Fréttablaðið - 23.02.2008, Blaðsíða 82
54 23. febrúar 2008 LAUGARDAGUR
sport@frettabladid.is
Emil Hallfreðsson vonast til þess að fá tækifæri með Reggina þegar
stórlið Juventus kemur í heimsókn á Oreste Granillo-leikvanginn
í Reggio í kvöld en Emil er að jafna sig eftir erfið
meiðsli á læri.
„Ég meiddist í byrjun desember og var svo
kominn í leikmannahópinn gegn Torino í byrjun
febrúar og kom inn af bekknum í seinni
hálfleik. En þá kom smá bakslag og
meiðslin tóku sig upp á ný. Ég þurfti
því að hvíla í næsta leik gegn Roma
en var svo kominn í leikmanna-
hópinn að nýju gegn Udinese um
síðustu helgi en spilaði ekkert. Ég veit
ekki hvernig þetta verður gegn Juventus
en vonast auðvitað til þess að fá tækifæri
í byrjunarliðinu og tel mig klárlega eiga
heima þar,“ sagði Emil sem verið meidd-
ur mikið til síðan Renzo Ulivieri tók við
stjórnartaumunum hjá Reggina.
„Ulivieri hefur verið að breyta liðinu mikið og prófa ýmsa hluti og
ég hef verið að spila fyrir aftan framherjana í einu af kerfunum sem
hann hefur látið okkur spila. Ég hef líka verið inni á miðjunni og úti
á vinstri kantinum þannig að maður veit ekki alveg hvar maður
stendur,“ sagði Emil sem hefur þó fulla trú á því að Reggina, sem
er í fallsæti eins og er, nái að rétta úr kútnum.
„Febrúar er búinn að reynast okkur erfiður
og fram undan eru mjög erfiðir leikir gegn
Juventus heima og Lazio á útivelli. Það er
aftur á móti ljóst að við verðum að fara að
taka stig úr fleiri leikjum, þá sérstaklega á
heimavelli. Markmiðið hjá Reggina eins og
staðan er núna er einfaldlega að bjarga sér
frá falli og menn eru einbeittir að ná því en
það verður erfitt. Það eru í raun og veru
allir leikir í Serie A mjög erfiðir og ég
held að margir geri sér ekki grein fyrir
hversu sterk liðin eru sem koma næst á
eftir toppliðunum fjórum,“ sagði Emil.
EMIL HALLFREÐSSON: HEFUR VERIÐ Á BEKKNUM Í SÍÐUSTU LEIKJUM REGGINA EFTIR AÐ HAFA NÁÐ SÉR AF MEIÐSLUM
Tel mig klárlega eiga heima í byrjunarliði Reggina
HANDBOLTI Ólafur Stefánsson lands-
liðsfyrirliði hefur ákveðnar skoð-
anir á landsliðsþjálfaramálum
íslenska landsliðsins. Hann mælir
með Óskari Bjarna Óskarssyni í
starfið en segir fleiri kosti koma til
greina. Honum hugnast ágætlega
að fá Guðmund Guðmundsson
aftur en setur spurningarmerki við
Viggó Sigurðsson. Aðspurður segir
hann ekki koma til greina að þjálfa
liðið sjálfur þó svo að það væri
tímabundið.
„Dagur og Geir hefðu verið góðir
í starfið að mínu mati og ég per-
sónulega vildi fá Dag. Ég held að
Patrekur eigi eftir að verða flottur
þjálfari eftir nokkur ár en kannski
ekki tilbúinn núna. Óskar Bjarni
gæti komið inn að mínu mati og
ekki væri verra ef hann hefði
góðan mann með sér. Hann er vel
að sér og frábær persónuleiki,“
sagði Ólafur við Fréttablaðið en
hann segist hafa verið misskilinn
þegar fólk taldi að hann vildi
útlending í starfið er hann óskaði
eftir manni með nýjar hugmyndir
og ferska strauma.
Liðið má ekki við of miklum breyt-
ingum
„Ég vil þjálfara með heildarsýn og
helst íslenskan. Ekki útlending sem
ætlar að breyta öllu því það er of
seint. Liðið má ekki við of miklum
breytingum á þessum tímapunkti.
Það gæti orðið hættulegt enda
finnst mér ekki vanta mikið upp á
hjá liðinu. Þjálfarinn þarf að vera
virkur, í góðu sambandi við leik-
mennina og sífellt að halda mönn-
um við efnið og peppa þá upp fyrir
ólympíuverkefnið. Nú er undirbún-
ingstímabilið hjá okkur í landslið-
inu fyrir ólympíuleikana hafið að
mínu mati. Menn eiga að vera byrj-
aðir að undirbúa sig í hausnum og
vera með fókus á verkefninu.
Ég vil að menn byrji að undirbúa
sig hjá sínum félagsliðum og geri
örlítið betur hverju sinni og leggi
meira á sig með hliðsjón af ólymp-
íuverkefninu sem er fram undan.
Hæfileikarnir eru til staðar að fara
áfram og þegar kviknar á vélinni
getur allt gerst. Ef menn eru ekki
meðvitaðir og horfa ekki fram í
tímann þá getur komið eitthvað
óvænt upp á. Þetta snýst um metn-
að og að setja pressu á sig. Ef menn
tapa þá geta þeir í það minnsta
huggað sig við að hafa gert allt sem
þeir gátu til að ná markmiðinu,“
sagði Ólafur.
Nokkur nöfn eru uppi á borðinu
þessa dagana sem mögulegir lands-
liðsþjálfarar. Bogdan Kowalczyk
sagði við Vísi að hann væri til í að
hjálpa Íslandi og tveir aðrir fyrr-
um landsliðsþjálfarar – Guðmund-
ur Guðmundsson og Viggó Sigurðs-
son – hafa ekki viljað loka hurðinni
á að koma inn aftur.
„Það væri allt í lagi að fá Gumma
en ég set spurningarmerki við
Viggó. Mér finnst Guðmundur vera
betri kostur en Viggó. Við erum
enn að spila svolítinn Gumma bolta.
Ég segi nei við Bogdan því ég held
að hann sé vel á eftir en ég tek samt
ekkert frá honum það sem hann
gerði fyrir handboltann á Íslandi
sem var frábært,“ sagði Ólafur.
henry@frettabladid.is
Guðmundur betri kostur en Viggó
Ólafur Stefánsson landsliðsfyrirliði segir að Bogdan Kowalczyk sé ekki góður kostur fyrir íslenska lands-
liðið. Hann mælir með Óskari Bjarna Óskarssyni í verkefnið en segir ekki slæmt að ráða Guðmund Guð-
mundsson sem sé betri kostur en Viggó Sigurðsson. ÓL-undirbúningurinn á að byrja strax, segir Ólafur.
ALLI, HVER Á AÐ TAKA VIÐ? Ólafur Stefánsson segir að það hefði verið best ef Alfreð
hefði getað haldið áfram með landsliðið. Hann vill fá íslenskan þjálfara og honum
líst ekki á að fá Bogdan aftur. FRÉTTABLAÐIÐ/PJETUR
> Ragna féll úr leik
Ragna Ingólfsdóttir, margfaldur Íslandsmeistari í bad-
minton úr TBR, féll úr leik í undanúrslitum á alþjóða
austurríska meistaramótinu í badminton sem stendur
nú yfir í Vínarborg. Ragna vann sænsku stúlkuna Emelie
Lennartsson, sem er númer 109 á heimslista badminton-
spilara og er almennt talin vera önnur sterkasta
badmintonkona Svíþjóðar, í átta manna
úrslitum í tveimur lotum, 21-12 og
21-9, í gærmorgun. Seinna um daginn
mætti Ragna svo kínversku stúlkunni
Xi Zhang í undanúrslitum og tapaði
eftir mikla baráttu í tveim lotum, 20-
22 og 15-21.
FÓTBOLTI Sir Alex Ferguson,
knattspyrnustjóri Manchester
United, er afar ósáttur með
launakröfur varnarmannsins Wes
Brown, sem hefur staðið í
samningaviðræðum við Englands-
meistarana í langan tíma og verið
tregur til að framlengja núverandi
samning sinn sem rennur út næsta
sumar.
„Leikmenn nú til dags eru
algjörlega í vasanum á umboðs-
mönnum sínum og það er sorglegt.
Wes hefur verið hjá United síðan
hann var tólf ára gamall, en það
virðist bara ekki skipta máli hjá
atvinnumönnum nú til dags. Wes
veit alveg hvaða skoðun ég hef á
þessu og leikmenn hafa einnig
rætt við hann þannig að boltinn er
hjá honum. Það er samt ótrúlegt að
hann sé ekki búinn að skrifa
undir,“ sagði Ferguson pirraður. - óþ
Alex Ferguson, Man. Utd:
Umboðsmenn
ráða öllu í dag
Dekradu vid makann med vorum fra
Lush
- Láttu renna í rómantískt bað með kertaljósum,
rósablöðum og unaðslegri baðbombu frá Lush.
- Ekkert er eins notalegt og að snæða ljúffengann
mat undir kertaljósum með elskunni, laumaðu
dekurgjöf að konunni þinni og sýndu henni að
hún eigi skilið dekur alla daga ársins.
Gjöfin inniheldur nuddstykki, baðbombur,
freyðiböð og likamskrem.
- Komið ykkur notalega fyrir og njótið stundarinar,
dragðu upp nuddstykkið og toppaðu kvöldið með
ógleymanlegu nuddi.
Til hamingju med daginn
-
-
- -
.. ,
Í DAG KL. 17:10
NEWCASTLE
MAN. UTD.
TRYGGÐU ÞÉR ÁSKRIFT30%
aukaafslá
ttur af fyr
sta
mánuðinu
m ef þú ka
upir
áskriftina
á syn.is
m.v. 12 má
naða
skuldbind
ingu