Fréttablaðið - 29.02.2008, Blaðsíða 71

FÖSTUDAGUR 29. febrúar 2008 39
Nýr heimur bíður Juno þegar hún
þarf að leysa vandamál sem hún
hefur ekki þurft að kljást við
áður: Hún er ólétt eftir besta vin
sinn og hvorugt þeirra hefur
þroska til þess að leysa vanda-
málið án stuðnings góðra vina og
hvors annars.
Juno er lítil sjálfstæð fram-
leiðsla í leikstjórn Jason Reitman,
sem er hérna að leikstýra annari
kvikmynd sinni. Handrit myndar-
innar er frumraun fatafellunnar
og bloggarans Diablo Cody. Hér
er á ferðinni hjartnæm og falleg
mynd – litla myndin sem gat.
Myndin hlaut á dögunum fjórar
Óskarstilnefningar, þ.á.m. fyrir
bestu mynd, leikstjórn og hand-
rit, og hlaut styttuna fyrir það
síðastnefnda.
Jason Reitman, sonur leikstjór-
ans Ivans Reitman, leikstýrði
hinni ágætu satíru Thank You For
Smoking fyrir nokkrum árum.
Hann kemur sterkur inn ásamt
Judd Apatow og félögum í nýja
bylgju af þroskuðum gaman-
myndum þar sem handrit og
góður leikur hefur tekið stakka-
skiptum frá gamanmyndum síð-
astliðinna ára. Handrit Juno er
einstaklega hnyttið og skemmti-
legt, og orðaleikir Codys eru afar
vel skrifaðir og skemmir ekki
fyrir skrautlegur orðaforði sem
kemur sífellt á óvart. Ýmsar til-
vísanir í poppmenningu á borð
við Thundercats og leikstjórann
Dario Argento passa vel inn í
myndina.
Ungstirnið Ellen Page fer
hreint á kostum sem hin 16 ára
ólétta Juno. Allir taktar og stælar
mætti halda að væru Page eins
eðlilegir og að anda; hún fer með
þvílíkt ferskar og skrautlegar,
óþvingaðar setningar sem maður
gæti haldið að væru skáldaðar á
staðnum. Þrátt fyrir að látast
vera hörð af sér er Juno óharnað-
ur unglingur með hjartað á rétt
um stað, og tekst Page frábær-
lega að koma því til skila. Faðir
barnsins, Bleeker, er leikinn af
Michael Cera sem sumir hverjir
þekkja úr þáttunum Arrested
Development. Líkt og þar, sem og
í myndinni Superbad, leikur Cera
sams konar vandræðalegan en
fyndinn aula. Það er svo alltaf
jafn ánægjulegt að sjá Jason
Bateman í góðri rullu en hann lék
einmitt föður Cera í Arrested
Development. Aðrir leikarar á
borð við Jennifer Garner, Rainn
Wilson og þá sérstaklega J.K.
Simmons standa sig vel.
Tónlistin í myndinni er frábær;
frá upphafslaginu til lokalagsins
sem slær þægilega botninn í
myndina. Frumleg og sjaldheyrð
„indie“ tónlist fer myndinni mjög
vel.
Þær eru ekki margar sem leyna
á sér jafn mikið og Juno, og í raun
er hún ekki ólík Little Miss Suns-
hine sem kom fyrir rúmu ári; hug-
ljúf og falleg mynd sem slær á létta
strengi en hefur þroskaða sögu í
fyrirrúmi. Vignir Jón Vignisson - Topp5.is
Óharðnaðir unglingar
KVIKMYNDIR
Juno
Leikstjóri: Jason Reitman. Að-
alhlutverk: Ellen Page, Michael
Cera.
★★★★
Hugljúf og falleg mynd á léttum
nótum. Frábær leikur unglinganna
og gott handrit gerir þessa mynd
ógleymanlega.
„Þetta er mjög djúpstæð reynsla
og áhrifamikil,“ segir tónlistar-
maðurinn Valgeir Guðjónsson sem
verður spyrill og dómari í Pop-
Quiz-spurningakeppni sem verður
haldin í fyrsta sinn á Organ í kvöld
klukkan 18.
„Maður þarf að leggast í svolitla
rannsóknarvinnu. Ég blanda
saman mínum eigin gagnabanka
og gagnabanka veraldarvefsins,“
segir hann um spurningarnar sem
hann útbjó. Þetta er í fyrsta sinn
sem Valgeir tekur þátt í keppni
sem þessari og hlakkar hann mikið
til. „Þetta er skemmtilegt tæki-
færi og ég hlakka til að fá að upp-
lifa þetta alveg í gini ljónssins,“
segir hann og er síður en svo
taugatrekktur. „Það hjálpar manni
yfirleitt aldrei að vera nervus.“
Spurður hvort keppendur þurfi
að vera sérfræðingar í sögu Stuð-
manna segir hann það ekki nauð-
synlegt og hann segist heldur ekki
gera sér grein fyrir því hversu
erfiðar spurningarnar eru. „Ég
hef ekkert viðmið því ég hef aldrei
séð þetta áður en ég hugsa að
sumar spurningarnar þyki sér-
kennilegar.“
Valgeir hefur haft öðrum hnöpp-
um að hneppa en tónlistariðkun
undanfarið þó svo að hann hafi á
dögunum samið grípandi lag fyrir
Geymslu-auglýsinguna. Leit hann
því á það sem góða tilbreytingu að
taka þátt í Pop-Quiz, sem hann
segir skemmtilegt tiltæki.
Nýr spyrill mun semja spurn-
ingar í hverri viku á Organ og í
fótspor Valgeirs munu á næstunni
feta þau Ágúst Bogason útvarps-
maður, og blaðamennirnir Helga
Þórey og Steinþór Helgi. - fb
Valgeir ríður á vaðið
VALGEIR GUÐJÓNSSON Stuðmaðurinn
Valgeir varar keppendur við sérkennileg-
um spurningum.
1. Oft steypir
lítil þúfa þungu
hlassi
„Ég meina sko,
þetta var til-
einkað bar-
þjóni sem var
dónalegur við
mig sko, eh...“
2. Eigi er kálhausinn sopinn þótt í
ausuna sé kominn
„Nei nei, ekki þeir sko, strákarnir,
heldur sko, einhver sem kallaði
mömmu mína ljótum nöfnum...“
3. Sá hlær langbest sem síðast
hlær
„Þetta var nú bara sagt í hita
augnabliksins, sko, um, sko, bún-
ingana hjá Dr. Spock...“
4. Dramb er við
hliðina á falli
„Ha, Valli
Sport? Nei nei,
ég var að tala
um sko, þarna,
stelpu sem
hrækti í áttina
að Regínu...“
5. Auðkenndur er asninn á tunn-
unum
„Æi, ég meinti... sko, það voru
dónalegir strákar á aftasta bekk
sem ulluðu á mig...“
5 MÁLSHÆTTIR SEM
FRIÐRIK ÓMAR HEFÐI LÍKA
GETAÐ KLÚÐRAÐ