var boðið á Gljúfrastein og
var boðið sérstaklega að hafa mig
með því það þyrfti að skemmta ein-
hverju búlgörsku barni og ég þótti
tilvalinn í það. Ætli ég hafi ekki
verið svona fimm ára. Svo þegar
komið var á Gljúfrastein reyndist
búlgarska barnið vera átján ára
yngismær þannig að ég var nú í
hálfgerðu reiðileysi. En þá
aumkuðu þær systurnar sig yfir
mig og fóru með mig upp í her-
bergi og þarna heyrði ég í fyrsta
sinn í Bítlunum – heyrði John
Lennon syngja og varð ekki samur
á eftir. Duna breytti sem sagt lífi
mínu.
Guðný: Fyrsta minning mín um
Guðmund Andra er fyrr en hún er
þegar foreldar hans komu að heim-
ili mínu eins og oft áður og höfðu
lent í því tveimur dögum áður að
Guðmundur Andri varð ofboðslega
veikur og það vissi enginn hvað
var að honum. Hann hafði lent á
spítala milli heims og helju og var
svo heppinn að lenda á einhverjum
góðum læknahóp og þeir spraut-
uðu öllu í hann sem hægt var að
sprauta upp á von og óvon. Eftir á
kom í ljós að þetta var heilahimnu-
bólga en þarna komu þau hjónin til
þess að jafna sig á þessu og þetta
er djúpt í minningunni vegna þess
að heilahimnubólga var að byrja að
ganga á þessum tíma og maður
vissi hvað hún var svakaleg. Thor
og Margrét voru svo hamingjusöm
og hvernig þau heilsuðust og grétu
á hlaðinu heima er mér mjög eftir-
minnilegt. Það er algjörlega óvart
að ég spyr Guðmund ennþá hvernig
hann hafi það, hef ennþá áhyggjur
af heilsu hans.
Kleinur og garðrækt á toppnum
Nefnið þrjá hluti sem þið vitið ekki
um hvort annað en gætuð trúað að
væru sannir. Lokið svo augunum
og nefnið mér fjögur atriði sem
ykkur finnst einkenna hvort
annað.
Guðný: Ég gæti trúað að Guð-
mundi Andra þætti laufabrauð
mjög gott af því hann er að norðan
í móðurætt. Svo myndi ég halda að
honum þættu epli alveg óskaplega
vond af því hann fær svo mikið
tannkul í þessu veðri. Svo held ég
hann sé að punkta niður í stóra
skáldsögu.
Guðmundur: Ef ég ætti að ímynda
mér eitthvað um Dunu þá myndi
ég fyrst segja það að ef hún syng-
ur ekki í kór þá langar hana mjög
mikið að syngja í kór og ég hugsa
að hún syngi mjög mikið heima
hjá sér. Og ég held að hún syngi
mikið svona bæ jabbæ-babbæ-bæ
lög með Ríó tríó og svoleiðis lög.
Ég held í öðru lagi að hana dreymi
um að eignast sauðfé og vera
alvöru rollubóndi. Og í þriðja lagi
held ég að hún hafi mjög gaman af
rapparanum Eminem.
Guðný: Þú færð tvö stig. Þriðja
geigaði.
Guðmundur: Var það rapparinn?
Guðný: Já.
Guðmundur: Ég hélt þetta bara út
af Dóra DNA, syni þínum, og svo
er Eminem svolítið kjaftfor. Ég
hélt að þú hefðir kannski svolítið
gaman af kjaftforum einstakling-
um. En þetta með laufabrauðið,
mér finnst það nú eiginlega bragð-
ast eins og djúpsteiktur pappír.
Mamma er nefnilega í rauninni
ekki að norðan – afi og amma
bjuggu bara á Akureyri en þau
voru að austan og héldu austfirskt
heimili. Laufabrauðsbakstur var
því aldrei hluti af heimilishald-
inu.
Guðný: Og ég sem hélt að það
væru ævinlega staflar af laufa-
brauði í kringum þig ...
Guðmundur: Nei, kleinum – og ég
elska kleinur. Hitt með eplin var
rétt – mér finnst sérlega óþægi-
legt að borða epli og fæ stundum
martraðir þar sem ég er að bíta í
epli. Og bókin, jú, hún kemur
væntanlega núna fyrir jólin.
Guðný: Það sem einkennir Guð-
mund er að hann er náttúrlega
með munninn fyrir neðan nefið
eins og hann á ættir til. Hann er
óskaplega líkur í sína ætt en ég
þekki mikið af hans fólki sem er
afkomendur Thors Jensen. Sú ætt
er lítið fyrir að láta bera á sér.
Hann er greindur og feiminn, en
þetta er svo feimið fólk – það er
nokkuð sem enginn áttar sig á. Það
er svolítið erfitt að toga upp úr því
hlutina. Hann hefur sérstakan
húmor fyrir tónlist og hann er
ofsalega líkur móður sinni, Mar-
gréti Indriðadóttur.
Guðmundur: Þetta er nú voðalega
fallega talað. Það fyrsta sem mér
finnst einkenna Dunu er húmor-
inn. Hún er mjög fyndin og orð-
heppin og það er gaman að heyra
þegar gellur í henni. Í öðru lagi
hefur mér sýnst að hún kunni að
tala við börn og þau laðast að
henni. Þriðji hluturinn sem ég veit
úr sjónvarpinu er að hún er mikil
garðræktarkona og vill hafa
grósku og gróður í kringum sig.
Fjárbóndi og forsetaritari
Guðný Halldórsdóttir hefur alla tíð haft áhyggjur af heilsu Guðmundar Andra Thorssonar og spyr hann stöðugt hvernig hann
hafi það. Guðmundur Andri segir Guðnýju hafa breytt lífi sínu á Gljúfrasteini þegar hann var sex ára gamall. Júlía Margrét
Alexandersdóttir hitti rökstólapar vikunnar og spurði það út í fatastyrki og þjóðargrafreitinn.
STYÐJUM BJÖRK Guðmundur Andri segir Björk Guðmundsdóttur hafa fullt umboð frá sér til að umbreytast í stórhættulegt kvendýr. Guðný er stolt af henni fyrir að hafa gefið
nýsjálenskum ljósmyndara einn á lúðurinn á flugvellinum. FRÉTTABLAÐIÐ/EYÞÓR