Fréttablaðið - 27.01.2008, Qupperneq 102

26 27. janúar 2008 SUNNUDAGUR
sport@frettabla-
Nánar á expressferdir.is
eða í síma 5 900 100
113.600 kr.
Verð á mann í tvíbýliBenidorm
Real de Faula
15.–22. mars
Golf meðExpress ferðum
Innifalið: Flug með sköttum og öðrum greiðslum, frítt í flug fyrir golfsettið,
gisting á Hotel Sheraton ásamt morgunverði, rútuferðir til og frá flugvelli,
íslensk fararstjórn og 5 golfhringir.
88.900 kr.
Verð á mann í tvíbýliLondon
Hanbury Manor
19.–24. mars
Innifalið: Flug með sköttum og öðrum greiðslum, frítt í flug fyrir golfsettið
og gisting á hótelinu ásamt morgunverði.
Sverrir Þór Sverrisson verður í eldlínunni
með Njarðvík gegn toppliði Keflavíkur í
Iceland Express-deildinni í kvöld kl. 19:15,
en Sverrir lék áður með Keflavík.
„Það er alltaf sérstakt að spila gegn
uppeldisfélagi sínu og liði sem ég hef spilað
með sjö síðustu tímabil á undan tímabilinu í
ár. Leikurinn leggst bara vel í mig og menn eru
alltaf á tánum fyrir svona stóra leiki. Rígurinn
á milli þessara liða er líka alltaf til staðar og það
gefur þessu bara gildi og gerir körfuboltann eins
skemmtilegan og raun ber vitni. Sumir leikmenn
liðanna vinna til að mynda saman, auk þess sem
leikmennirnir tengjast inn í fjölskyldur hins liðsins og
fólk þrífst á þessu næstu dagana eftir sigur síns liðs,“ sagði
Sverrir Þór, sem telur að Njarðvíkingar verði að fara að taka sig
saman í andlitinu ef þeir ætli sér einhverja hluti í ár.
„Við töpuðum síðasta leik okkar í deildinni gegn ÍR, þar
sem við spiluðum mjög vel í fyrri hálfleik og gátum svo
ekki neitt í seinni hálfleik, þannig að við verðum að rífa okkur upp.
Við erum að berjast við að halda fjórða sætinu og þurfum því að
fara að hugsa okkar gang ef við ætlum okkur einhverja hluti í vetur.
Við þurfum hver og einn í liðinu að leggja meira af mörkum
og það yrði virkilega sterkt upp á framhaldið að ná
góðum leik í Keflavík. Við vitum það að við
verðum að spila vel í 40 mínútur til þess að
eiga möguleika á sigri, það þýðir ekki að
mæta með hangandi haus,“ sagði Sverrir
Þór, sem hefur hrifist af spilamennsku
Keflavíkur í vetur.
„Ég er búinn að sjá nokkra leiki með
þeim og þeir eru með góða blöndu af
leikmönnum. Bæði eru þeir með sterkan
kjarna af íslenskum leikmönnum og svo
eru þeir með mjög góða erlenda leikmenn,
þannig að þeir eru með vel samstillt lið og
eru í raun liðið sem hin liðin í deildinni
eru að eltast við,“ sagði Sverrir Þór.
SVERRIR ÞÓR SVERRISSON, NJARÐVÍK: TELUR LEIKINN GEGN KEFLAVÍK GETA SKIPT SKÖPUM UPP Á FRAMHALDIÐ
Þurfum hver og einn að leggja meira af mörkum
> Stórleikur í Iceland Express-deild kvenna
Íslands- og bikarmeistarar Hauka taka á móti Keflavík
í Iceland Express-deild kvenna að Ásvöllum í dag kl.
16.00. Keflavíkurstúlkur eru sem stendur í þriðja sæti
deildar innar með 22 stig eftir fjórtán leiki
en Haukastúlkur fylgja þeim fast á eftir
í fjórða sæti með 20 stig eftir fimmtán
leiki. Liðunum var spáð efstu tveim-
ur sætunum af þjálfurum, fyrirliðum
og forráðamönnum liðanna í Iceland
Express-deildinni fyrir tímabilið.
Keflavík hefur haft betur í tveimur
fyrri viðureignum liðanna í
deildinni í vetur, en liðin eru
bæði komin í undanúrslit
Lýsingar bikarsins og gætu mæst í
úrslitaleiknum þar.
BADMINTON Þrír íslenskir landsliðsmenn, Magnús
Ingi Helgason, Tinna Helgadóttir og Ragna Ingólfs-
dóttir, voru á meðal þátttakenda í alþjóðlega badmin-
tonmótinu Swedish Inter- national Stock-
holm sem fram fer í Täby nú um helgina.
Ragna Ingólfsdóttir komst
lengst af íslensku keppend-
unum.
Nýkrýndur íþrótta-
maður Reykjavíkur, Ragna
Ingólfsdóttir, byrjaði mótið
á að leggja Bing Xing Xu
frá Spáni í fyrstu umferð
naumlega í þremur lotum
13-21, 21-9 og svo 22-20. Þar
næst mætti hún Anastasiu
Kudinovu frá Svíþjóð í sextán-
manna úrslitum og þá þurfti
Ragna aðeins tvær lotur til og
vann 21-15 og 21-19.
Í átta-manna úrslitum varð
Ragna hins vegar að játa sig
sigraða gegn Olgu Konon frá
Hvíta-Rússlandi, en þær stöllur
eru einmitt á svipuðu reiki á heimslistan-
um, Ragna númer 53. og Olga númer
60. Olga vann fyrstu lotuna nokkuð
auðveldlega 21-12 en þá næstu vann
Ragna 21-18 og því þurfti oddalotu til
þar sem Olga vann aftur 21-12.
Tinna Helgadóttir tók eins og Ragna
þátt í einliðaleik en hún þurfti að
leika í undankeppni fyrir mótið.
Þar byrjaði Tinna á því að vinna
norsku stúlkuna Söru B. Kvemo,
en varð að játa sig sigraða gegn
dönsku stúlkunni Christinu
Andersen í jöfnum úrslitaleik
um sæti í fyrstu umferð aðal-
keppninnar. Tinna keppti svo í
tvenndarleik með Magnúsi Inga
bróður sínum þar sem þau töpuðu í
annarri umferð gegn belgísku pari.
Magnús Ingi tapaði í fyrstu
umferð í einliðaleik, en komst
í 32-liða úrslit í tvíliðaleik
með írskum félaga sínum.
- óþ
Þrír íslenskir keppendur tóku þátt í Swedish International Stockholm um helgina:
Ragna féll úr keppni í gærdag
ÖFLUG Ragna
Ingólfsdóttir.
FRÉTTABLAÐIÐ/
VÖLUNDUR
BORÐTENNIS Guðmundur E.
Stephensen, margfaldur Íslands-
meistari í borðtennis, var í
eldlínunni með liði sínu Eslöv í
sænsku úrvalsdeildinni í borð-
tennis í fyrrakvöld. Meistarar
Eslöv lögðu þá Söderhamn 5-2 og
fór Guðmundur fyrir sínum
mönnum með því að vinna báða
sína leiki, fyrst gegn Johan
Sondhell 3-1 (11-5, 9-11, 12-10 og
11-5) og svo gegn Nordberg
Hampus 3-2 (11-2, 7-11, 7-11, 14-
12 og 12-10). Eslöv er efst í
deildinni með 27 stig en Halmstad
kemur þar á eftir með 18 stig.
Eslöv mætir svo Borussia
Düsseldorf í Meistaradeild
Evrópu á morgun. - óþ
Sænska deildin í borðtennis:
Guðmundur fór
fyrir sínu liði
HEITUR Guðmundur er búinn að vera að
leika vel með Eslöv í vetur.
FRÉTTABLADID/RÓBERT
FÓTBOLTI Theodór Elmar Bjarna-
son hefur nú þegar spilað sinn
fyrsta leik með norska liðinu Lyn
eftir að hafa gengið í raðir liðsins
fyrir stuttu síðan. Theodór Elmar
var í byrjunarliði Lyn í 2-1 tapi í
æfingarleik gegn Strømsgodset
og Henning Berg, knattspyrnu-
stjóri Lyn, var sáttur með sinn
mann í lok leiksins. „Þetta var
fyrsti leikurinn hans en hann er
tvímælalaust spennandi leikmað-
ur með mikinn hraða,“ sagði Berg
við fjölmiðla. - óþ
Henning Berg, Lyn:
Theodór er
spennandi
FÓTBOLTI Landsliðsmaðurinn Emil
Hallfreðsson hefur ekkert getað
leikið með liði sínu Reggina í
ítölsku Serie A-deildinni síðan 1.
desember síðastliðnum þegar
hann meiddist á læri í leik gegn
Sampdoria.
„Þetta er búið að vera svaka-
legt basl, ef ég segi eins og er. Ég
átti alls ekki von á því að það tæki
svona langan tíma að jafna sig á
höggi í lærið, en þar sem höggið
var svo þungt kom smá rifa á
vöðvann og því tekur þetta sinn
tíma,“ sagði Emil, sem sér þó
loksins fyrir endann á þessu.
Bjartsýnn á framhaldið
„Ég er byrjaður að æfa með lið-
inu og er bjartsýnn á að þetta fari
að koma. Ég var að vonast til þess
að geta spilað gegn AC Milan á
miðvikudaginn, en það er frekar
raunhæft að ég spili gegn Torino
um næstu helgi. Ég vil bara ná
mér 100% og ég held að for-
ráðamenn Reggina
skilji það vel. Þó svo
að þeir leggi hart
að mér að ég
spili sem fyrst,
þá er það bara
gott að finna
það að þeir
vilji fá mig
inn á völl-
inn sem
fyrst,“ sagði
Emil, sem finnst
andrúmsloftið
hafa batnað með
komu knatt-
spyrnustjórans
Renzo Ulivieri.
„Gengið hefur
verið betra hjá lið-
inu upp á síðkastið.
Þó svo að við séum
vissulega ennþá í
fallbaráttunni erum
við hægt og bítandi
að vinna okkur
upp töfluna
og það er
stutt í
næstu lið
fyrir ofan
okkur. Regg-
ina hefur líka fengið
nokkra nýja leikmenn
upp á síð kastið og það
er komin fín samkeppni um
stöður í liðinu, sem er bara
hið besta mál. Menn eru að æfa
af kappi og eru virkilega
einbeittir að verkefninu sem
fram undan er,“ sagði Emil.
Vekur mikla athygi
Emil hefur fengið mikið lof fyrir
frammistöðu sína með Reggina í
vetur og hefur meðal annars
ítrekað verið orðaður við lið
Napoli í ítölskum fjölmiðlum.
„Mér gekk mjög vel fram að
meiðslunum og get ekki beðið
eftir því að ná mér góðum af
þeim og komast aftur út á völl.
Ég er ekkert að spá í þennan
orð róm sem er í gangi með Napoli
heldur tek því bara sem hrósi ef
rétt reynist að einhver lið séu að
sýna mér áhuga. Ég einbeiti mér
bara að því að standa mig sem
best með Reggina. Ég finn það
líka að fyrsta mark mitt fyrir
félagið er ekki langt undan. Nú
þarf ég bara að komast af stað á
ný og þá er bara næsta verkefni
að setj‘ann. Ég væri náttúrlega
pottþétt búinn að skora ef ég
hefði ekki meiðst, það er engin
spurning um það,“ sagði Emil á
léttum nótum.
omar@frettabladid.is
Styttist í fyrsta markið fyrir Reggina
Emil Hallfreðsson er byrjaður að æfa á ný með liði sínu Reggina í ítölsku Serie A-deildinni og er bjartsýnn
á framhaldið hjá liðinu, sem er í mikilli fallbaráttu. Emil lætur orðróm í ítölskum fjölmiðlum um að hann
sé á leiðinni frá Reggina sem vind um eyru þjóta og ætlar að einbeita sér að því að spila vel með liði sínu.
VEKUR ATHYGLI Emil Hallfreðsson hefur fengið mikið lof fyrir leik sinn með Reggina á sínu fyrsta tímabili í Serie A-
deildinni og hefur verið undir smásjá Napoli ef marka má ítalska fjölmiðla. NORDIC PHOTOS/GETTY