Fréttablaðið - 29.02.2008, Blaðsíða 32

BLS. 4 | sirkus | 29. FEBRÚAR 2008
„Gabríel bað mín fyrir framan fjölskylduna
sína á aðfangadagskvöld. Hann byrjaði á því að
halda ræðu og dró síðan upp hringinn og ég
sagði auðvitað strax já. Þetta var mjög rómant-
ískt en ekki beint frumlegt þar sem besti vinur
Gabriels hringdi í okkur á jóladag og sagði
okkur frá því að hann hefði trúlofast sinni
heittelskuðu sama kvöld,“ segir Tanja Sif Árna-
dóttir, sölufulltrúi hjá Glitni og brúður, en hún
og unnusti hennar Gabriel Filippusson Patay,
smiður og fjallaleiðsögumaður, ganga í það
heilaga í dag í kirkjunni á Búðum. Þau segja að
dagurinn hafi verið valinn fyrir tilviljun en þau
eiga von á barni í apríl og fannst mikilvægt að
vera gift þegar barnið kæmi. Kynni þeirra voru
afar rómantísk þar sem íslensk veðrátta átti
hlut að máli. „Við hittumst í fyrsta skipti í
Krambúðinni á Skólavörðustígnum en Gabríel
bauð mér far þar sem það var mikil snjókoma
úti. Ég bjó nánast við hliðina á búðinni en þáði
farið þar sem hann var fallegasti maður sem ég
hafði á ævi minni séð,“ segir Tanja með blik í
augum. „Farið varð síðan að bíltúr, þar sem við
þá bláókunnugir einstaklingar ræddum um
allt á milli himins og jarðar. Næst þegar við
hittumst small þetta saman eins og örlögin
hefðu ráðið ferðinni,“ bætir Tanja við. Gabriel
hefur ferðast um allan heiminn og lent í alls
kyns ævintýrum og það kemur því engum á
óvart að plön brúðhjónanna um brúðkaupsaf-
mælin bera með sér framandi anda og ævin-
týri. „Eflaust munum við halda upp á brúð-
kaupsafmæli okkar á fjögurra ára fresti. Við
erum þegar farin að velta því fyrir okkur að
halda upp á það með því að ferðast til fram-
andi landa, til dæmis fara á suðurpólinn eða til
Sahara-eyðimerkurinnar,“ segir Gabríel að
lokum. Við óskum brúðhjónunum til hamingju
með daginn. bergthora@365.is
Tanja Sif Árnadóttir og Gabríel Filippusson Patay ganga í það heilaga á hlaupársdag
Brúðkaupsafmæli á fjögurra ára fresti
Razzmopolitan
Drykkur helgarinnar er Razzmopolitan á 101 Hótel
en veitingastaður hótelsins býður upp á úrval
kokkteila sem eru hver öðrum betri. Fullkominn
endir á vikunni eða góð byrjun á kvöldinu – hvernig
sem á það er litið.
DRYKKUR
HELGARINNAR TANJA OG TILVONANDI EIGINMAÐUR HENNAR