Fréttablaðið - 29.02.2008, Blaðsíða 72

40 29. febrúar 2008 FÖSTUDAGUR
sport@frettabladid.is
FÓTBOLTI Framherjinn Jóhann Þór-
hallsson segist ekki vera inni í
myndinni hjá Loga Ólafssyni,
þjálfara KR, og býst ekki við að
eiga framtíð hjá félaginu. Tæki-
færi hans hafa verið af skornum
skammti og sjálfur segist hann
vilja vera hjá liði þar sem hann fái
að spila. Keflavík, Grindavík og
Fram eru á meðal þeirra liða sem
hafa borið víurnar í Jóhann.
„Ég veit voðalega lítið hver stað-
an er en ég hef heyrt um áhuga
einhverra félaga. Ég mun ræða
við KR-inga um mín mál fljót-
lega,“ sagði Jóhann við Fréttablað-
ið í gær. Baldur Stefánsson, stjórn-
armaður hjá KR-Sporti, staðfesti
að KR hefði fengið einhver tilboð í
Jóhann. Hann sagði að ef Jóhann
ætti að fara þyrfti að ganga saman
kaupverð sem og áhugi leikmanns-
ins á að ganga til liðs við viðkom-
andi félag. Það hefði ekki enn
gerst.
„Mér finnst eins og ég sé ekki
inni í myndinni og er því að skoða
mína stöðu. Mér finnst ég aldrei
hafa fengið almennileg tækifæri.
Ég tel mig vera framherja fyrst
og fremst. Ég var inn og út úr lið-
inu í fyrra og hef lítið fengið að
spila í vetur. Ég held að KR sé búið
að ákveða að selja mig,“ sagði
Jóhann, sem hefur rætt málið við
þjálfara liðsins.
„Ég hef aðeins rætt við Loga og
hann segir félagið vera með of
marga framherja en sagðist ekk-
ert vera búinn að ákveða hvaða
leikmenn hann vildi láta fara.
Hann fékk þau skilaboð að hann
þyrfti að losa mann í einhverri
stöðu til að fá miðjumann. Ég er
örugglega ofarlega á þeim lista og
þá kannski sérstaklega þar sem
það eru komin tilboð í mig,“ sagði
Jóhann en Rúnar Kristinsson, yfir-
maður knattspyrnumála hjá KR,
kom einmitt frá Danmörku á mið-
vikudag þar sem hann var að
skoða 28 ára gamlan danskan
miðjumann.
Rúnar vildi ekkert láta hafa
eftir sér með möguleikann á að
Daninn gengi í raðir KR, sagði
málið á byrjunarstigi. Hann sagði
þó leikmanninn álitlegan og að
hann hefði tjáð sér að hann vildi
breyta til og væri opinn fyrir því
að koma til Íslands.
Jóhann segir að ekki komi til
greina að leika með liðum utan
höfuðborgarsvæðisins.
„Það gengur ekki upp með
Grindavík og Keflavík vegna vinn-
unnar minnar. Annars kemur flest
annað til greina hjá mér. Mér litist
mjög vel á Fram. Ég tel mig ekki
eiga mikla framtíð hjá KR. Hjá
mér snýst málið fyrst og fremst
um að fá að spila fótbolta,“ sagði
Jóhann Þórhallsson.
henry@frettabladid.is
Held að KR sé búið að
ákveða að selja mig
Jóhann Þórhallsson býst ekki við því að eiga framtíð fyrir sér hjá KR. Nokkur
félög hafa gert tilboð í framherjann og Fram er talið koma sterklega til greina.
KR-ingar eru á höttunum eftir dönskum miðjumanni í stað sóknarmanns.
Á FÖRUM FRÁ KR? Jóhann Þórhallsson er að öllum líkindum á leið úr Vesturbænum.
Ekki er ólíklegt að hann spili með Óðni Ásgeirssyni og félögum í Fram næsta sumar.
FRÉTTABLAÐIÐ/DANÍEL
FÓTBOLTI Steven Gerrard, fyrirliði
Liverpool, á erfitt með að leyna
vonbrigðum sínum með gengi
Liverpool í ensku úrvalsdeildinni
í vetur. Liverpool er sautján
stigum á eftir toppliði Arsenal og
er í mikilli baráttu um fjórða
sætið sem gefur þátttökurétt í
Meistaradeildinni á næstu leiktíð.
„Mér verður hálfóglatt þegar
ég sé stigatöfluna og bilið sem er
á milli okkar og Arsenal. Ég er
orðinn þreyttur á að segja sama
hlutinn hvað eftir annað,“ sagði
Gerrard en Liverpool hefur ekki
orðið enskur meistari síðan 1990.
„Við töldum okkur hafa
mannskapinn til þess að berjast
um titilinn en það er sá bikar sem
við vildum mest allra. Ég tel
okkur reyndar enn hafa mann-
skapinn til þess að gera mun
betur,“ sagði Gerrard svekktur.
- hbg
Steven Gerrard vonsvikinn:
Óglatt þegar ég
sé stigatöfluna
STEVEN GERRARD Ekki sáttur við tíma-
bilið. NORDIC PHOTOS/GETTY IMAGES
FÓTBOLTI Jamie Carragher,
varnarmaður Liverpool, var
handtekinn og síðan sleppt með
viðvörun eftir að hafa lent í
útistöðum við mann úti í vegar-
kanti.
Carragher var á leið á æfingu
þegar eitthvað kom upp sem síðar
leiddi til þess að maðurinn sem
hann lenti í útistöðum við kærði
varnarmanninn.
Talið er að Carragher hafi
hrækt á manninn eða stjakað við
honum. - hbg
Vandræði hjá Liverpool:
Carragher
handtekinn
KÖRFUBOLTI Pétur Ingvarsson
hefur snúið aftur í þjálfun því
hann hefur tekið við 1. deildarliði
Ármanns/Þróttar af Gunnlaugi
Elsusyni sem mun einbeita sér að
spilamennsku með liðinu. Þetta
kom fyrst fram á Karfan.is.
Pétur lét af störfum hjá Hamri
fyrr í vetur eftir að hafa þjálfað
liðið í heilan áratug en mun nú
stjórna Ármanni/Þrótti í tveimur
síðustu deildarleikjunum og svo í
úrslitakeppninni.
Ármann/
Þróttur er
eins og er
í 4. sæti
deildar-
innar en
liðin í sætum
2 til 5 komast í
úrslitakeppnina
þar sem í boði er
eitt sæti í Iceland
Express-deildinni.
- óój
1. deild karla í körfubolta:
Pétur tekur við
Ármanni/Þrótti
Enn hefur ekki fengist lausn í máli Bjarnólfs Lárussonar og KR.
Bjarnólfi var tilkynnt í nóvember að hann væri ekki í plönum Loga
Ólafssonar, þjálfara KR, og í kjölfarið var ákveðið að semja um starfs-
lok sem og að Bjarnólfur íhugaði að leggja skóna á hilluna. Bjarnólf-
ur segir að samningaviðræðum miði afar hægt en málið kom upp í
nóvember síðastliðnum.
„Þeim miðar afar hægt. Ég heyri í KR annað slagið. Ég kíki ekkert
daglega á einkabankann og athuga hvort þeir séu búnir að leggja inn
og sé það ekkert endilega gerast alveg strax,“ sagði Bjarnólfur léttur
en hann segir engin leiðindi vera í málinu þó svo að það taki sinn
tíma.
„Nei, alls ekki, og ég á ekki von á því Þetta verður leyst í góðu og
engar harðar kröfur. Menn verða bara að standa við sitt. Ég á tvö ár
eftir og vil fá eitthvað af því. Það er alveg ljóst,“ sagði Bjarnólfur en
hvað finnst honum um þá sem segja að hann eigi ekki að fá neitt
þar sem hann sé ekkert að spila?
„Ég er þá bara alveg tilbúinn að vera áfram. Það er tvennt í stöð-
unni fyrir mig; að vera áfram hundfúll í tvö ár og slæm fyrirmynd fyrir
ungviðið eða losa mig út svo allir fari sáttir frá borði. Þetta er einfalt
mál fyrir mér. Ég get alveg verið þarna í tvö ár og
byrjað að æfa aftur en ég held að það sé ekki góð
reynsla af því hjá KR að láta menn hanga þegar
þeir eru dottnir út,“ sagði Bjarnólfur en hann vill
gjarna fara að ljúka málinu. „Ég hefði
viljað gera það í nóvember.“
Bjarnólfur hefur ekkert verið að æfa
síðan málið kom upp og hann segist
ekki sakna fótboltans.
„Það er bara fínt að vera ekkert
í boltanum lengur og ég sakna
boltans ekkert enn sem komið er.
Síðustu ár voru ekkert svakalega
skemmtileg og ég get ekki neitað
því að ánægjan af því að spila fótbolta
hafði farið minnkandi. Ég er vissulega hættur
eins og stendur og það kæmi mér verulega á
óvart ef það breyttist eitthvað ef ég á að segja
alveg eins og er,“ sagði Bjarnólfur að lokum.
BJARNÓLFUR LÁRUSSON: EKKI ENN BÚINN AÐ SEMJA VIÐ KR OG ÆTLAR EKKERT AÐ GEFA SIG Í VIÐRÆÐUNUM
Til í að sitja áfram í tvö ár ef á þarf að halda
> Ragna aftur upp um eitt sæti
Bamdintonkonan Ragna Ingólfsdóttir hækkar sig upp
um eitt sæti á nýjum heimslista Alþjóða badminton-
sambandsins og er komin í 54. sæti listans, en þetta
var annað skiptið í röð sem hún
fer upp um eitt sæti. Ragna er
í 19.sæti yfir bestu einliða-
leikskonur í Evrópu og staða
hennar með tilliti til Ólymp-
íuleika er mjög góð. Það er
hinsvegar heimslistinn 1. maí
sem segir til um hverjir keppa í
Peking næsta haust en það
er ljóst að Ragna ætti að
komast þangað haldi hún
uppteknum hætti.