Fréttablaðið - 29.02.2008, Blaðsíða 4

4 29. febrúar 2008 FÖSTUDAGUR
HAFNARFJÖRÐUR Amal Tamimi,
varabæjarfulltrúi Samfylkingar-
innar, tók sæti í bæjarstjórn
Hafnarfjarðar á þriðjudaginn.
Þetta er í fyrsta
sinn sem
innflytjandi
tekur sæti í
bæjarstjórn
Hafnarfjarðar.
Amal segist
hafa verið mjög
stressuð en allir
hafi tekið sér
mjög vel og
fundurinn
gengið vel.
Á fundinum lagði Amal fram
tillögu um að ráða sérfræðing til
bæjarins til að sjá um málefni
innflytjenda og hafa meiri
samskipti við Alþjóðahús í
Reykjavík. Þannig yrði til vísir að
Alþjóðahúsi í Hafnarfirði.
Tillögunni var vísað til bæjar-
ráðs. - ghs
Bæjarstjórn Hafnarfjarðar:
Innflytjandi
tekur sæti
AMAL TAMIMI
BRETLAND Óvenjusterkur jarð-
skjálfti varð á Englandi aðfaranótt
miðvikudags. England er ekki á
virku jarðskjálftasvæði, en það
kemur fyrir af og til að hreyfing
verður á jarðlögum.
Skjálftinn átti upptök sín í
Lincolnskíri og mældist 5,2 á
Richterskvarða. Fannst greinilega
fyrir honum um allt norðanvert og
Mið-England, auk mestalls Wales.
Húsgögn fóru víða á hreyfingu og
sprungur komu í byggingar. Nítján
ára námsmaður í Wombwell í
Suður-Jórvíkurskíri mjaðmarbrotn-
aði er skorsteinn hrundi. Ekki
fréttist af öðrum skaða á fólki, að
sögn fréttavefjar BBC. - aa
Jarðhræringar í Bretlandi:
Mesti skjálfti á
Englandi í 25 ár
KENÍA, AP Mwai Kibaki, forseti
Kenía, og Raila Odinga, einn helsti
leiðtogi stjórnarandstöðunnar, und-
irrituðu í gær samning um að
skipta með sér völdum.
Kofi Annan, fyrrverandi
framkvæmdastjóri Sameinuðu
þjóðanna, hefur vikum saman
reynt að fá þá til að semja svo
binda megi enda á átökin sem
hófust eftir forsetakosningar í lok
síðasta árs.
Bæði Kibaki og Odinga sögðust
hafa sigrað í kosningunum.
Ásakanir hafa verið um að
opinberar niðurstöðutölur
kosninganna hafi verið falsaðar. - gb
Sáttamiðlun í Kenía:
Samningurinn
undirritaður
ORKA Gengið var frá skipun nýrr-
ar þriggja manna stjórnar REI í
gær. Stjórnarformaður REI er
Kjartan Magnússon, sem einnig
er stjórnarformaður Orkuveitu
Reykjavíkur. Með honum sitja
Ásta Þorleifsdóttir, varaformaður
Orkuveitunnar, og Hjörleifur B.
Kvaran, forstjóri Orkuveitunnar.
Hjörleifur mun sitja í stjórninni
þangað til minnihlutinn skipar
sinn fulltrúa í hans stað. Sigrún
Elsa Smáradóttir úr Samfylkingu
segir að minnihlutinn ætli að velja
mann úr atvinnulífinu sem full-
trúa sinn, en ekki var búið að
ganga frá valinu í gærkvöldi.
„Það er ljóst að pólitískir vind-
ar hafa leikið um þetta fyrirtæki
og það er nátengt Orkuveitunni.
Stefnumótun REI verður ekki
síður innan hennar. Ég taldi því
að best væri að tengslin þarna á
milli væru mikil, að minnsta
kosti til að byrja með. Svo sjáum
við til hvað verður. Það var mjög
mikilvægt að eyða óvissunni,“
segir Kjartan. Með þessu fyrir-
komulagi sé umboð stjórnar REI
afar skýrt.
Sjálfstæðismenn gagnrýndu á
sínum tíma áhættusama útrás í
opinberri eigu. Kjartan segir að
nú verði þess gætt að útrásin
verði ekki áhættusöm, heldur
hófleg. „En við höfum aldrei
gagnrýnt útrásina sem slíka.“
- kóþ
Minnihlutinn ætlar að sækja sinn stjórnarmann úr atvinnulífinu:
Kjartan stjórnarformaður REI
KJARTAN MAGNÚSSON Er nýr stjórnar-
formaður REI. FRÉTTABLAÐIÐ/STEFÁN
VEÐURSPÁ
Kaupmannahöfn
Billund
Ósló
Stokkhólmur
Gautaborg
London
París
Frankfurt
Friedrichshafen
Berlín
Alicante
Mallorca
Basel
Eindhoven
Las Palmas
New York
Orlando
San Francisco
HEIMURINN
Vindhraði er í m/s.
Hitastig eru í °C.
Gildistími korta er um hádegi.
8°
7°
4°
5°
6°
12°
13°
11°
7°
9°
20°
16°
9°
10°
21°
24°
24°
16°
Á MORGUN
5-13 m/s víðast hvar
hægastur syðra.
SUNNUDAGUR
Austan og norðaustan
8-18 m/s hvassast
syðst.
ÁFRAM SNJÓ-
KOMA EÐA ÉL
Enda þótt víða
megi búast við
ofankomu erum
við fyrst og fremst
að tala um suður-
ströndina í dag og
síðan Vestfi rðina
eftir hádegi. Í kvöld
hins vegar verður
úrkomulítið sunn-
an til en snjókoma
eða él norðan til
og austan. Vægt
frost.
siggistormur@365.is
-4
-3
-4
-2 -3
0
-3
-2
-3
-4
1
6
10
13
7 3
3
5
13
10
14
13
20
16
-3
-3 -3
0
0
-3 -3
-4 -6
-4
Sigurður Þ.
Ragnarsson
veður-
fræðingur
ALÞINGI Ekkert tilefni hefur komið
fram til að skipa rannsóknar-
nefnd til að fjalla um fangaflug
bandarísku leyniþjónustunnar
CIA, sagði Ingibjörg Sólrún
Gísladóttir á Alþingi í gær.
Ingibjörg ítrekaði það sem hún
hefur áður sagt að vart sé
mögulegt að sannreyna að vélar
CIA hafi lent hér á landi með
fanga, þegar hún svaraði fyrir-
spurn Steingríms J. Sigfússonar,
formanns VG, um fangaflugið.
Steingrímur sagði þessi svör
valda vonbrigðum. Hann hafi
áður bent á einfalda leið til að
rannsaka hvort fangar hafi verið
um borð í vélum CIA með því að
skoða hvaða kostur hafi verið
tekinn um borð á Íslandi. - bj
Utanríkisráðherra á Alþingi:
Fangaflug ekki
rannsakað
SÓTTIR Annar strætisvagn kom fljótlega
til að sækja farþegana í vagninum.
FRÉTTABLAÐIÐ/BRJÁNN
SLYS Engin slys urðu á fólki þegar
strætisvagn lenti í þriggja bíla
árekstri á mótum Skothúsvegar
og Sóleyjargötu í hádeginu í gær.
Strætisvagninn var kyrrstæður
á rauðu ljósi eins og jepplingur
fyrir aftan hann. Fólksbíl var þá
ekið aftan á jepplinginn, með
þeim afleiðingum að hann
kastaðist á strætisvagninn.
Samkvæmt upplýsingum frá
Strætó varð ekki mikið tjón á
vagninum, en sækja þurfti
farþega á öðrum vagni til að
halda áætlun. Hinir bílarnir
skemmdust nokkuð. - bj
Strætisvagn í árekstri:
Lítið tjón og
enginn slasaður
GENGIÐ 28.02.2008
GJALDMIÐLAR KAUP SALA
HEIMILD: Seðlabanki Íslands
128,8604
GENGISVÍSITALA KRÓNUNNAR
65,30 65,62
129,27 129,89
98,52 99,08
13,178 13,256
12,526 12,600
10,523 10,585
0,6128 0,6164
104,58 105,20
Bandaríkjadalur
Sterlingspund
Evra
Dönsk króna
Norsk króna
Sænsk króna
Japanskt jen
SDR
STJÓRNSÝSLA „Þetta er mikil fljótaskrift, og mér sýnist
þetta vera mjög óvönduð stjórnsýsla,“ segir Árni Þór
Sigurðsson, þingmaður Vinstri grænna, um skipan
Þorsteins Davíðssonar í embætti héraðsdómara.
Ákvörðun setts dómsmálaráðherra um að skipa
Þorstein í embætti dómara er eina dæmið um að
umsækjandi sem ekki var metinn mjög vel eða vel
hæfur hafi verið skipaður héraðsdómari á síðustu tíu
árum, þegar lög um skipan dómara breyttust.
Þetta kemur fram í skriflegu svari Björns Bjarna-
sonar dómsmálaráðherra við fyrirspurn Árna Þórs á
Alþingi.
Árni M. Mathiesen fjármálaráðherra var settur
dómsmálaráðherra í málinu, og gekk framhjá áliti
dómnefndar, sem taldi aðra umsækjendur hæfari, við
skipan Þorsteins. Fjármálaráðherra svaraði einnig
fyrirspurn Árna Þórs um málið skriflega í gær.
Í svari hans kemur fram að hann hafi verið settur
dómsmálaráðherra á ríkisstjórnarfundi 18. desember
2007, og tekið ákvörðun um að skipa Þorstein fyrir
lok dags 20. desember, tveimur og hálfum vinnudegi
síðar.
Ráðherra aflaði ekki nýrra gagna, né hafði hann
samband við meðmælendur, „en skrifleg meðmæli
sem fyrir lágu í málinu höfðu áhrif á ákvörðun
ráðherrans“, segir í svari Árna Mathiesen.
Árni Þór segir það vekja athygli að þessi umdeilda
skipan dómara sé einsdæmi á síðasta áratug, þegar
alls fimmtán dómarar hafi verið skipaðir við
héraðsdóma landsins.
„Mér sýnist settur dómsmálaráðherra hafi sáralítið
gert annað en að að taka ákvörðun um að skipa
umræddan einstakling í þetta dómaraembætti,“ segir
Árni Þór. Augljóslega hafi ráðherra ekki þurft að
leggjast vandlega yfir málið áður en hann gerði upp
hug sinn.
Árni Þór gagnrýnir enn fremur að tvær vikur hafi
liðið frá því dómnefndin skilaði niðurstöðu sinni þar
til umsækjendur fengu umsagnir í hendur, og fengu
tækifæri til að svara þeim. Slíkt eigi að gerast
tafarlaust eftir að nefndin skili niðurstöðu.
Mikilvægt er að umræða fari fram um þau
vinnubrögð sem viðgangist við skipun dómara, segir
Árni Þór.
„Þetta eru mjög viðkvæm störf, dómarar verða að
njóta trausts og trúnaðar allrar þjóðarinnar. Það
verður að vera hafið yfir vafa að það séu fagleg og
hlutlaus sjónarmið sem ráða ferðinni.“
Ekki náðist í Árna M. Mathiesen fjármálaráðherra
vegna málsins í gær. brjann@frettabladid.is
Óvönduð stjórnsýsla
við skipan Þorsteins
Skipan Þorsteins Davíðssonar í embætti héraðsdómara er einsdæmi á síðustu
tíu árum, segir þingmaður VG. Fjármálaráðherra skipaði í stöðuna tveimur og
hálfum sólarhring eftir að málið kom á hans borð, og aflaði ekki nýrra gagna.
MEÐMÆLI Fram kemur í svari Árna M. Mathiesen sem lagt var
fram á Alþingi í gær að skrifleg meðmæli umsækjenda um
embætti héraðsdómara hafi haft áhrif á ákvörðun Árna.
FRÉTTABLAÐIÐ/AUÐUNN