Fréttablaðið - 16.03.2008, Qupperneq 16

16 16. mars 2008 SUNNUDAGUR
E
ins mikil tímaskekkja og
það kann að virðast þá
er heimurinn uppfullur
af eiginkonum ríkra
karlmanna sem okkur hinum
finnst ekkert hafa að gera allan
daginn. En þetta er ekkert
auðvelt líf. „Ég hef bara enga
hjálp með börnin,“ segir ein
titrandi rómi. Önnur segir: „Það
er fullt starf að sjá um alla þessa
fermetra.“ Og hin þriðja: „Ég
verð að gera þetta allt saman
sjálf.“ Í þvottahúsinu er þó
oftast filippseysk stúlka að
strauja þvottinn og eftir smá
stund mætir einkabílstjórinn
með sjö ára soninn beint úr
skólanum. Svo tekur eiginkonan
upp símann og ræðir við
arkitektinn sinn um að innrétta
sundlaug í neðanjarðarbyrginu
sem maður hennar fékk loks
leyfi til að byggja. Og það er
einstaklega pirrandi að enginn
virðist geta skilið hvað marmari
safnar miklu ryki. Stundum er
bara eins og öllum sé sama...
Eiginkonur íþróttamanna
og fjárfesta
Slíkar „heimavinnandi“ eigin-
konur nefnast WAGS í Bretlandi,
en sú skilgreining byrjaði sem
skammstöfun á „Wives and
Girlfriends of Sportsmen“ enda
fótboltaeiginkonur táknmynd
fyrir þessa tegund. Næsta
kynslóð slíkra WAG-kvenna
voru „City Wags“ en það eru
eiginkonur bankamanna. Flestar
þessar eiginkonur eiga það
sameiginlegt að vera heimavinn-
andi. Þær búa í heimi ríkidæmis
þar sem börnin og hundurinn
eru stöðutákn og hjálpa til að
sýna fram á stórfenglegan
launaseðil eiginmannsins.
Tegundin virðist þrífast á
rucola-salatblöðum og par-
mesan-flögum og geta varla
hreyft sig án þess að vera með
einkaþjálfarann og lífsstílshönn-
uðinn á línunni. Að brosa yfir
einhverju óvæntu og skemmti-
legu er númer eitt á bannlistan-
um, og að líta út eins og þeim
leiðist er lykilatriði. Þær eru
allar með heilsuæði, fara
reglulega til heilara og nuddara
og jóga- eða pilates-þjálfarinn
býr heima hjá þeim. Og svo eru
þessar ofurmömmur auðvitað
allar komnar aftur í kjörþyngd á
þriggja mánaða afmælisdegi
nýjasta afkvæmisins. Stór-
skemmtileg og ansi tæfuleg
skáldsaga kom út í Bretlandi í
fyrra um líf þeirra nýríku sem
kallaðist „Notting Hell“ og lýsir
lífi í einkaþotum með þjónum,
barnapíum og persónulegum
stílistum og er ef til vill bók sem
hinar íslensku heimavinnandi
konur gætu tileinkað sér og
keypt á Amazon.
Hinar íslensku WAG-konur
Lítil kynslóð ríkra eiginkvenna
hefur myndast á Íslandi
undanfarin ár. Þær eru oftast
með óaðfinnanlega litað ljóst
eða tinnusvart hár, gyllta húð og
fataskáp frá Karen Millen og
Gucci. Það er ekkert tiltökumál
lengur að skutlast til New York í
einkaþotunni, vera með lífstíð-
arkort í Laugar Spa og skipta út
innbúinu á sex mánaða fresti
eftir því sem er í tísku þá
stundina. Margar raða líka niður
höllum í Frakklandi, Englandi
eða á suðrænni slóðum og eyða
öllum tíma sínum í að innrétta
þær. Oft. Þær eru ávallt
uppstrílaðar og í dýrum en
missmekklegum fatnaði
(peningar kaupa aldrei stíl),
eyða mörgum klukkustundum í
ræktinni á viku og rúnta um
húsbúnaðarverslanir bæjarins í
Porsche Cayenne-jeppum eða
Range Rover. Þær eiga líka
gjarnan þó nokkur börn, sem öll
eru í lúxus-aukatímum og
stundum eru leigðir heilu
einkaballettsalirnir fyrir litlu
prinsessurnar sem að sjálfsögðu
klæðasta bara Bonpoint eða
Burberry. Kjörstaður þessarar
tegundar kvenfólks til búsetu er
Þingholtin, Arnarnesið eða
Seltjarnarnesið. Grafarvogurinn
er „so passé“. Svo skipuleggja
þær skíðafrí og sólarfrí á
„smart“ stöðum eins og í Vail og
á Marbella og eyða dágóðum
tíma í að stunda námskeið ýmiss
konar og góðgerðastarfsemi.
Hins vegar er þetta dálítið
streituþrungið líf þar sem þær
þurfa alltaf að vera tipp-topp í
útliti þar sem þær eiga jú á
hættu að eiginmaðurinn skipti
þeim út fyrir nýrra módel. En
þá er ekkert að óttast, kaupmál-
ar eru ekki enn komnir í tísku á
Íslandi og þær fá bara helming-
inn... af öllu. Eða eins og
fyrirmynd allra þessara kvenna,
Ivana Trump, sagði hér um árið:
„Don‘t get mad, get everything.“
Heimavinnandi húsmæður
Ísland er uppfullt af auðmönnum, að minnsta kosti ennþá. En hvað gera eiginkonur þeirra eiginlega á meðan þeir svífa um loftin
blá á einkaþotum að afla tekna? Það fer hver að verða síðastur að skoða þessa tegund sem fer að komast í útrýmingarhættu og
því fór Fréttablaðið á stúfana.
IVANA TRUMP Táknmynd ríku atvinnueiginkonunnar
ANNA NICOLE SMITH HEITIN
Giftist moldríkum ellismelli.
COLLEEN MCLOUGHLIN Eigin-
kona Waynes Rooney er með
fataæði og sand af peningum.
IRINA, FYRRVERANDI EIGIN-
KONA ROMANS ABRAMOVICH
Í góðum félagsskap Dorritar.
GABRIELLE SARCONAGGI
Smart kærasta hins moldríka
Louis Bacon.
Einkakennari. Kemur heim og býður upp á
kennslu í listasögu, tungumálum, tónlist eða
söng og dustar rykið af menntaskólanáminu.
Stílisti. Svona Rachel Zoe-týpa sem fer með
mann að versla innanlands eða utan svo að
maður sé alltaf smekklegur í veislum og lista-
opnunum.
Listfræðingur. Þegar maður ætlar að fjárfesta í
vinsælli list er ráðlegra að vera með einhvern á
sínum snærum sem hefur vit á þessu. Gengur
ekki að vera með Jóa Fel upp um alla veggi.
Flugmaður í einkaþotuna. Þetta er hinn nýi
bílstjóri og verður að vera tilbúinn til þess að
takast á loft þegar húsbændum hans dettur í
hug.
Næringarfræðingur. Þegar einsemdin hellist
yfir þær og ísskápsferðir á nóttunni verða of
tíðar verður maður að hringja grátandi til að fá
innblástur í hveitigraskokkteilinn.
Skilnaðarlögfræðingurinn. Ef eiginmanninum
dettur í hug að skipta þeim út fyrir ljóshærðara,
brjóstastærra og yngra klón. Maður verður jú að
halda í sama lífsstílinn eftir skilnaðinn.
1. Að spóka sig í húsbúnaðarbúðum.
Það er alltaf hægt að raða fleiri Eggjum,
Svönum, Lounge Chairum eða Philippe
Starck-lömpum í höllina.
2. Fara á námskeið. Matargerðarnámskeið
eru vinsæl og einnig hafa nokkrar tekið
upp á því að læra óperusöng. Það er svo
gaman að geta brostið í söng í kvöldverð-
arboðum og komið fólki á óvart.
3. Funda með lífsstílshönnuðinum. Hann
kemur reglulega og segir til um hvort
það þurfi að bæta nýjum bleikum púða
í stofuna, færa lampana til eða tilkynna
að rokkókó sé bara búið og nú verði að
hreinsa allt út.
4. Góðgerðastarf. Það er mjög smart að
gera eitthvað fyrir þá þurfandi. Það beinir
líka almenningsathyglinni frá leiðinlegu
slúðri. Til dæmis ráðlagði fjölmiðlaafulltrúi
kærustu Sven Göran Erikssons að verða
„Goodwill ambassador“ hjá Rauða kross-
inum þegar framhjáhaldssögur um hann
voru í algleymingi.
5. Golf. Það er vinsæl jólagjöf frá eigin-
manninum að borga golfferðir fyrir eig-
inkonurnar svo þær læri loksins eitthvað.
Verst að þær eyða ferðinni í kampavíns-
drykkju í pottinum.
6. Gala-viðburðir í útlöndum. Það er
flottast að fara á grímuball í Feneyjum
eða góðgerðaball í London. Þetta gerist
bara alltof sjaldan á Íslandi og er aldrei
nógu grand.
➜ Vinsæl afþreying
➜ Hjálparkokkar
Háaldraði og ríki eiginmaðurinn. Takið Önnu
Nicole Smith til fyrirmyndar og finnið mann á áttræð-
isaldri. Passið að halda honum lifandi og sprækum
þar til hann hefur skrifað ykkur inn í allar erfðaskrárn-
ar sínar. Svo fer hann alltaf svo snemma að sofa að
það er hægt að eyða öllum kvöldum á djamminu án
hans.
Aðalsmaðurinn. Því miður engir alvöruaðals-
menn á Íslandi þannig að það má bregða á það ráð
að deita ráðherra, sendiherra eða næsta forseta.
Erlendir aðalsmenn eru það alsvalasta, sérstaklega ef
eitthvað af fjölskylduauðæfunum er eftir og sirka eitt
ættarsetur.
Ljóti ríki eiginmaðurinn. Frábært mannsefni
þar sem honum finnst hann svakalega heppinn að
hafa fundið svona fallega konu. Hvað kynlíf varðar er
um að gera að loka augunum og hugsa um Ísland
að hætti Viktoríu drottningar. Eða horfa nokkrum
sinnum á Fríðu og dýrið. Það var nú dáldið krúttlegt,
ekki satt?
Fyrrverandi glaumgosinn. Efnaður maður sem
hefur sængað með ótal konum en ákveður á miðj-
um fimmtugsaldri að festa ráð sitt, enda orðinn
lúinn. Hann elskar konur og þegar hann finnur
loksins þá einu réttu heldur hann sig við
hana. Og hefur skemmtilega reynslu
undir beltinu.
Eiginmaðurinn í skápnum.
Hann er ríkur, óaðfinnanlega
klæddur og sykursætur. Samt
eru allir að hvísla í boðum:
„Spilar hann ekki með hinu
liðinu?“ En horfum á björtu
hliðarnar. Hann er með meiri
áhuga á innanhússhönnun en
eiginkonan, finnst svakalega
gaman að versla í tískubúðum
og elskar að fara í smart frí.
Þá hlýtur að vera að hægt að
fyrirgefa smá „bi-try“ endrum og
eins.
Leiðbeiningar að vænlegum eiginmönnum fyrir metnaðarfullar konur
F
ræ
ga
r
fy
ri
r
að
v
er
a
ei
gi
n
ko
n
u
r