Fréttablaðið - 16.03.2008, Qupperneq 81

SUNNUDAGUR 16. mars 2008
Möguleikhúsið frumsýnir í
kvöld Aðventu eftir Gunnar
Gunnarsson í leikgerð Öldu
Arnardóttur, en hún leik-
stýrir jafnframt verkinu.
Leikritið er einleikur í anda hins
svokallaða frásagnarleikhúss. Leik-
arinn í verkinu, Pétur Eggerz, er
því einn á sviðinu allan tímann,
segir söguna og bregður sér í hlut-
verk helstu sögupersóna. „Þessi
uppsetning leggur áherslu á ein-
falda umgjörð og leyfir þannig
sjálfri sögunni að njóta sín,“ segir
Pétur. „Sviðsmyndin er einföld og
ég er aðeins í einum búningi allan
tímann. Tónlist og ýmis hljóð leika
aftur á móti stóran þátt í sýning-
unni og skapa mikil hughrif; Kristj-
án Guðjónsson vinnur hljóðmynd-
ina fyrir okkur og gerir það stórvel.
Það vill stundum brenna við í leik-
húsi þegar leikgerðir bókmennta
eru settar upp að leikritin enda á að
vera eins konar myndskreytingar
við söguna í staðinn fyrir að öðlast
eigið líf. Einfaldar uppsetningar
sem þessar, sem tíðkast í frásagn-
arleikhúshefðinni, virkja ímyndun-
arafl áhorfenda og leyfa þeim að
fylla svolítið í eyðurnar.“
Aðventa kom fyrst út árið 1939
og er hún sú saga Gunnars sem víð-
ast og oftast hefur verið gefin út. Í
henni er sagt frá svaðilförum
vinnumannsins Benedikts sem fer
til fjalla í vetrarríki aðventunnar
að leita þess fjár sem eftir varð er
smalað var um haustið. Pétur segir
söguna eiga erindi við alla, enn
þann dag í dag. „Þetta er frábær-
lega vel skrifuð saga sem er fyrir
löngu orðin sígild í íslenskri bók-
menntasögu. Í henni má finna ein-
faldan og fallegan kærleiksboð-
skap sem á alltaf erindi og sem ekki
veitir af að minna á nú á tímum
markaðshyggju og græðgi. Við
höfum náttúrulega þurft að laga
söguna að þörfum leikhússins og
meðal annars stytt hana eilítið, en
boðskapur hennar kemst samt til
skila.“
Líkt og margar fyrri sýningar
Möguleikhússins er Aðventa hugs-
uð sem farandsýning, en hún er
ætluð áhorfendum þrettán ára og
eldri og hentar því vel til sýninga
hjá skólum landsins. Verkið verður
engu að síður frumsýnt í húsnæði
Möguleikhússins við Hlemm og
munu þar fara fram nokkrar sýn-
ingar áður en leikritið fer á flakk.
Pétur segir þó útlit vera fyrir að
Aðventa verði síðasta sýningin sem
Möguleikhúsið frumsýnir við
Hlemm. „Við höfum fengið lítinn
fjárhagsstuðning nú í ár og því er
svo komið að við þurfum að flytja
út úr húsnæðinu sem við höfum
haft aðsetur í undanfarið. Mögu-
leikhúsið er þó ekki að hætta, langt
því frá, við þurfum bara að laga
okkur að breyttum aðstæðum.“
vigdis@frettabladid.is
Það er tilvalið að hefja sunnudaginn
á því að njóta menningar. Þeir sem
eru staddir á Akureyri eiga þess
kost að skella sér á opnun sýningar
Ragnars Kjartanssonar „Allt gott
að frétta af póesíunni“ í Kunstraum
Wohnraum nú kl. 11.
Ragnar Kjartansson er, eins og
flestum er vel kunnugt, einn af
okkar frambærilegustu myndlist-
armönnum og verður næsti fulltrúi
Íslands á Feneyjatvíæringnum árið
2009. Sýning hans í Kunstraum
Wohnraum byggist á ljósmyndum
sem hann tók á símann sinn í París-
arborg af þremur íslenskum lista-
konum. Í fréttatilkynningu vegna
sýningarinnar eru verkin sögð
sönnunargögn fyrir ljóðrænu til-
verunnar þar sem þau sýna þrjú
guðdómleg móment úr hversdags-
leikanum. Ljóðrænan byggist enn
fremur á því að konurnar á mynd-
unum eru ekki sérlega hversdags-
legar.
Kunstraum Wohnraum hefur
verið starfrækt frá árinu 1994, fyrst
í Hannover og nú á Akureyri. Það er
til húsa á heimili Hlyns Hallssonar
og Kristínar Kjartansdóttur í Ása-
byggð 2. Sýning Ragnars stendur
yfir til 22. júní næstkomandi og er
opin eftir samkomulagi. - vþ
Góðar fréttir fyrir
morgunhana
PÓESÍAN Í GÓÐUM GÍR Ein af ljósmynd-
um Ragnars Kjartanssonar.
Boðskapur sem á
alltaf erindi
EINN TIL FJALLA Pétur
Eggerz í hlutverki sínu í
leikritinu Aðventu.