Fréttablaðið - 27.03.2008, Blaðsíða 64

40 27. mars 2008 FIMMTUDAGUR
maturogvin@frettabladid.is
> Prófaðu …
… að gera tesamsætið
skemmtilegra með því að
bæta ávöxtum og
kryddjurtum á borð við
myntu út í teglösin.
Frosin ber eru tilvalin
sem klakar í íste, en þiðin
eru þau ekki heldur
vitlaus í
heitt
ávaxtate.
Hvaða matar gætirðu síst verið án?
Ég gæti síst verið án þess að borða tómata, poppkorn og
hvítlauk. Það er sem sagt ítalskur matur og svo popp.
Besta máltíð sem þú hefur fengið:
Það er humarinn hjá tengdó. Hún steikir hann í hvítlauk og
smjöri og hefur hvítvín með, alveg eins og það á að vera.
Er einhver matur sem þér finnst vondur?
Ég get ómögulega borðað kjötbollur. Ég veit ekki af hverju
það er. Kannski fékk maður of mikið af þessu þegar maður
var yngri.
Leyndarmál úr eldhússkápnum:
Ég elda nú yfirleitt bara þannig að ég smakka mig áfram.
Ég nota hins vegar mikið af hvítlauk og engiferi. Engifer út í
súpur er algjör snilld.
Hvað borðar þú til að láta þér líða betur?
Ef ég ætla virkilega að dekra við sjálfa mig kaupi ég nauta-
steik og bý mér til dekurdisk. Á honum er steikin, sem verður
að vera svolítið „rare“, hvítlauksristaðir sveppir og salat
með ruccola, fetaosti og furuhnetum.
Hvað áttu alltaf til í ísskápnum?
Ég á alltaf tómata og sveppi. Og skinku, mér finnst
voða gott að skella í pitsu svona heima.
Ef þú yrðir föst á eyðieyju, hvað tækirðu með þér?
Ég reikna með því að það verði vatn á eyjunni. Þá
myndi ég trúlega taka með mér nokkur karton af
kókómjólk og banana, og svo kæmi ég mér upp
sjálfsþurftarbúskap þegar það væri búið.
Hvað er það skrýtnasta sem þú hefur
borðað?
Ég borðaði bjarnarkjöt í Sankti Pétursborg
þegar ég var að syngja þar. Það var alveg
rosalega gott en eiginlega ekki líkt neinu
öðru sem ég hef borðað.
MATGÆÐINGURINN SOFFÍA KARLSDÓTTIR SÖNGKONA
Ítalskur matur og poppkorn ómissandi
Íslendingar hafa löngum verið
gefnir fyrir sósur með þeim mat
sem á borð er borinn. Ferskar
salsasósur ættu því að eiga upp á
pallborðið hér en þær eiga ekki
allar mikið skylt við ídýfurnar í
krukkunum sem flestir þekkja
undir nafninu salsa. Salsa þýðir
sósa og því gefur auga leið að
salsa er til mörgum og marg-
breytilegum útgáfum.
Tómatsalsa, sem við þekkjum
kannski hvað best, er hægt að
gera bæði úr elduðum og hráum
tómötum. Salsa verde, græn sósa,
er gerð úr tomatillo-tómötum,
grænum chilipipar og kóríander,
en einnig má útbúa salsa með
græna papriku, ananas eða jafn-
vel kíví sem uppistöðu.
Þessa uppskrift að mangósalsa
er að finna á heimasíðunni Myrec-
ipes.com. Í hana má ef vill bæta
jalapeño-pipar, gúrku, eða tómöt-
um.
1 ferskt mangó, afhýtt og
skorið smátt
1/3 bolli saxaður rauðlaukur
1/3 bolli saxaður ferskur kóríander
1 msk. nýkreistur lime-safi.
Blandið innihaldinu saman og
kælið þar til maturinn er borinn fram.
Hentar vel með fiski.
Salsa með fiskinum
Á næstu vikum býður Vínskólinn
upp á tvö Master Class-námskeið
með sérfræðingum frá Frakklandi
og Spáni. Francois Perrin er annar
tveggja bræðra sem eiga Château
de Beaucastel í Rhône-dalnum en
vín frá þeim er nú komið aftur í
hillur vínbúðanna eftir að hafa
verið ófáanlegt hér um tíma. Perr-
in ríður á vaðið mánudagskvöldið
31. mars en að kvöldi 1. apríl held-
ur víngerðarkonan Maria Marti-
nez Sierra frá Montecillo nám-
skeið á vegum Vínskólans. Hin
spænsku Montecillo-vín hafa verið
afar vinsæl hér eins og víðar um
heim og því eflaust margir sem
hafa áhuga á að fræðast nánar um
þau. Einnig verður smakkað port-
vín og sérrí frá Osborne, sem
Montecillo tilheyrir, í lok kvölds.
Nánari upplýsingar um nám-
skeiðin er að finna á vinskolinn.is.
Lært af meisturum
MASTER CLASS HJÁ VÍNSKÓLANUM Tveir
víngerðarmenn koma hingað til lands
og fræða landann um víngerð á Master
Class-námskeiðum hjá Vínskólanum
sem haldin verða um mánaðamótin.
NORDICPHOTOS/GETTY
Kristín Eysteinsdóttir leikstjóri hefur í
nógu að snúast þessa dagana, enda frum-
sýning á næsta leiti. Þegar heimatökin eru
hægari nýtur hún þess að elda upp úr mat-
reiðslubiblíunni sinni, The Silver Spoon.
Uppskriftin sem Kristín deilir með lesendum Frétta-
blaðsins að þessu sinni er upphaflega ættuð úr mat-
reiðslubiblíunni The Silver Spoon, sem Kristín kveðst
nota óspart. „Í henni er allt frá grænmetisréttum og
upp í fisk og kjúkling og allt saman. Við notum hana
mikið en breytum uppskriftunum oft eftir okkar höfði
og aðlögum að okkur. Við borðum til dæmis ekki mjólk-
urvörur,“ útskýrir Kristín, sem velur því til dæmis
ólífuolíu eða kókosolíu í staðinn fyrir smjörið.
„Í þessa uppskrift er ég vön að nota eitthvað lífrænt,
sterkt og gott karrí, indverskt eða eitthvað þannig. Svo
er líka gott að blanda smá túrmeriki út í það. Túrmerik
er krydd sem er talið vinna gegn krabbameini og
öðrum sjúkdómum. Það er í karríi, en það er gott að
bæta aðeins meiru við,“ segir Kristín, sem er einmitt
afar hrifin af bæði indverskum mat og taílenskum.
„Þessi réttur er svo líka mjög þægilegur, því að þó að
hann taki smá tíma á eldavélinni þarf maður samt að
gera svo lítið. Eplin verða ótrúlega mjúk og sæt og
passa rosalega vel með, og stundum set ég líka dálítið
af rúsínum út í,“ bendir hún á.
Kristín gerir þó lítið af því að elda þessa dagana, þar
sem vinnutörnin sem fer á undan frumsýningu stendur
nú sem hæst. Hún leikstýrir nú leikritinu Sá ljóti, sem
frumsýnt verður í Þjóðleikhúsinu 5. apríl næstkom-
andi. „Það fjallar um mann sem kemst að því að hann
fær ekki að fara á ráðstefnu á vegum fyrirtækis síns af
því að hann er svo ljótur,“ útskýrir Kristín. „Þetta er
mjög umbúðalaust leikrit, sem fjallar bæði um fegurð-
ardýrkun samfélagsins og út frá hverju sjálfsmynd
okkar mótast,“ segir hún. sunna@frettabladid.is
Með silfurskeið að vopni
MATREIÐSLUBIBLÍAN Kristín Eysteinsdóttir hefur gaman af því
að elda upp úr matreiðslubiblíu sinni, The Silver Spoon, þegar
tími vinnst til. FRÉTTABLAÐIÐ/ANTON
KJÚKLINGUR Í KARRÍI MEÐ EPLUM OG LAUK
2-4 kjúklingabringur
1 msk. ólífuolía
2 msk. karrí
2 msk. rjómi
2 laukar, skornir
2 epli, flysjuð og skorin í báta
Miðið kjúklingabringur við eina á mann. Í
stað ólífuolíu má nota kókosolíu, sem er
þá látin bráðna á pönnunni. Kristín notar
kókosrjóma í stað rjómans.
Olían hituð á pönnu. Kjúklingur skorinn í
bita, settur á pönnuna og velt þar til hann
er brúnaður báðum megin, salt og pipar
sett yfir. Því næst er karríinu hrært saman
við 150 ml af heitu vatni og því er hellt
yfir kjúklinginn. Lauknum og eplunum er
svo stráð yfir, lok sett á pönnuna og hitinn
lækkaður og þessu leyft að malla í 35 mín-
útur, oft er gott að bæta aðeins við af heitu
vatni ef þarf. Eftir 30 mín. er rjómanum
bætt við og svo eldað í tíu mínútur í viðbót
við lágan hita. Berist fram með hrísgrjón-
um eða kúskús.
Kokkakeppni grunnskóla Íslands fer fram í
Menntaskólanum í Kópavogi 12. apríl næstkomandi.
Keppnin hóf göngu sína árið 2004 sem kokkakeppni
meðal nemenda Rimaskóla í Grafarvogi, fyrir
tilstilli Áslaugar Traustadóttur heimilisfræðakenn-
ara. Í fyrra öttu tíu grunnskólar í Reykjavík kappi,
en í ár er keppnin í fyrsta sinn opin grunnskólum á
landsvísu.
„Nú þegar eru komin þrettán lið. Skráningarfrest-
urinn rennur hins vegar ekki út fyrr en 31. mars, og
ég er að vona að við náum upp í tuttugu,“ segir
Áslaug, sem segir enn nægan tíma til stefnu fyrir
þá skóla sem hafa hug á að senda lið í keppnina.
Mikil hefð hefur skapast fyrir kokkakeppni
Rimaskóla, sem haldin var í fimmta sinn í ár, en
Áslaug segir að fleiri skólar hafi fetað í þau fótspor.
„Fjöldinn allur af skólum hefur haldið undankeppn-
ir í ár,“ segir Áslaug.
Sumir keppenda hafa haldið áfram í matreiðslu-
nám þegar grunnskóla er lokið, og þar á meðal einn
liðsmaður úr sigurliði fyrstu kokkakeppni Rima-
skóla. „Ég veit að þeir sem voru í öðru sæti í fyrra,
frá Álftamýrarskóla, eru í matreiðslunámi núna, og
krakkarnir hafa líka verið að fara í þjóninn og
bakarann,“ segir Áslaug. „En þó að þau fari kannski
ekki í kokkanám er ég viss um að þetta eflir alla
matarmenningu landsins. Bæði er þetta góð
undirstaða fyrir ungt fólk, og eins vinnur þetta
mjög ákveðið gegn skyndibitamenningunni sem við
erum alltaf að glíma við. Þessir krakkar munu elda í
framtíðinni,“ segir hún.
Keppnin fer fram í MK 12. apríl. Nánari upplýs-
ingar er að finna á kokkakeppni.is. - sun
Keppni eflir matarmenningu
KOKKAKEPPNI Á LANDSVÍSU Kokkakeppni grunnskóla Íslands
fer fram í fyrsta sinn á landsvísu í ár. Upphafsmaður hennar,
Áslaug Traustadóttir, vonast til að ná tuttugu liðum til keppni.
Myndin er tekin í keppni grunnskóla Reykjavíkur í fyrra.
FRÉTTABLAÐIÐ/VALLI
SALSA Í MÖRGUM MYNDUM Mangó-
salsa, kívísalsa og salsa verde eru bara
nokkrar af fjölmörgum útfærslum á
mexíkósku salsa sem Íslendingar geta
spreytt sig á. NORDICPHOTOS/GETTY
Frábær Fermingargjöf
Þessi sér um að vekja þarft að fara framúr til að slökkva á henni!
MAGNAÐASTA VEKJARAKLUKKA
ALLRA TÍMA
iRobot ehf.
Hólshraun 7, 220 Hfj. S. 555 2585
Irobot.is
Fæst Hjá
Max
Og hjá
Byggt og Búið
í Smáralind og Kringlu.
Fáðu þér eina iRobot og njóttu komandi sumars….
(ný sending komin)