Fréttablaðið - 01.03.2008, Qupperneq 24

24 1. mars 2008 LAUGARDAGUR
UMMÆLI VIKUNNAR,, U MÆLI VIKUN AR ,,
stjornmal@frettabladid.is nánar á visir.is
www.forlagid.is
Hafi einhver vonast eftir
að Evrópusambandið væri
til í að leyfa Íslendingum
að taka upp evru en standa
utan sambandsins getur sá
hinn sami hætt að láta sig
dreyma. Það er ekki í boði.
José Manuel Barroso, forseti fram-
kvæmdastjórnar Evrópusam-
bandsins, hefur endanlega afgreitt
málið. Eftir fund þeirra Geirs H.
Haarde forsætisráðherra í höfuð-
stöðvum sambandsins í Brussel á
miðvikudag sagði hann upptöku
evru aðeins á færi aðildarríkja
ESB.
„Það eru ákveðnir skilmálar
fyrir því að fá að taka þátt í þessu
evrusamstarfi og menn geta ekki
fleytt rjómann ofan af því með ein-
hliða ákvörðunum. Það er alveg
skýrt og ef eitthvað er, enn skýrara
en það var áður en við komum
hingað,“ sagði Geir við íslenska
blaðamenn eftir fundi með fimm af
helstu forvígismönnum Evrópu-
sambandsins.
„Það er ljóst að umræðan heima
var á villigötum fyrir viðskipta-
þingið og það er staðfest hér af
öllum að við myndum lenda í pólit-
ískum vandræðum gagnvart Evr-
ópusambandinu ef okkur dytti í hug
að taka upp evruna einhliða,“ sagði
Geir og útskýrði að slík pólitísk
vandræði gætu falist í vandræðum
í kringum samninginn um Evr-
ópska efnahagssvæðið og Schengen.
„Þeir gætu lagt stein í okkar götu.“
Á fundinum með Barroso var
rætt um sjávarútvegsmál en sjávar-
útvegsstefna Evrópusambandsins
er til endurskoðunar. Skýrði hann
frá því að sambandið gæti hugsað
sér að líta til íslenska fiskveiði-
stjórnunarkerfisins við þá vinnu.
Geir sagði ekki undan neinu að
kvarta í samskiptunum við Evr-
ópusambandið sem fara fram í
gegnum EES og Schengen. Það hafi
enda ekki verið ástæða funda hans
heldur væru þeir hluti af pólitísku
samstarfi við ESB.
Auk þess að ræða við Barroso
hitti Geir Javier Solana, utanríkis-
málastjóra ráðherraráðsins, Ben-
itu Ferrero-Waldner, framkvæmda-
stjóra á sviði utanríkismála,
Joaquín Almunia, framkvæmda-
stjóra á sviði efnahags- og peninga-
mála og Olli Rehn, framkvæmda-
stjóra á sviði stækkunarmála.
Fundarefnin voru jafnan samskipti
Íslands og Evrópusambandsins,
staða efnahagsmála á Íslandi og
ýmis alþjóðamál.
Í ljósi þess að ekkert var rætt
um mögulega aðild Íslands að
sambandinu var Geir spurður
hvort ekki hefði verið rétt að tæpa
á slíkum málum, til dæmis til að fá
að vita hve langan tíma aðildarvið-
ræður gætu tekið. Geir svaraði
því neitandi. „Það á ekki að vera
að gefa undir fótinn með hluti sem
eru ekki á dagskrá,“ sagði hann og
bætti við að það lægi ljóst fyrir
hvernig ferlið gengur fyrir sig
auk þess sem Ísland hafi þegar
tekið upp stóra kafla úr Evrópu-
sambandssamningnum með aðild
að EES-samningnum.
Í ferðinni ræddi Geir einnig við
starfsbræður sína í Lúxemborg og
Belgíu. Á þeim fundum kom meðal
annars í ljós að hvorugt ríkið ætlar
að greiða Íslandi atkvæði í kosn-
ingu til öryggisráðs Sameinuðu
þjóðanna; bæði hafi heitið Austur-
ríkismönnum og Tyrkjum atkvæði
sín. „Við erum auðvitað vonsviknir
yfir þessu, sérstaklega með Lúxem-
borg því það er land sem við höfum
átt mikið og gott samstarf við,“
sagði Geir. - bþs
Kakan öll eða ekki neitt
RJÓMINN ER EKKI Í BOÐI EINN OG SÉR Geir H. Haarde forsætisráðherra og José Manuel Barroso, forseti framkvæmdastjórnar
Evrópusambandsins, ræddu samskiptin á fundi í Brussel á miðvikudag. FRÉTTABLAÐIÐ/BÞS
„Hér mátti heyra eina af þessum venjubundnu
ræðum Vinstri grænna sem í stuttu máli eru þannig
að þeir eru á móti málinu alveg sama hvað lagt er til
og alveg sama hversu langt er gengið til móts við
þeirra sjónarmið og þegar þeir geta ekki lengur
staðið gegn framgangi máls leggja þeir til að málinu
verði frestað og sett í allsherjar-, ítarlega, heild-
stæða skoðun og úttekt.“
Kristinn H. Gunnarsson, Frjálslynda flokknum
„Frú forseti. Þessi andsvör háttvirts þingmanns eru
ekki þess virði að ég fari í umræðu um þau.“
Atli Gíslason, VG
Guðlaugur Þór Þórðarson heil-
brigðis ráðherra upplýsti á Alþingi á
fimmtudag að hann hefði unnið að
því í níu mánuði að lækka verð á
lyfjum; sem sagt allar götur frá því
hann varð ráðherra.
Enn hefur ekkert gerst – lyfja-
verð er óbreytt.
Guðlaugur upplýsti að ástæður
þess væru að málið væri vandasamt
enda giltu aðrar reglur um lyf en
aðrar vörur á evrópska efnahags-
svæðinu. Hins vegar styttist í að
hann legði fram frumvarp í þinginu
sem miðaði að því að opna markað-
inn og auka samkeppnina.
Birkir Jón Jónsson Framsóknar-
flokki spurði Guðlaug út í málið og
hermdi upp á hann fögur orð úr
kosningabaráttunni um lækkun
lyfjaverðs. Spurði hann sérstak-
lega út í loforð um afnám virðis-
aukaskatts af lyfjum.
Guðlaugur sagði æskilegt og
mikil vægt að lækka þann skatt en
að fleiri þyrftu að koma að þeirri
ákvörðun en bara hann. Birki fannst
þau svör heldur rýr og innti ráð-
herra eftir afdráttarlausari yfirlýs-
ingum. Þær fékk hann ekki.
Unnið í níu mánuði að lækkun lyfjaverðs
SETIÐ UNDIR UMRÆÐUM Á myndinni má
meðal annars sjá Ragnheiði Elínu Árna-
dóttur og Gunnar Svavarsson.
FRÉTTABLAÐIÐ/AUÐUNN
Eftir fundi Geirs H. Haarde með fimm
kommisörum Evrópusambandsins á mið-
vikudag hefur afstaða hans til Evrópumála
ekki breyst. Ekkert kom fram á fundunum
fimm sem breytir skoðunum hans. Aðild er
enn ekki á dagskrá.
En bjóst einhver við því í alvöru að Geir
kæmi út úr Berlaymont og lýsti því yfir að
hann hefði skipt um skoðun? Varla. En
kannski einhver hafi vonað það – svona
innst inni. Suma dauðlangar í Evrópusam-
bandið.
Samfylkingin er í þeim hópi. Flokkurinn
vill að Ísland sæki um aðild og hefji viðræð-
ur þar að lútandi. Sjálfstæðisflokkurinn telur
hins vegar aðild ekki þjóna hagsmunum
þjóðarinnar eins og málum er háttað. Þessi
gjá er brúuð í stjórnarsáttmálanum með því
að segja skýrslu Evrópunefndar grundvöll
nánari athugunar á hvernig hagsmunum Íslendinga verði í framtíðinni best
borgið gagnvart Evrópusambandinu. Einnig með að koma á fót nefnd sem
á að fylgjast með þróun mála í Evrópu og leggja mat á breytingar út frá
hagsmunum Íslendinga. Sú nefnd tekur senn til starfa.
Þetta þýðir ekki óbreytt ástand. Það á að skoða málin. Og þingmenn
Samfylkingarinnar mega og eiga að halda skoðunum sínum á lofti. Enda
hafa þær engin áhrif á daglega starfsemi í höfuðstöðvunum í Belgíu. Þar
vita menn að á Íslandi er samsteypustjórn og að í samsteypustjórnum
kunna að ríkja ólík sjónarmið.
Það er svo rétt að halda því til haga að Geir fór ekki til Brussel til að láta
Barroso og félaga reyna að sannfæra sig um ágæti þess að Ísland gerist
aðili. Heimsóknin var farin til að treysta ágætt samband Íslands og ESB.
Þetta var vináttulandsleikur. Ekkert meira og ekkert minna. Það varð marka-
laust jafntefli og eins og sæmir skiptust liðin á treyjum að leik loknum.
VIKA Í PÓLITÍK
BJÖRN ÞÓR SIGBJÖRNSSON
Vináttulandsleikur
FÁNARNIR HVER AF ÖÐRUM Úr anddyri höfuðstöðva ráðherraráðs Evrópusambands-
ins í Brussel. FRÉTTABLAÐIÐ/BÞS