Fréttablaðið - 23.02.2008, Blaðsíða 86

58 23. febrúar 2008 LAUGARDAGUR
1
6 7 8
10
13
119
12
15
16
18
21
20
17
14
19
2 3 4 5
PERSÓNAN
LÁRÉTT
2. máta 6. frá 8. klæðalaus 9. sarg 11.
gyltu 12. rok af hafi 14. land í Asíu 16.
í röð 17. pfn. 18. ennþá 20. tveir eins
21. velta.
LÓÐRÉTT
1. höfuð 3. í röð 4. mataráhald 5.
traust 7. hraustur 10. æxlunarkorn 13.
maðk 15. sóða 16. húðpoki 19. núna.
LAUSN
LÁRÉTT: 2. hátt, 6. af, 8. ber, 9. urg,
11. sú, 12. særok, 14. kórea, 16. hi,
17. mig, 18. enn, 20. ðð, 21. snúa.
LÓÐRÉTT: 1. haus, 3. áb, 4. teskeið,
5. trú, 7. frækinn, 10. gró, 13. orm, 15.
agða, 16. hes, 19. nú.
Lárus H. List
Aldur: 51 árs.
Starf: Listamaður.
Fjölskylda: Á tvö börn, Baldur og
Guðrúnu Evu, og þrjú barnabörn.
Foreldrar: Hinrik Lárusson verslun-
armaður og Ingibjörg Sigurðardóttir
hjúkrunarfræðingur.
Búseta: Gránufélagsgata 31,
Akureyri.
Stjörnumerki: Fiskur.
Bandaríska verslunarkeðjan Wal-
Mart hefur höfðað mál gegn Lárusi
vegna lénsins wa1mart.com.
World Trade Center rís á hafnar-
bakkanum í Reykjavík. Reyndar
ekki tveir risastórir turnar eins
og þeir sem hrundu í New York,
heldur World Trade Center
Reykjavík, sem er 16.000 fer-
metra viðskiptamiðstöð. Þar
verða skrifstofur, fundarsalir og
verslanir. Nýsir hf. er eigandi
viðskiptamiðstöðvarinnar og
hefur umboð frá og er í samvinnu
við World Trade Center Associat-
ion. Byggingar World Trade Cent-
er er að finna í þrjú hundruð
borgum í nálægt eitt hundrað
löndum og þar er boðið upp á við-
skiptaþjónustu á heimsvísu.
Húsið verður kennt við World
Trade Center og það fyrirtæki
hefur starfsemi sína á hálfri hæð.
Stærstur hluti hússins verður svo
leigður út til ýmissa aðila.
Viðskiptamiðstöðin er hönnuð
af Henning Larsen arkitektum,
þeim sömu og hönnuðu Nýja tón-
listar- og ráðstefnuhúsið og hót-
elið. Viðskiptamiðstöðin mun
halla frá tónlistarhúsinu til að
það fái gott pláss og standi eitt og
sér. Tónlistarhúsið opnar í desem-
ber á næsta ári en World Trade
Center Reykjavík verður ekki í
tekið í notkun fyrr en árið 2010
eða 2011. - glh
World Trade Center í Reykjavík
VELKOMIN Í FRAMTÍÐINA Teikning af innviðum WTC RVK.
Myrra Rós Þrastardóttir, nemi í Listaháskóla
Íslands og tónlistarkona, varð fyrir því óláni
aðfaranótt fimmtudags að kassagítar sem
henni er afar hugfólginn var stolið úr bíl henn-
ar á Grundarstíg. „Ég og Elín Eyþórsdóttir,
vinkona mín, vorum að spila á anti-rasisma
tónleikunum hans Bubba. Eftir tónleikana
gleymdi ég gítarnum aldrei þessu vant úti í bíl,
og gleymdi að læsa bílnum í þokkabót. Ég átt-
aði mig á því morguninn eftir þegar ég var á
leiðinni í skólann að gítarinn var horfinn,“
útskýrir Myrra.
Hún brá á það ráð að lýsa eftir gítarnum á
vefsamfélaginu MySpace, þar sem skilaboð frá
henni gengu manna á milli. „Um leið og ég setti
mína auglýsingu upp var hún komin út um allt.
Fólk sem ég þekki ekki neitt var búið að birta
hana hjá sér,“ segir Myrra, sem kveðst ekki
hafa búist við svo góðum undirtektum.
Gítarinn er þó enn ekki kominn í leitirnar.
Hann er af gerðinni Drexel Starfield Ovation,
svartur, með grænum hring í miðjunni. Á
honum er brún leðuról. Eins og fram kemur í
auglýsingu Myrru hefur gítarinn töluvert
meira tilfinningalegt gildi en peningalegt, en
hann hefur til að mynda brotnað fjórum sinn-
um á hálsinum. „Mér þykir mjög vænt um
þennan gítar. Pabbi minn átti hann og gaf mér
hann í afmælisgjöf þegar ég varð tuttugu og
eins,“ útskýrir Myrra. Hægt er að hafa sam-
band við hana á netfanginu myrra07@lhi.is.
- sun
Leitar stolins gítars á Myspace
TILFINNINGALEGT GILDI Stolni gítarinn hefur mun
meira tilfinningalegt gildi en peningalegt, að sögn
Myrru, en hún fékk hann í afmælisgjöf frá föður sínum.
FRÉTTABLAÐIÐ/PJETUR
Athafnamaðurinn Kristján Ragnar
Kristjánsson og leikkonan Halla
Vilhjálmsdóttir hafa slitið samvist-
ir. Þau höfðu verið saman um nokk-
urt skeið en ástæða sambandsslit-
anna er sú að þau eru búsett hvort
í sínu landinu. Fjarlægðin og tíð
ferðalög gerðu því út um sam-
bandið en Kristján og Halla eru að
sögn enn perluvinir. Halla er búsett
í London þar sem hún reynir að
koma sér á framfæri sem leikkona.
Kristján býr aftur á móti í Stokk-
hólmi þar sem
hann starfar
að mark-
aðssetningu
gamanleiksins
Hellisbú-
ans og
fleiri
sýninga.
Athyglisverð staða er að koma upp
í útgáfumálum eftir að JPV og Edda
runnu saman í eina sæng sem
Forlagið. Minni bókaútgáfur spretta
fram og aðrar sem fyrir voru styrkja
sig. Þannig hefur Veröld, þar sem
Pétur Már Ólafsson ræður ríkjum
og stjórnar frá Belgíu, náð að setja
önglana sína í metsöluhöfundinn
John Grisham en bækur hans
voru áður gefnar út hjá Iðunni og
Vöku-Helgafelli – útgáfur sem nú
eru undir hatti Forlagsins. Pétur Már
var reyndar áður hjá Vöku-Helgafelli
þannig að hann hefur ekki þurft
lengi að fletta í símanúmerabók
sinni. Og hrósar nú happi því
Grisham er ekki ónýtur höfundur að
hafa á sínum snærum.
Stjórn Félags kráareigenda kom
saman í vikunni. Meðal þess sem
bar á góma var undirbúningur fyrir
bjórdaginn 1. mars. Kormákur
Geirharðsson gerði að tillögu sinni
að gott innlegg í þá hátíð væri að
bjóða upp á bjór á sama verði og
var fyrir 19 árum þegar
bjórinn var lögleiddur.
En uppgötvaði í miðri
setningu að verðið er
það hið sama og var:
um fimm hundruð kall
víðast hvar. -hdm/jbg
FRÉTTIR AF FÓLKI
„Ég gerði ýmsa hluti fyrir sjálfan
mig en ætla ekkert að fara út í það
nánar. Ég er bara nýr og breyttur
maður,“ segir Ívar Örn Kolbeins-
son, sem er kominn aftur til
Íslands eftir sjálfskipaða eins árs
útlegð í Kaupmannahöfn. Ívar
spilar á nýjum tónleikastað, 7-9-
13, í kvöld ásamt hljómsveit sinni
The Musik Zoo og var augljóslega
fullur tilhlökkunar að leyfa tón-
listarþyrstum Reykvíkingum að
heyra hvað hann hefði fram að
færa.
Ívar Örn var á allra vörum fyrir
einu og hálfu ári þegar danssveit-
in Dr. Mister & Mister Handsome
tröllreið öllum vinsældalistum.
Fjölmiðlar fylgdu meðlimum
hennar hvert fótmál og Ívar lét
frá sér digurbarkalegar yfirlýs-
ingar um frjálsar ástir og neyslu
eiturlyfja. Textar hljómsveitar-
innar voru mjög umdeildir, enda
lofuðu þeir neyslu eiturlyfja og
mörgum fannst þeir sýna konum
lítilsvirðingu. Allt ætlaði síðan
um koll að keyra þegar Ívar birt-
ist á forsíðu Sirkus undir fyrir-
sögninni „Ætla að djamma þar til
ég drepst“. Söngvarinn og laga-
höfundurinn er hins vegar breytt-
ur maður í dag, segist hafa snúið
við blaðinu enda hafi þetta allt
verið komið úr böndunum.
Ívar hefur verið að fást við
smíðavinnu í Kaupmannahöfn en
tónlistin hefur aldrei verið langt
undan. „Og svo hefur maður bara
verið að sinna fjölskyldunni
sinni,“ en Ívar á eins og hálfs árs
gamlan son með unnustunni sinni
Hildi Karen. Ívar segist hafa
kunnað vel við sig í Danmörku en
reiknar þó ekki með því að fara
þangað aftur. Nú sé hann að leita
að skólum en hann hyggst setjast
á skólabekk og læra hljóðtækni.
„Lönd eins og Slóvenía, Holland
og Skotland koma vel til greina
fyrir þetta.“
Augu fólks beinast hins vegar
ekki að Ívari fyrri part kvöldsins í
kvöld því litla systir hans,
Rebekka Kolbeinsdóttir, syngur
sem kunnugt er Eurovisionlagið
Ho Ho Ho, We Say Hey, Hey, Hey
sem er talið sigurstranglegt. Ívar
segist að sjálfsögðu ætla að kjósa
litlu systur en var ekki alveg
búinn að gera það upp við sig
hvort hann ætlaði að mæta í
Smáralindina. „Mér finnst þetta
alveg rosalega flott lag og er alveg
sannfærður um að hún eigi eftir
að vinna þetta.“ freyrgigja@frettabladid.is
ÍVAR ÖRN KOLBEINSSON: ÆTLAR AÐ KJÓSA LITLU SYSTUR Í EUROVISION
Nýr og breyttur Ívar Örn
BREYTTUR MAÐUR Það er annar Ívar sem undirbýr tónleikana á 7-9-13 í kvöld en sá sem tröllreið allri fjölmiðlaumræðu fyrir einu
og hálfu ári. Ívar hefur tekið sig taki og sagt skilið við eiturlyfjadjöfulinn. FRÉTTABLAÐIÐ/STEFÁN
Das Auto.
Auglýsingasími
– Mest lesið