Fréttablaðið - 23.02.2008, Blaðsíða 81
LAUGARDAGUR 23. febrúar 2008 53
Tíska og tónlist verða í fyrirrúmi
þegar bresku plötusnúðarnir
Kiki-Ow og Davo þeyta skífum á
skemmtistaðnum Organ í kvöld.
Viðburðurinn ber yfirskriftina
Kraftwerk Orange og verður
hann haldinn reglulega hér á landi
í framtíðinni. Á þessum klúbba-
kvöldum verður spiluð tónlist
sem spannar síðustu fimm ára-
tugi þar sem blandað verður
saman britpoppi, rokki, nýbylgju-
tónlist og electroclash.
DJ Kiki-Ow (einnig þekkt sem
Kitty Von-Sometime) hélt áður
partí til heiðurs endurvakningu
tíunda áratugarins með félaga
sínum Curver. Dave er uppalinn í
London og spilaði reglulega sem
plötusnúður í The Strongroom og
Plastic People sem eru tveir af
umtöluðustu klúbbunum í East
End-hverfinu.
Partíið stendur yfir frá 23.30 til
5 um nóttina. Miðaverð er 1000
krónur en þeir sem klæða sig
flottast fá afslátt til kl. 1.30.
Ný klúbbakvöld
Páll Óskar Hjálmtýsson óttast að
hið árlega Eurovision-ball hans á
Nasa í kvöld verði það síðasta sem
hann haldi þar. Ástæðan er hugs-
anlegt niðurrif skemmtistaðarins
í ágúst.
„Stjórnvöld geta ekki selt mér
að það verði bæði hótel og tón-
leikastaður áfram á sama svæði.
Ég trúi því ekki að hótelgestir vilji
hafa tónleikasal við hliðina á hót-
elinu. Ég vil fá að heyra sannleik-
ann og fá að sjá þessar teikning-
ar,“ segir Páll Óskar. „Ég vil að
þessar teikningar verði birtar
opinberlega því mér er ekki sama
hvort það á að fara að rífa þennan
stað.“
Eurovision-ball Páls Óskars á
Nasa verður það sjötta í röðinni.
Þar koma fram hljómsveitirnar
Mercedes Club, Eurobandið og
Haffi Haff. „Lagið hans hefði átt
heima í þessari úrslitakeppni,“
segir hann um The Wiggle Wiggle
Song sem Haffi flutti. „Ég vil
klappa Haffa á bakið með því að
bjóða honum að troða upp í partí-
inu.“
Páll, sem samdi enskan texta
við lag Eurobandsins, telur að sú
sveit ásamt Merzedes Club berjist
um sigurinn í úrslitunum. „Núna
er þetta ógeðslega spennandi. Þrír
af lagahöfundunum í keppninni
eru persónulegir vinir mínir. Ég
þekki Dr. Gunna, Barða og Örlyg
Smára og ég sjálfur myndi sam-
fagna hverjum þeim sem færi út
en sem „Júrófan“ og spekúlant þá
verður reiptogið á milli Euro-
bandsins og Merzedes Club.“ - fb
Gæti orðið lokaballið á Nasa
PÁLL ÓSKAR Páll Óskar óttast að Eurovi-
son-ball hans á Nasa verið það síðasta
í röðinni.
DAVO OG KIKI-OW Plötusnúðarnir Davo
og Kiki-Ow þeyta skífum á Organ í
kvöld.
Rokksveitin Foo Fighters hefur
höfðað mál gegn myndasöguris-
anum Marvel fyrir að nota tvö lög
hennar án leyfis í nýrri teikni-
myndaröð. Marvel er sakað um að
hafa notað stóran hluta af
lögunum Best of You og Free Me
til að kynna þáttinn Wolverine
and the X-Men. Krefjast Foo
Fighters skaðabóta vegna brots á
höfundarréttarlögum.
Foo Fighters eru á sigurbraut
um þessar mundir og búast
væntanlega við öruggum sigri í
málinu eftir að hafa hlotið bæði
tvenn Grammy-verðlaun og tvenn
Brit-verðlaun á skömmum tíma.
Höfða mál
gegn Marvel
FOO FIGHTERS Hafa höfðað mál gegn
myndasögurisanum Marvel.
Kauptu Mr. & Mrs. Smith á DVD í næstu BT
verslun og þú færð bíómiða* á stórmyndina
Jumper sem nú er sýnd í kvikmyndahúsum.
*Meðan birgðir endast
1.499