Fréttablaðið - 01.03.2008, Qupperneq 12

1. mars 2008 LAUGARDAGUR
EFNAHAGSMÁL Seðlabankinn ætti
að bakka út úr því öngstræti sem
hann hefur komið sér í, og ýta
verðbólgumarkmiði tímabundið
til hliðar. Þá má einbeita sér að því
að búa atvinnulífi betri skilyrði,
segir Sigurður Einarsson, stjórnar-
formaður Kaupþings.
„Einhvern tímann var jú sagt: Ef
þú ert kominn ofan í holu, hættu þá
að moka,“ sagði Sigurður, sem var
meðal frummælenda á málþingi
BSRB um málefni lífeyrissjóðanna
í gær. Þar vitnaði hann til ummæla
Davíðs Oddssonar, seðlabanka-
stjóra og þáverandi forsætisráð-
herra, frá 17. júní 2001.
Segja má að krónan hafi verið
markaðssett sem hávaxtamynt,
sagði Sigurður. Seðlabankinn hafi
hækkað vexti undanfarin ár og
styrkt þar með gengi krónunnar
og breitt yfir innlenda verðbólgu.
Gallinn við þessa aðferð sé að
stöðugt gengi krónunnar hafi ekki
áhrif á gengisvísitölu neysluverðs.
Því hafi Seðlabankinn þurft að
styrkja gengi krónunnar sífellt
meira. Þetta hafi aftur leitt til
mesta viðskiptahalla sem þekkst
hafi meðal ríkja OECD.
Í hagkerfi sem fjármagni sig í æ
ríkari mæli í erlendri mynt auki
gengisstyrking þenslu með því að
auka eftirspurn eftir innfluttri
vöru og lækka fjármagnskostnað
erlendra lána.
„Það er spurning hvort ekki sé
rétt að Seðlabankinn bakki út úr
þessu öngstræti, ýti verðbólgu-
markmiði tímabundið að minnsta
kosti til hliðar og þjóðin stöðvi
erlenda skuldasöfnun og búi
atvinnulífinu samkeppnishæf
rekstrarskilyrði með heilbrigðara
vaxtastigi og raungengi,“ sagði
Sigurður. - bj
Stjórnarformaður Kaupþings um Seðlabankann:
Ýta á verðbólgu-
markmiði til hliðar
SIGURÐUR EINARSSON „Einhvern tím-
ann var jú sagt: Ef þú ert kominn ofan í
holu, hættu þá að moka.“ FRÉTTABLAÐIÐ/GVA
SEÐLABANKI ÍSLANDS Stjórnarformaður Kaupþings telur að bankinn eigi að bakka út
úr því öngstræti sem hann hafi komið sér í.
MENNTUN Haldið verður áfram
með vinnu vegna tillögu meiri-
hluta leikskólaráðs, um að
næsta haust verði í fjórum
grunnskólum Reykjavíkur sér-
stakur bekkur fyrir fimm ára
börn, þrátt fyrir að skráningu
nýnema hafi lokið í gær.
Það að skráningu sé lokið úti-
lokar ekki að fimm ára börn
komist í skólana í haust, segja
fulltrúar meirihlutans.
„Það er auðvitað ekki allt
gert í einu,“ segir Sigurlaug
Sveinbjörnsdóttir, fulltrúi F-
lista og varaformaður leik-
skólaráðs. Undirbúningur muni
halda áfram til haustsins. Hún
segir einnig að stutt sé síðan
meirihlutaskipti urðu í borgar-
stjórn og lítið verið fundað í
leikskólaráði.
„Við samþykktum þetta sem
prufuverkefni og ég get ekki
ímyndað mér annað en að hægt
verði að skrá börnin, þetta var
jú samþykkt.“
Sigurlaug segist ekki þekkja
til þess hvort lagaheimild skorti
fyrir fimm ára bekknum, en
Bryndís Ísfold Hlöðversdóttir
úr Samfylkingu hélt því fram
hér á dögunum í Fréttablaðinu.
„Þetta er auðvitað bara fyrsta
skrefið,“ segir Sigurlaug.
- kóþ
Skráningu nýnema í grunnskóla Reykjavíkur lauk í gær:
Fimm ára bekkur með hausti
SIGURLAUG SVEINBJÖRNSDÓTTIR Varafor-
maður leikskólaráðs er hrifin af hugmynd
sjálfstæðismanna um að boðið verði upp á
fimm ára bekki í grunnskólum landsins.
FRÉTTABLAÐIÐ/VALLI
A
T
A
R
N
A
Nóatúni 4 · Sími 520 3000
www.sminor.is
Hringdu í síma
ef blaðið berst ekki