Fréttablaðið - 27.01.2008, Qupperneq 110

34 27. janúar 2008 SUNNUDAGUR
HVAÐ SEGIR MAMMA?
„Ég er alltaf stolt af honum og
ánægð með hann. Hann stóð
sig mjög vel þegar hann fékk að
spila eitthvað að ráði og maður
er náttúrlega alltaf glaður með
sinn mann.“
Ingibjörg Kristinsdóttir, mamma Vignis
Svavarssonar, varnartrölls íslenska lands-
liðsins, sem náði ekki að standa undir
væntingum á EM.
Hvað er að frétta? Alltaf allt fínt, allan sólarhringinn.
Síðan kom platan mín líka út um daginn.
Augnlitur: Blár.
Starf: Útgefandi, hljómsveitarstjóri, söngvari,
vagn stjóri og á kassanum hjá Olís.
Fjölskylduhagir: Ég er kvæntur Emilíu Ásgeirsdóttur
og við eigum þrjú heilbrigð og falleg börn.
Hvaðan ertu? Úr Reykjavík. Ég er fæddur á Steinhól-
um sem voru við Kleppsveg.
Ertu hjátrúarfullur? Nei.
Uppáhaldssjónvarpsþátturinn: CSI.
Uppáhaldsmatur: Lambalæri er alveg meiri háttar.
Fallegasti staðurinn: Það er rosalega fallegt á
Patreksfirði í ágúst og september og síðan er Kraká í
Póllandi algjört æði.
iPod eða geislaspilari: Geislaspilari.
Hvað er skemmtilegast? Að vera til.
Hvað er leiðinlegast? Laddi ætlaði að skemmta hjá
mér á jólahátíð fatlaðra en hætti við og ég gleymdi
að taka hann út af dagskránni. Mér finnst þetta leið-
inlegt og ég vil biðja hann opinberlega afsökunar.
Helsti veikleiki: Ég veit það ekki.
Helsti kostur: Maður er alltaf glaður og ánægður.
Helsta afrek: Maður á ekkert að hreykja sér af
afrekum sínum.
Mestu vonbrigðin: Ég vil ekki svara því.
Hver er draumurinn? Að geta lifað áfram í sátt
og samlyndi við Guð og gott fólk.
Hver er fyndnastur/fyndnust? Laddi vinur
minn er algjört æði. Ég er búinn að fara á tvær
sýningar og maður er alveg í krampakasti.
Hvað fer mest í taugarnar á þér? Skortur á
hreinskilni.
Hvað er mikilvægast? Að lifa lífinu lifandi.
HIN HLIÐIN ANDRÉ BACHMANN TÓNLISTARMAÐUR
Fallegast á Patreksfirði og í Kraká
„Á nú að fara að pönkast í mér vegna fötlunar
minnar? Eða þótti mönnum gleraugun mín svona
flott?“ spyr sjónvarpsstjarnan Helgi Seljan í
Kastljósinu blaðamann Fréttablaðsins. Sem var að
forvitnast um nýja ímynd Helga.
Helgi er til þess að gera nýbakaður faðir. Frum-
burður hans leit dagsins ljós um miðjan desember
og hvarf Helgi þá af skjánum í feðraorlof en birtist
á föstudaginn í Kastljósinu aðdáendum hans til
mikillar ánægju. Rakti hann garnirnar meðal annars
úr Ólafi F. Magnússyni borgarstjóra. Helgi hefur á
skömmum tíma tekið ótrúlegum stakkaskiptum.
Fyrir fáeinum árum kom Helgi að austan tattóverað-
ur og tættur en er nú orðinn hinn virðulegasti,
jakkafataklæddur með gleraugu. Þetta mega heita
hamskipti. Hvað gerðist?
„Ég kann ekki að skýra þetta. Þá hefði ég kannski
streist á móti. Að það sé pabbahlutverkið? Ég
reyndar keypti þessi gleraugu áður en til þess kom.
Nei, nei, þetta er ekkert rándýrt „designers“ neitt.
Bara fyrstu gleraugun sem ég mátaði í búðinni. Mér
fannst þau svona líka helvíti fín, “ segir Helgi en
samkvæmt heimildum Fréttablaðsins eru þau þó frá
Hugo Boss.
Helgi er nærsýnn, með mínus tvo og ber sín
gleraugu stoltur. Nokkuð sem tæplega hefði komið
til greina fyrir fjórum árum. Helgi tók sér mánuð í
feðraorlof en er mættur aftur til leiks og ætlar að
eiga inni orlof til sumarsins. „Já, já, það heilsast vel.
Allt í fína uppi í Kárahnjúkakína, eins og Bjartmar
segir.“ Helgi gengst fúslega við því að hvað sem
líður öðrum breytingum í lífi hans stendur aðdáun
hans á Bjartmari óhögguð.
„Sko, það hlustar enn á Stones miðaldra fólkið í
ríkisstjórninni þótt komið sé í dragtir og jakkaföt.“
jakob@frettabladid.is
HELGI SELJAN: VIRÐULEGUR FARINN AÐ GANGA MEÐ GLERAUGU
Hamskipti Helga
NÝR OG VIRÐULEGUR Helgi Seljan er farinn að ganga með
gleraugu og er á flókaskóm í vinnunni – stígvélin eru farin veg
allrar veraldar. FRÉTTABLAÐIÐ/VALLI
Sjónvarpskokkurinn víðfrægi, Völli Snær, og eiginkona
hans, Þóra Sigurðardóttir, eru um þessar mundir á
fullu við að breyta einum elsta og virtasta veitingastað
Bahamaeyja, sem þau keyptu seint á síðasta ári.
Samkvæmt heimildum Fréttablaðsins hafa íslenskir
fjárfestar lagt hjónakornunum lið en fyrir þeim hópi
fer Jafet Ólafsson. Þykir þetta benda til þess að
paradísin í Karíbahafinu eigi eftir að verða áningar-
staður ríka og fræga fólksins frá Íslandi þegar fram
líða stundir enda hefur sjálfur Björgólfur Thor sést
sigla um höfin blá á skútu sinni í nágrenni við eyjarnar.
Nýi veitingastaðurinn á að verða sá stærsti á eyjunni
en að sögn Þóru á ekkert að slá slöku við að halda góðu
orðspori Völla sem er hálfgerður kóngur í matargerð á
Bahamaeyjum. Staðurinn hefur hlotið nafnið Oceano
en mikið hefur gengið á við framkvæmdirnar. „Þótt
það sé mikið atvinnuleysi á Bahamaeyjum hefur það
reynst þrautin þyngri að fá gott starfsfólk,“ segir Þóra
í samtali við Fréttablaðið. Kokkurinn Völli hefur því
klætt sig í verkstjórabúninginn og stýrt verkinu ásamt
vönum mönnum frá Tahítí. Jafnframt hafa íslenskir
smiðir dottið inn og lagt sitt á vogarskálarnar þegar
þeir hafa haft tíma. „Það hefur náttúrlega verið
ómetanlegt,“ segir Þóra en eins og Sirkus greindi frá
nýverið eiga hún og Völli von á sínu fyrsta barni í
sumar. - fgg
Fjárfestar veðja á Völla Snæ
„Þetta er rétt,“ staðfestir kvik-
myndaframleiðandinn Sigurjón
Sighvatsson en hann hefur unnið
að þróun kvikmyndar eftir bók
bandaríska rithöfundarins Harrys
Crew, The Knock Out Artist, með
bandarísku stórstjörnunni Sean
Penn. Myndin hefur verið á teikni-
borðinu frá árinu 2003 en nú virð-
ist skriður kominn á málið. Og
segir Sigurjón að handritið sé
langt á veg komið en verði ekki til-
búið fyrr en verkfalli handritshöf-
unda ljúki. „Enda verður þá hægt
að fara eina umferð enn á það í
handritadeildinni,“ segir Sigurjón.
Tökur á kvikmyndinni Brothers
eru nú í fullum gangi en sam-
kvæmt vefsíðu imdb.com er ráð-
gert að hún verði frumsýnd um
jólin á þessu ári. Myndin skartar
þremur af helstu vonarstjörnum
Hollywood í aðalhlutverkum, þeim
Natalie Portman, Jake Gyllenhaal
og Toby Maguire.
Að sögn Sigurjóns skrifar rit-
höfundurinn Crews bækur sem
hafa verið flokkaðar sem „south-
ern gothic“ í Ameríku og fjalla um
fólk á jaðri þjóðfélagsins. Ein
mynd hefur þegar
verið gerð eftir
bók hans en það
var The Hawk
is Dying með
Paul Giamatti í
aðalhlutverki. Sú
fjallaði um mann
sem reynir að
temja hauk. The
Knock Out Artist segir hins vegar
frá hnefaleikakappanum Eugene
Biggs sem flytur til New Orleans
á áttunda áratug síðustu aldar og
lendir þar í klóm mafíósa. Og þarf
að taka verulega á sjálfum sér til
að forðast sjálfstortímingu. Að
sögn Sigurjóns er handritið skrif-
að af Mark Hanlon, sem á að baki
kvikmyndina Ghost Ship.
Sean Penn hefur um árabil verið
einn fremsti kvikmyndaleikari
Bandaríkjanna og var tíður gestur
á síðum slúðurblaðanna
vegna fremur vafasamr-
ar hegðunar. Og ekki síst
fyrir samband sitt við
Madonnu. Hann hefur í
seinni tíð haldið sig
sem lengst frá slíkum
blöðum en komst
reyndar í fréttirnar
fyrir skömmu þegar
hann skildi við núver-
andi eiginkonu sína,
Robin Wright Penn.
Hann hefur í síaukn-
um mæli snúið sér
að leikstjórn og
hefur fengið mikið
lof fyrir nýjustu kvik-
mynd sína, Into the
Wild.
- fgg
Vinnur að bíómynd
með Sean Penn
SANKAR AÐ SÉR STJÖRNUM Sigurjón
Sighvatsson er í fullum gangi við að
koma kvikmynd á koppinn með Sean
Penn.
Í VEITINGAREKSTUR Jafet Ólafsson
er einn þeirra sem veðja á gott
orðspor Völla Snæs.
08.01. 1949
GAMLI ÓLÁTABELGUR Sean
Penn var þekttur fyrir ólæti
og barsmíðar á síðustu öld en
hefur róast ögn með árunum.
FYRIR ALLTOF
FÁUM ÁRUM Helgi
mætti á mölina
reiður ungur
maður að austan
fyrir tæpum fjór-
um árum.
REYÐARFJARÐARBANDÍTÓ
Helgi dró hvergi af sér
eystra enda meðlimur í
hinu ógurlega Reyðar-
fjarðargengi sem taldi
auk hans m.a. Andra
Frey Viðarsson og Þröst
„bassafant“ sem gerði
síðar garðinn frægan með
Mínus.
Tannréttingar
Hef hafi ð störf á Grensásvegi 16
Þröstur Þorgeirsson Tannlæknir
Sérgrein: Tannréttingar
Tímapantanir í síma 5680060
Á FULLU Völli Snær og Þóra Sigurð-
ardóttir opna stærsta veitingastað
Bahamaeyja í næsta mánuði.