Fréttablaðið - 27.03.2008, Blaðsíða 19
FIMMTUDAGUR 27. mars 2008 19
Í okkar heimshluta hefur ofeldi fyrir löngu
leyst skortinn af hólmi sem meginógnunin við
heilbrigt næringarástand. Við verðum sífellt
bústnari og umfangsmeiri og því fylgja alls
konar vandamál, líkamleg, sálræn og félags-
leg. Þunginn og stærðin valda ótímabæru sliti
á hjarta og æðakerfi, á öndunarfærum og á
stoðkerfi líkamans. Svefninn versnar, frjósem-
in minnkar. Ofan á þetta leggst þunglyndi og
félagsleg einangrun.
Vandamálin virðast sannarlega snúin og
erfið viðureignar en sem betur fer er enginn
hörgull á einföldum og þægilegum lausnum.
Hillur heilsubúða svigna undan framandi
varningi með frábæra eiginleika og ekki nóg
með það. Herskarar hómópata, næringarþer-
apista, grasalækna, heilara og einkaþjálfara
þyrstir í að leiðbeina
fólki um hollmeti og
heilbrigða lífshætti. Og
þeir ráðast hiklaust að
rótum vandans. Með
lithimnugreiningu er
ástand líffæra rannsak-
að. Með blómadropum
er byggt upp andlegt og
tilfinningalegt jafnvægi
og loks er endahnútur-
inn rekinn á meðferð-
ina með iljanuddi og
smáskammtalækningum. Djöfullinn er burtu
rekinn.
Allir geta fundið vörur og ráðleggingar við
hæfi. Þeir sem lifa kyrrsetulífi og eru 30 kíló-
um of þungir geta dregið úr matarlystinni
með goji-berjum eða aukið brennsluna
með lífrænni kókosolíu. Á morgnana naga
þeir speltbrauð og skola því niður með
grænu tei. Eftir vinnu eru þeir tengdir
tölvu sem kortleggur tilfinningalegt og
líkamlegt ójafnvægi. Á kvöldin sækja þeir
námskeið um hláturjóga.
Hreysti og fegurð fæst með nýstárleg-
um og óhefðbundnum lausnum. Hver
hefur ekki fengið sig fullsaddan af tuði
um „að éta minna og hreyfa sig meira“?
Þá er nú ólíkt gagnlegra að hlusta á
sölumenn og heilara sem aldrei velkjast í
vafa, koma vel fyrir og bjóða upp á skýrar
og markvissar lausnir á knýjandi vanda.
Það er allt lyginni líkast. www.mni.is
MATUR & NÆRING GUÐMUNDUR GUÐMUNDSSON MATVÆLAFRÆÐINGUR
Einfaldar lausnir á flóknum vandamálum
KÓKOSOLÍA
■ Þuríður Helga Jónasdóttir
innanhússarkitekt veit hvernig er
best að hreinsa kísil af blöndunar-
tækjunum.
„Besta leiðin til að þrífa blönd-
unartækin inni á baðherbergi
er að hella venjulegu borðediki
yfir þau og láta standa í hálf-
tíma eða svo. Síðan skrúbbarðu
kísilinn bara af með svampi,“ segir
Þuríður.
Hún segist mikill aðdáandi
ediks og matarsóda við hrein-
gerningar, og noti efnin mikið til
að þrífa eldavélarhellur og ofna.
„Þetta er galdraefni í eldhúsið. Svo
er það líka svo umhverfisvænt.“
GÓÐ HÚSRÁÐ:
EDIK Í BAÐHERBERGIÐ
ÞURÍÐUR HELGA JÓNASDÓTTIR
Rándýrir pottar flokkast undir bestu
kaup Karenar H. Theodórsdóttur,
framkvæmdastjóra Garðabæjardeildar
Rauða kross Íslands. Hún keypti þá
þó ekki sjálf, ekki fyrr en eftir á, ef svo
má að orði komast.
„Við keyptum alveg rosalega fína og
dýra potta. Maðurinn minn keypti þá
reyndar og mér á móti skapi. Enda
kostuðu þeir þrjú hundruð þúsund
krónur! En ég sneri við blaðinu
þegar ég var búin að skamma hann í
örugglega hálfan mánuð og var alveg
kolvitlaus. Þangað til ég fór að nota
þá. Þá fór ég að þýðast aðeins,“ segir
Karen og hlær.
„Það er náttúrlega bull að eyða þrjú
hundruð þúsund kalli í potta! En ég
er ánægð með þá í dag,“ segir hún.
Verstu kaupin sem Karen man eftir
í svipinn eru hins vegar hið vinsæla
bláa fótanuddtæki sem gerði allt
vitlaust ein jólin. Það telur Karen til
skelfilegra kaupa.
„Ég notaði það
tvisvar og það hefur
síðan verið inni
í geymslu. Þetta
endar eflaust í
Góða hirðinum
eins og annað dót
sem ég er hætt
að nota,“
segir fram-
kvæmda-
stjórinn og
dæsir.
NEYTANDINN:
Pottar fyrir
þrjú hundruð
þúsund krónur
KAREN H.
THEOD-
ÓRSDÓTTIR
Fram-
kvæmda-
stjóri hjá
Rauða krossi
Íslands.